1 Fiyeel 3:7 - Jola-Kasa

⁷ Li manolamu, bukuluul kánayinaabuke, li buloŋabu booluul li kuseekuul, joote jijokiil jak min jihaas joon kuhaŋuuhaŋ mágooto. Jiluukeniil, mata buko foof fan kuyab loon bukuluul kájiyaku kata buloŋabu bata mal̥egen. Jikaan loon muñaˈa jakum bil wah ukajen ul̥awawu wooluul.

1 Fiyeel 3:7 ပူးပေါင်းရင်းမြစ်များ

Máciya 18:19

«Fan ilaañen eenuul, bukan kúl̥uba li bukuluul kujamoomuu li etaamaye min kul̥aw wah, Atuubawom ammuu haatiya fan aseniil wo.

1 Kata Koolent 7:3

Anáyinaawu laate akaan aseekool wahawu wan ánayine áatimuu akaan aseekool. Li manolamu, anaalaawu foof laate akaan áyinool wahawu wan anaale áatimuu akaan áyinool.

Kata Efées 3:6

Wahawu unwu wahaasutimuu wata Ateemit wo wommuu unwe: bukanabuku kaletumuu kusuwif kubaje wahawu wanolawu li kusuwifaku. Muñeˈe buko bukan kano koom, ban li kóomi ló foof li wahawu wan Ateemit alobumuu kasen kusuwifaku. Wahawu unwu ubabbaj humum hata hujokoolahu hata kaletumuu kusuwif li Kilisita, habilummuu li Hulimahu Hásuumaahu.

Kata Efées 4:30

Jakum jíji Buyinumabu Banabaabu bata Ateemit li búyiyenoo. Buyinumabu umbu Banabaabu bo Ateemit akaanumuu li bukuluul, min bulako húlangumaaso háhiise kaanaku li hunakahu húbanumahu fan afakenuul li majakut manooman.

Kata Efées 5:33

Bale kulimaku unke lilobumuu foof boot li bukuluul: ánayine anoowan laate ábooli aseekool loon ábooliwoolomuu akila humumool, ban anaale anoowan laate foof átuul áyinool.

Kata Efées 6:18

Jil̥aw nanoonan li búlambenum bata Buyinumabu Banabaabu. Jil̥aw Ateemit min alambenuul li wahoowah feh. Jíkaanum min jijooŋoo to li kal̥awaku, ban li jinaak jil̥aw boot li bukanabuku feh kata Ateemit.

Kata Kolos 3:19

Kánayinaabuke, jíbooli kuseekuul ban jakum jítaañi li buko.

1 Kata Tesalonik 4:4

Anoowan li bukuluul laate ayili ajok eniilayi yoola jak min aloŋ buloŋ banabe ban li busali.

Eleetalayi yan Fool akiicumuu Tit 3:7

Ateemit lakankaan mo, bájum li ujokaali bukan kacole humum hata kájiyaku koola, min buloŋabu bábaneliitumuu ban úkangumaamuu li bo bulako boololaal.

Eébulo 1:14

Kama inti kumalakaaku uyinum koom wáami li bulok boot li Ateemit? Inti Ateemit laboñeboñ kumalakaaku kujow kulamben bukanabuku káatimuu kuyab kafakaku kutowo?

1 Fiyeel 3:1

Li manolamu, bukuluul kaalaabuke joote jítuul kúyinuul, mantee nokoomuu loon baje kukee li buko kahoye báyinen li Hulimahu hata Ateemit, baloŋelabu booluul li bújiyiil li kúyinen, bukuluul balobutiil hulim hanoohan,