1 Fiyeel 3:20 - Jola-Kasa

²⁰ Uyinumawu unwu wajenkimuu wo wommuu bukanabuku kahoyumuu naanaŋ báyinen li Ateemit, nan alakomuu kakokkobenaku li húmuñ ló, li taŋayi nan Nówe alakomuu kakaanaku kata busaanaabu báamakabu. Bukan kafamut, koono hutok li kúhaaji, kunokenumuu li busaanaabu min kúfakum li malamu.

1 Fiyeel 3:20 ပူးပေါင်းရင်းမြစ်များ

Máciya 7:14

Bale kámbiilaku kata buloŋabu, kuhohhog. Bútinabu foof bata buloŋabu búsengisengi éjowum. Bukanabuku kajukumuu bútinabu umbu bata buloŋabu kumeeŋut.

Hulimahu Hásuumaahu loon Lík akiic homuu 12:32

— Sákoluul, bukuluul jammuu bumat batit! Mata Atuubawuul súumoosuum min asenuul Jáyiiyaju joola.

Bakaanelabu 2:41

Li kúbatiise bukanabuku káyinenumuu hulimahu hata Fiyeel. Hunakahu unhu, bukanabuku kubilumuu kufamen to huwoogahu hata bukanabuku káyinenumuu li Yéesu, kuyilo kúliiŋ sínjunne síhaaji.

Kata Lom 9:22

Ateemit ammuu ateefaawu, lafanfañ min áhiis bukanabuku etindihuuñayi yoola, ban li akaaniil min kuhaas sembaasu soola. Mó mújimuu bukanabuku katookeenumuu min aniileniil li etindihuuñayi yoola, lámuñiimuñ ŋáa’ li hujokoo ló.

Kata Efées 5:26

min akaan yo elako Ejangu yanabe. Li aŋa’ Hulimahu hoola min ágiilen yo loon ágiilenemuu.

Eébulo 11:7

Káyinen kújimuu Nówe li ajanten kulimaku kan Ateemit aloboolumuu ákibben mata wahawu wajukolutimuu. Li akaan to buyinumool li kulimaku kan Ateemit aloboolumuu, min akaan busaana báamak dán áfakenummuu butoŋabu boola foof bo feh. Muñowu láhiisummuu kaanaku adunaayi ekajenkajen, ban Ateemit li ajokool an acole humum hata káyinenaku koola.

1 Fiyeel 1:22

Joonosoono bukan kanabe humum hata min jítuulumuu mal̥egenamu, boot mata min jíbooliwoo li mal̥egen loon batuyaay. Jíbooliwoo ŋáa’ li uyinumuul feh.

1 Fiyeel 1:9

mata jibabbaj wahawu wan káyinenaku kusenemuu, wammuu kafakaku kooluul.

1 Fiyeel 2:25

Li mal̥egenamu, bukuluul jinokooleenokoo loon kúgalalaan kájime, bale muñeˈe jílaañulo boot bata amataawu ooluul afooyemuu li bukuluul.

1 Fiyeel 3:19

Muñeˈe li Buyinumabu umbu lájowummuu foof awaale Hulimahu Hásuumaahu uyinumawu wajenkimuu.

1 Fiyeel 4:19

Mó mújimuu, bukanabuku kammuu li sílaam naboo li húnongumahu hata Ateemit, koote kunaak kukaan majake ban li kuŋa’ saalasu sooliil kukat li kuŋenaku kata Ateemit Awúwenumuu wahoowah feh, alobemuu wah aban li akaan wo.

2 Fiyeel 2:5

Ateemit akatut bo foof adunaayi yata naanaŋ, bale li áŋalul mal máamak mujow mumeeŋen etaamayi feh yameeŋ nomuu bukan kákoliwut Ateemit, min afaken Nówe anaake alobumuu bukanabuku wahawu wacolumuu wan Ateemit afañumuu, li bukan foof kukee koono hutok li kúl̥uba.

2 Fiyeel 3:15

Jihaas kaanaku húmuñahu hata Amaaŋenawu hújimuu bukuluul li jiyili jifak. Wahawu unwu atuyolaal Fool ammuu abukewolaal, akiiculuumuu li bújallowabu ban Ateemit asenoolumuu.