1 Fiyeel 2:17 - Jola-Kasa

¹⁷ Jiluuken bukanabuku feh. Jíbooli kutuyuul kan jibajumuu káyinen kano. Jíkoli Ateemit, ban li jiluuken áyiiyawu.

1 Fiyeel 2:17 ပူးပေါင်းရင်းမြစ်များ

Máciya 22:21

Li koonool: — Kata Sesaal. Yéesu li aaniil: — Seeh, kama jilaañen Sesaal wahawu wata Sesaal. Ateemit li jilaañenool wahawu wata Ateemit.

Hulimahu Hásuumaahu loon Saŋ akiic homuu 13:35

Jíbooliwoomuu, bukanabuku feh fan kuhaas koon bukuluul kúgoom kúmbaam joom.

Kata Lom 12:10

Jíbooliwoo loon batuyaay bafañoole ŋáa’. Jihanken min jisuuwoo.

Kata Lom 13:7

Jisen anoowan wahawu wan atookumuu min abaj: Jisen búhalabu anawu an jóotimuu jisen bo, li jisen júutiyayi anawu an jóotimuu jisen yo. Jiluuken an an jóotiye jiluuken, li jisal an atooke kasal.

2 Kata Koolent 7:1

Kufaalom kan iboolaat, emmuu Ateemit lalobe kasenolaal wahawu unwu feh, kama lootaale usetenoolaal alolaal humumolaal, min úfulaal li wahoowah feh wayilo usik eniilayi yoololaal li buyinumabu boololaal. Uhankenaal min uhabelaal ulakowaal li mal̥egen bukan kanabe li kákoli kata Ateemit.

Kata Efées 5:21

Jinaak jítuuloo humum hata kákoli kan jíkoliye Kilisita.

Kata Fílib 2:3

Jakum jikaan wah li kayinoo kata búhaŋoo, mantee foof boot huŋes kasal kabajut jáliŋ, bale li kawalenoolo, jijok bukan kaabuku loon kuhaŋuuhaŋ.

1 Tímote 6:1

Bukanabuku feh kammuu li humiikeeleto koote kujok kunahaanaku kooliil bukan katooke min kuluukeni, jakum bil an alob majakut aya li kajawaku kata Ateemit li Baliikenelabu foof boololaal.

Eébulo 13:1

Húbooliwoo hata batuyaaya hoote hulako li bukuluul.

1 Fiyeel 1:22

Joonosoono bukan kanabe humum hata min jítuulumuu mal̥egenamu, boot mata min jíbooliwoo li mal̥egen loon batuyaay. Jíbooliwoo ŋáa’ li uyinumuul feh.

1 Fiyeel 2:13

Jítuul huhaane hanoohan hata bukan, humum hata Amaaŋenawu: lako áyiiyawu mata akila ammuu anahaanawu áamakawu,

1 Fiyeel 5:5

Li manolamu, bukuluul jañiilomuu, joote jítuul kunahaanaku kooluul. Bukuluul foofuul feh anoowan laate awalenoolo hákil afaalool, mata loon Bakiicelabu bulobumuu: «Ateemit lahoohoy bukanabuku katebenoolomuu, min asen kájiyaku koola kawalenoolomuu.»