1 Fiyeel 4:14 - Jola-Kasa

¹⁴ Awólo, bukanabuku bageleluul mata kúgoom joom kata Kilisita, mata Buyinumabu báyiineniyaabu, Buyinumabu bata Ateemit bumbu li bukuluul.

1 Fiyeel 4:14 ပူးပေါင်းရင်းမြစ်များ

Máciya 5:11

Awólowuul, bukanabuku bageleluul, li kúlaatenuul, ban li kulob kulim kanookan kajakut kalet mal̥egen kuya li bukuluul, mata ínje íji.

Máciya 5:16

Muñaˈa foof jóotimuu jiwuŋen loon ehiitum hákil bukanabuku feh. Bájum li kujuk makaanelamu mooluul majakaamu, min kusal Atuubawuul ammuu haatiya.

Hulimahu Hásuumaahu loon Lík akiic homuu 6:22

Awólowuul, bukanabuku balateluul, li kuhoyuul, li kugeluul, ban li kujokuul bukan kajakut, mata Añool-An áji!

Hulimahu Hásuumaahu loon Saŋ akiic homuu 15:21

Bale fan kukaanuul wahawu unwu feh mata ínje íji, mata kuhaasut anawu áboñulommuu.

Hulimahu Hásuumaahu loon Saŋ akiic homuu 8:48

Kusuwifaku li koonool: — Jikooŋut fíle min joonumuu awu an ata Samali, ban buyinum bajakut bújufoyi?

Hulimahu Hásuumaahu loon Saŋ akiic homuu 9:28

Kufaaliisiyeŋaku li kugelool, ban li koonool: — Awu ommuu ágoomawu ata ánayinaawu ummu! Alóli kúgoom kata Móyiis joom.

Hulimahu Hásuumaahu loon Saŋ akiic homuu 9:34

Li koonool: — Awu foofi feh ammuu li kahoofoo nan ubukimuu boot muñeˈe, li uhin ufañ min úliikenoli kulim? Muñeˈe li kukesoolool áfu’ li eluufayi yata Kal̥awaku.

Bakaanelabu 13:45

Nan Kusuwifaku kujukumuu búsukabu, li kutahaay ŋáa’. Li kunaak kúhoogul kulimaku kata Fool, ban li kunaak kugelool.

Bakaanelabu 18:6

Bale Kusuwifaku li kuhoy kujam hulimahu hata Fool, min kunaak kugelool. Muñeˈe li ahank kafolaku kata wañawu woola aban li aaniil: — Jibanumuu li jíjim, li bukuluul bilume. Inti lí ínje. Ban muñeˈe boot min ijow bata kákaanumutumuu li Ateemit balewool.

Bakaanelabu 28:22

Bale jifaañe min awu humumi úloboli min jijam kayinooli, mata jihaase kaanaku tanootan bukanabuku kuhoohoy hujojahu unhu dán ommuu.

Bakaanelabu 5:41

Kufootalaku li kúfu’ li hojojahu li ésuumahukow ló, mata min Ateemit ajokiilumuu bukan katooke min kucoociil mata kajawaku kata Yéesu kúji.

2 Kata Koolent 12:10

Wahawu unwu újimuu li súumom ŋáa’ min ígootomuu, min kugelewommuu, min séngiyewommuu, min ílaamemuu li min ibajemuu buyina humum hata Kilisita, mata nan ígootomuu no libajumuu sembe.

2 Kata Koolent 4:10

Alóli jumbuku nanoonan min jitebemuu li síniiloli tanootan sílaamasu sata eketayi yata Yéesu, bájum buloŋabu boola foof li bujuki li siniilasu sóololi.

2 Kata Koolent 4:16

Wahawu unwu újimuu jakum úyekowaal. Ban maayeet min eniilayi yoololaal yommuu li kakajen, bale kata láalawolaal ummu min wunkulowemuu hunakoohunak.

Kata Galasi 1:24

Ban li kusal Ateemit mata ínje íji.

Eébulo 11:26

Li ajok li buyinumool kaanaku, kubesoolumuu loon kubesumuu Kilisita, láalu hubaj hahaŋe maluuk hubajahu feh hata etaamayi yata Ejíf, mata laŋaŋŋa’ sítiijool feh akaan li busuuhenabu ban Ateemit ammuu li abil asenool.

Saak 1:12

Awólo, an áami li sílaam ban li amunten. Mata nan ammuu amunten boot yok nan sílaamasu sommuu li siban, Ateemit fan asenool buloŋabu babaneliitumuu bulako busuuhen, ban alobumuu kasen bukanabuku kafañoolumuu.

Saak 5:11

Loonaaliisoon áwolo mata kútuutuk lit. Jijanjam bukanabuku li kulob mata humuntenahu hata Sob, nan alakomuu sílaamasu. Ban jihaase waa Amaaŋenawu abile akaanumuu boot li akila li húbanumahu, mata Amaaŋenawu laluuluuk húbooli li káyiyen.

1 Fiyeel 2:12

Jiloŋ buloŋ bajake hákil bukanabuku kákaanumutumuu li Ateemit balewool, mantee maayeet min kukite kúlobooluul min koon bukuluul bukan kajakut, li kujuk bakaanelabu booluul bajakaabu, min kújowum tó kusal Ateemit li hunakahu nan ammuu li abil.

1 Fiyeel 3:14

Maayeet min jikite jílaam mata jikankaan wah wacole, jibaje kásuumaay. Jakum jíkoli bukan, ban jakum uyinumuul úguul̥oo.

1 Fiyeel 3:16

Bale joote jilobiil mata káyinenaku kooluul li buyinum bájoobiye li ekole ló, ban foof li buyinum basete, bájum tan kúloboolewuulumuu loon eenimuu bukuluul bukan kajakut joom, li kujuk baloŋelabu booluul bajakaabu ban jibajumuu li Kilisita, li kusuu.

1 Fiyeel 4:16

Bale an li bukuluul aanomuu li sílaam mata ágoom laam ata Kilisita, jakum asuu. Laate asal Ateemit min atookumuu kateb kajawaku kata Kilisita.

2 Fiyeel 2:2

Bukan kameeŋe fan kunab li bakaanelabu booliil basuuneniyaabu, ban bakaanelabu booliil fan búji bukanabuku li kulob kulim kajakut kuya li bútinabu bata mal̥egenamu.