1 Fiyeel 2:21 - Jola-Kasa

²¹ Wahawu unwu Ateemit ahooñuulumuu boot, mata Kilisita humumool lálallaam boot li bukuluul. Lakatuukat to bukittenoolum bájum li jinab li kootaku koola.

1 Fiyeel 2:21 ပူးပေါင်းရင်းမြစ်များ

Máciya 10:38

An atebutumuu ekuluwaayi yoola tan ayilimuu aket, min ánabul lí ínje, áliiŋut min aani úmbaam.

Máciya 11:29

Jítuulom, ban li jiliikenum lí ínje. Mata likankaan an ájoobiye buyinum, an atebenoolowut. Jikaan momuu fan jibaj kayool̥o.

Máciya 16:24

Nan fú’ tómuu, Yéesu li aan kúgoomaku koola: — An afañumuu min ánabul lí ínje, li akat kayinoo mata buloŋool. Ateb ekuluwaayi yoola, min ánabul lí ínje.

Hulimahu Hásuumaahu loon Lík akiic homuu 24:26

Kama Afakenaawu aateenut álaam loon muñowu átowum alako li máyiineniyamu moola?

Hulimahu Hásuumaahu loon Saŋ akiic homuu 13:15

Li mal̥egenamu, likankaan loon muñaˈa min íhiisuul, bánum bukuluul foof li jinaak jikaan loon ínje ikaanuulumuu.

Hulimahu Hásuumaahu loon Saŋ akiic homuu 16:33

Lilobuulob loon muñaˈa mantee li jíbajum kásuumaay lí ínje. Fan jílaam ŋáa’ li adunaayi, bale sákoluul. Injé liheeheek adunaayi.

Bakaanelabu 14:22

Li kuwankulen kúgoomaku, ban li kooniil kútuk lit káyinenaku kooliil. Li kunaak foof kooniil: — Lootaale úlaamaal ŋáa’ tówum unokenaal li Jáyiiyaju jata Ateemit.

Bakaanelabu 17:3

Li akitteniil ban li áhiisiil kaanaku loon Hulimahu hata Ateemit hulobumuu, Afakenaawu laate álaam ban li ayitowumul li eketayi. Li aaniil: — Yéesu an ilobemuu li bukuluul moola, okila ammuu Afakenaawu.

Bakaanelabu 9:16

Injé humumom fan íhiisool sílaamasu feh san áatimuu álaam boot mata ínje.

Kata Lom 8:29

Bukanabuku kan Ateemit al̥usumuu yaan no ákibben, lajoojok yaan no foof min akaaniil kunokoo li Añoolool, bájum li alako añiil átiyaa abaje kutuyaay kameeŋe.

1 Kata Koolent 11:1

Jiliikoo lí ínje, loon ínje humumom iliikoolemuu li Kilisita.

Kata Efées 5:2

Jiloŋ buloŋ bata húbooli loon Kilisita ábooliwolaamuu, ayok asen buloŋool boot li alolaal. Lasensen buloŋabu boola loon kasila, búsimen básuume Ateemit.

Kata Fílib 2:5

Jiloŋ li tutooluul loon bukan káyinene li Yéesu Kilisita kuloŋemuu:

1 Kata Tesalonik 3:3

jakum bil sílaamasu san jommuu li so síji an li bukuluul li áyeko. Bukuluul humumuul, jihaase kaanaku sílaamasu unsu lóomumaal tomuu.

1 Kata Tesalonik 4:2

Li mal̥egenamu, bukuluul humumuul jihaase kulimaku kan jisenuuluumuu li kajawaku kata Amaaŋenawu Yéesu.

2 Tímote 3:12

Fiimaa bukanabuku feh kafañumuu min kuloŋ buloŋ bata kátuul Ateemit li hujokoolahu hoololaal li Kilisita Yéesu, fan kúlaameniil.

Eébulo 2:10

Li mal̥egenamu, Ateemit akila áwuwene wahawu feh wabajumuu, ban wahawu feh ubabbaj boot li akila. Min ban, lakankaan min kameeŋe li bañoolool kulako li máyiineniyamu moola. Emmuu Yéesu akila afakeneyiilumuu, mó mújimuu Ateemit li áati akaanool ájowum li sílaam mantee li áliiŋ jak.

1 Fiyeel 1:20

Ateemit lafinfin min al̥use Kilisita akat to boot li wahawu unwu, tówum adunaayi ejuul̥i, ban li áhiisenool muñeˈe li taŋaye ébanumaye, boot li majakaamu mooluul.

1 Fiyeel 2:24

Latetteb uhoofoolawu woololaal li eniilayi yoola boot li ekuluwaayi, bájum kahoofoo li kuket li ololaal, min uloŋaal buloŋ bacole. Li ucokawu woola bukuluul jífakummuu.

1 Fiyeel 3:18

mata Kilisita humumool lálallaam ñano ban kale, boot li uhoofoolawu wata bukanabuku. Okila jacolumuu, li aket boot li bukanabuku kacolutumuu, bájum li ájowetumuul boot bata Ateemit. Bukanabuku kumuumuk eniilayi yoola yata ál̥ahukowan, bale Buyinumabu bata Ateemit li bukaanool álaañul li buloŋ.

1 Fiyeel 3:9

Jakum an akaani majakut li uhin ukaanool majakut. Jakum an ageli li uhin ugelool, bale an agelimuu li úsooniyenool, mata wahawu unwu Ateemit ahooñuulumuu boot, mantee li jiyab kásooniyenaku.

1 Fiyeel 4:1

Emmuu Kilisita lálallaam li eniilayi yoola, bukuluul foof joote kama jibaj kayinoolaku kanolaku kammuu unke: anawu álaamumuu li eniilayi yoola, labandoole li kahoofoolaku.

1 Fiyeel 4:13

Bale emmuu jumbuku ló li sílaamasu sata Kilisita, ésuumansuum yoote kama elako li bukuluul, bájum li jibaj foof ésuumahukow yáamak nan Kilisita ammuu li áhiis máyiineniyamu moola bukanabuku feh.

1 Saŋ 2:6

An aanumuu li Yéesu lajoke, anawu ummu laate aloŋ akila humumool loon Yéesu aloŋumuu.

1 Saŋ 3:16

Yéesu Kilisita lasensen buloŋool boot li alolaal. Muñowu lúhaasumaamuu waa wommuu húbooli. Mó mújimuu lootaale foof usenaal buloŋolaal boot li kutuyolaal.

Búhiisenumabu 12:11

Li húsimahu hata Agálalaanawu kutuyolaal kúheekumoolumuu, li hulimahu foof hata Ateemit han kulobumuu ésukayi. Li koon éehe’ min kusen buloŋabu booliil mata min kuket.