1 Fiyeel 3:22 - Jola-Kasa

²² Kilisita lajowujow boot li emitayi ajow aano kaŋen kúli kata Ateemit, min áaki li kuŋenool kumalakaaku, kuhaanaaku li sembe sanoosan feh.

1 Fiyeel 3:22 ပူးပေါင်းရင်းမြစ်များ

Máciya 22:44

«Amaaŋenawu Ateemit lansaan Amaaŋenawu úmbaam: “Ubil ubah kaŋenom kúli boot yok nan emmuu iŋa’ kulatoolayi ikaani úkakul”.»

Máciya 28:18

Yéesu li ákoojuliil min aaniil: — Ateemit lasenonsen kayile kanookan li emitayi li etaamayi.

Maak 12:36

Dayit humumool lansaan li búkaanum bata Buyinumabu Banabaabu: «Amaaŋenawu Ateemit lansaan Amaaŋenawu úmbaam: “Ubil ubah kaŋenom kúli, boot yok nan emmuu iŋa’ kulatoolayi ikaani úkakul.”»

Maak 16:19

Nan Amaaŋenawu Yéesu alobiilumuu kulimaku unku aban, Ateemit li aŋalool ájowetum boot li emitayi, ajow akaanool abah kaŋenool kúli.

Hulimahu Hásuumaahu loon Lík akiic homuu 20:42

Mata Dayit humumool lansaan li éliibalayi yata Ukijenawu: «Amaaŋenawu Ateemit lansaan Amaaŋenawu úmbaam: “Ubil ubah kaŋenom kúli,

Hulimahu Hásuumaahu loon Saŋ akiic homuu 13:32

[Nokoomuu loon máyiineniyamu mata Ateemit mujukijuk li Añool-An,] Ateemit foof fan akaan máyiineniyamu mata Añool-An mujuki li akila humumool, ban fan akaan mo mujuki muñeˈe.

Bakaanelabu 1:11

Kánayinaabuku kúl̥ubaaku li kooniil: — Kánayinaabuke káfummulomuu Gálile, kama wáa újiye li joono taatu li kal̥uyo haatiya emitayi? Yéesu ummu, an Ateemit aŋa’muu li bukuluul ájowetum boot li emitayi, fan abil álaañul foof manolamu loon jijukoolumuu li ajow boot ló.

Bakaanelabu 3:21

Bale muñeˈe, Yéesu boot min afan alako li emitayi. Fan alako ló boot yok nan Ateemit ammuu alaañen wahawu feh uwunkulo, loon Ateemit humumool alobumuu kábilum nakee, li utum wata kufulofetaku, kammuu bukan kanabe.

Kata Lom 8:34

Ayimaa ayilo atiibiil min abetiil li katek? Maayeet ano! Yéesu Kilisita okila aketumuu, ban aketut bale, layitowuuyitowul li eketayi, ban muñeˈe ummu kaŋen káli kata Ateemit, min anaak al̥aw boot li alolaal.

Kata Lom 8:38

Lihaase li mal̥egenamu kaanaku bajut wah wayilo úgaatuloolom li húbooliyahu hoola: let eketayi, let buloŋabu, let emalakaayi, let uyinumawu wajakutaawu wágootenemuu bukan, let wahawu wata muñeˈe, let foof wahawu wabilemaa, let sembe sanoosan,

1 Kata Koolent 15:24

Fúlum tómuu, wahawu feh li ukit uban, nan Kilisita ammuu li aniilen uyinumawu feh wajakutumuu, li huhaane hanoohan, li sembe sanoosan aban, li alaañen Jáyiiyaju asen Ateemit Atuubaawu.

Kata Kolos 3:1

Emmuu Kilisita layitowuuyitowul li eketayi li bukuluul ló, kama jiŋes wahawu wammuu haatiya dán Kilisita áamimuu mabahe kaŋen kúli Ateemit.

Eébulo 1:13

Ateemit ámusut aan akee li kumalakaaku koola: «Ubil ubah kaŋenom kúli, boot yok nan emmuu li ikaani kulatoolayi úkakul.»

Eébulo 1:3

Kaleñaku kata máyiineniyamu mata Ateemit li Añiilawu ummu koom. Li akila bóonowabu bata Ateemit bujukimuu. Hulimahu hoola habajaahu sembe laŋale min afeb adunaayi. Nan ágiilenumuu bukanabuku li uhoofoolawu wooliil aban, li ajow abah haatiya tiya emitayi kaŋen kúli Ateemit abajaawu sembe.

Eébulo 1:6

Ban foof nan Ateemit áboñulumuu li adunaayi inye añoolool ajandumuu abuki, lansaan: «Kumalakaaku feh kata Ateemit, koote kumanenool.»

Eébulo 10:12

Bale Kilisita, okila kasila kano bale lakaane boot li uhoofoolawu, ban li abah kaŋen kúli Ateemit boot nanoonan.

Eébulo 12:2

Uŋalaal sítiijolaal feh ukaanaal li Yéesu, ájimuu li ubajaal káyinen ban li ajow li ko boot to. Lakaakat bo ésuumansuumayi yan áatimuu abaj, min aan éehe’ min aket li ekuluwaayi bajukelut li ñisuuwañu ñáamimuu li eket loon inyu. Muñeˈe okila ummu min abahe kaŋen kúli efenjeŋayi yata jáyiiyaju jata Ateemit.

Eébulo 4:14

Emmuu lubajaale álamba áamak abaje sembe, ajowumuu boot li emitayi, ammuu Yéesu Añiilawu ata Ateemit, kama útukaal lit káyinenaku kan ulobaalemuu mata ko.

Eébulo 6:20

Dó úndu Yéesu ajandolaalumuu ajow, anokenumuu boot li alolaal, ban li alako álamba áamak loon Melikisedek, boot nanoonan.

Eébulo 8:1

Hulimahu hahaŋumuu kaaku feh kalobimuu, ho hommuu unhe: lubajaale álamba áamak loon ummu. Lababbah li emitayi kaŋen káli efenjeŋayi yata jáyiiyaju jata Ateemit.

Eébulo 9:24

Li mal̥egenamu, Kilisita anokenut li eluuf yata Ateemit yan kuŋen kata bukan kuteefe. Eluufayi inyu elakolako kambu bale kata eluufayi yata mal̥egen yata Ateemit. Kilisita lanokennoken li emitayi humum yo, ajow alako muñeˈe hákil Ateemit boot kalambenolaal.