1 Fiyeel 2:20 - Jola-Kasa

²⁰ Kasal buu lóomi li ubaj, awu bámuñe kútek kan kuteki mata lúbubbuj miñ? Bale ubajumuu sílaam awu bakaane jak, ban li úmuñ, laalu wah wajake hákil Ateemit.

1 Fiyeel 2:20 ပူးပေါင်းရင်းမြစ်များ

Máciya 26:67

Muñeˈe li kuyaan kumasenool li buul, ban li kutekool sínuka li siheejen ban li koonool:

Máciya 5:47

Ban jinaakumuu jisaaf kutuyuul bale, waa jikaan to waluuke. Kama inti maayeet bukanabuku kákaanumutumuu li Ateemit balewool, kukaanekaan mo?

Maak 14:65

Muñeˈe kukee li buko li kútoŋ kumasenool, li kúmibool kúkil, min kutekool sínuka ban li koonool: — Uhéboli ayi atekimuu. Muñeˈe kufooyaabuku li kunaak kutekool siheejen.

Hulimahu Hásuumaahu loon Lík akiic homuu 6:32

«Jifañumuu bukanabuku kafañuulumuu bale, kasal buu joote jíbajum to? Maayeet kuhoofoolaaku foof kufañefañ bukanabuku kafañiilumuu.

1 Kata Koolent 4:11

Boot yok li waatuwayi yan oomaalumee, áloli jumbuku min jicaalete, bahob li bóokoli. Jibajut búkoko, kumbuku min kútekewolimuu, ban jumbuku min jiñaahoole bomuu muñaˈa li jijow.

Kata Galasi 4:18

Kahanken lajaajak ŋáa’, nokoomuu loon wahawu wájiwuulumuu li jihanken ujaajak. Joote jinaak jihanken nanoonan, bale jakum lako ínje babile booluul bale.

Kata Efées 5:10

Jiŋes min jihaas wahawu wásuumumuu Amaaŋenawu.

Kata Fílib 4:18

Liyabe wahawu wan jíboñulommuu feh, uhaha boot lí ínje. Muñeˈe nan Efáfulodit asenommuu wahawu wan jíboñuloomuu lí ínje, laañut jokom li wahoowah. Wahawu feh wan jíboñulumuu unokoonokoo loon esalah yásuume ŋáa’, yan Ateemit ayabe ban li ésuumool.

1 Fiyeel 2:19

Li mal̥egenamu, jaajak min úmuñ humum hata Ateemit, sílaam san ubaje ban colut.

1 Fiyeel 3:14

Maayeet min jikite jílaam mata jikankaan wah wacole, jibaje kásuumaay. Jakum jíkoli bukan, ban jakum uyinumuul úguul̥oo.

1 Fiyeel 3:17

Li mal̥egenamu, haŋe majak min úlaam awu bakaane majake, nokoomuu loon li húfañum hata Ateemit, min úlaam mata lukankaan majakut;