1 Fiyeel 2:8 - Jola-Kasa

⁸ Bakiicelabu li boon foof tikee: «Huyitikahu unhu fan húji bukan li kujonten, li hoono húlankiin habete bukan.» Bukanabuku fan kujonten li ho mata kúyinenut li hulimahu, ban wahawu unwu kufimmuu min kukaani to boot.

1 Fiyeel 2:8 ပူးပေါင်းရင်းမြစ်များ

Hulimahu Hásuumaahu loon Lík akiic homuu 2:34

Simiyoŋ li ásooniyeniil ban li aan Mali, jaaw ata Yéesu: — Ateemit lal̥ul̥l̥us añiilawu umme bánum li áji bukan kameeŋe kata Isilayeel li kulo, kaabuku li kuyito. Fan alako búhiisenum bata Ateemit ban bukanabuku kóomi li kuhoy.

Kata Lom 9:22

Ateemit ammuu ateefaawu, lafanfañ min áhiis bukanabuku etindihuuñayi yoola, ban li akaaniil min kuhaas sembaasu soola. Mó mújimuu bukanabuku katookeenumuu min aniileniil li etindihuuñayi yoola, lámuñiimuñ ŋáa’ li hujokoo ló.

1 Kata Koolent 1:23

Alolaal, Kilisita abaaŋimuu li ekuluwaayi okila luwaaleyaalemuu moola. Kulimaku unku kan uwaaleyaalemuu kulakolako busiisijan boot li Kusuwifaku, li kulako bul̥uuhoo boot li kaletumuu kusuwif.

2 Kata Koolent 2:16

Li bukanabuku kammuu li kájim, lakolako kaciiŋ kata eket boot kakaan eket. Li bukanabuku kammuu li kafak, lakolako kaciiŋ kata buloŋ boot kasen buloŋ. Ban kama ayimaa ayilimuu akaan bulokabu umbu?

Kata Galasi 5:11

Kutuyom, nokoomuu loon ínje liloŋe li iwaale mata katey búkut, wáa lí úji li kumit koono li kálaamenom? Nokoomuu loon mo, kama muñeˈe busiisijanabu babilummuu li eketayi yata Kilisita li ekuluwaayi, búfule.

1 Kata Tesalonik 5:9

Mata, Ateemit akaanutolaal to boot min ubil ubujaal katek li etindihuuñayi yoola, bale min úbajumaal kafakaku li Amaaŋenawu oololaal Yéesu Kilisita.

1 Fiyeel 2:6

Li mal̥egenamu, kulimaku unke kulobimuu li Bakiicelabu: «Lil̥ul̥l̥us huyitik hatiineniye ŋáa’, han éemi li iwalen li ésukayi yata Siyoŋ. Huyitikahu unhu ho hutebumuu eluufayi feh. An ammuu áyinen li ho, let áyeko.»

1 Fiyeel 2:7

Huyitikahu unhu hubabbaj jáliŋ yáamak boot li bukanabuku káyinenumuu, bale boot li bukanabuku káyinenutumuu: «Huyitikahu han bukanabuku kalakomuu kateefaku kuhoyumuu, ho hubile huhaŋumuu mabaj jáliŋ.»

2 Fiyeel 2:3

Efañ sídalamayi yooliil fan éjiyiil li kubuntumuul li ukoŋ wan kujuul̥e min kúbajum tó wah. Bale fiyowe ŋáa’ nan katekaku kooliil kóomi li kakobiil, ban let fiyo kújowum li sambun.

Eleetalayi yan Súd akiicumuu 1:4

Mata babbaj bukan kákoliwut Ateemit kabuuyulo kúluul̥owolaal. Bukanabuku umbuku Bakiicelabu bulollob mata katekaku kooliil nan fiyo. Fan kunaak kutiigul hulimahu halobumuu mata kájiyaku kata Ateemit oololaal, min kújowum tó kukooŋen kákaanikoolaku kooliil, ban li kuceeŋ kaanaku Yéesu Kilisita balewool ammuu Anahaanawu li Amaaŋenawu oololaal.