1 Fiyeel 2:12 - Jola-Kasa

¹² Jiloŋ buloŋ bajake hákil bukanabuku kákaanumutumuu li Ateemit balewool, mantee maayeet min kukite kúlobooluul min koon bukuluul bukan kajakut, li kujuk bakaanelabu booluul bajakaabu, min kújowum tó kusal Ateemit li hunakahu nan ammuu li abil.

1 Fiyeel 2:12 ပူးပေါင်းရင်းမြစ်များ

Máciya 10:25

Jaajak min ágoom alako loon anahaanawu oola, min foof aloka alako loon anahaanawu oola. Anahaanawu ata butoŋabu afane ahooñi Bélusebul, naane háŋum kata butoŋabu humumiil.

Máciya 5:11

Awólowuul, bukanabuku bageleluul, li kúlaatenuul, ban li kulob kulim kanookan kajakut kalet mal̥egen kuya li bukuluul, mata ínje íji.

Máciya 5:16

Muñaˈa foof jóotimuu jiwuŋen loon ehiitum hákil bukanabuku feh. Bájum li kujuk makaanelamu mooluul majakaamu, min kusal Atuubawuul ammuu haatiya.

Máciya 9:8

Nan búsukabu bujukumuu wahawu unwu, li búkoli ban li busal Ateemit asenumuu bukanabuku kayile loon unku.

Hulimahu Hásuumaahu loon Lík akiic homuu 1:68

— Usalaal Amaaŋenawu, mata labiibil kalamben ésukayi yoola, min afaken yo.

Hulimahu Hásuumaahu loon Lík akiic homuu 19:44

Fan kúbuji foofi feh, awu li bukanabuku kakinumuu li awu; ban let kukat maayeet huyitik hano min hulemboo li hufaal ho. Mata uhaasut taŋayi nan Ateemit abilumuu boot kafakeni.

Hulimahu Hásuumaahu loon Lík akiic homuu 6:22

Awólowuul, bukanabuku balateluul, li kuhoyuul, li kugeluul, ban li kujokuul bukan kajakut, mata Añool-An áji!

Hulimahu Hásuumaahu loon Saŋ akiic homuu 13:31

Nan Sudaas áfu’muu, Yéesu li aan: — Muñeˈe máyiineniyamu mata Añool-An mujuki, min máyiineniyamu mata Ateemit mujuki li akila.

Bakaanelabu 15:14

Simoŋ lalobolaalob buu Ateemit acookoomuu yaan no li húkitumahu, bukanabuku kákaanumutumuu li okila balewool, min al̥usum li buko bukan kulako koola.

Bakaanelabu 24:13

Ban bukanabuku umbuku kuyilaat kúhiisi col kaanaku wahawu wan kúmalumuu kul̥oofom muñeˈe, mal̥egen.

Bakaanelabu 25:7

Nan Fool áliiŋulomuu, Kusuwifaku kabilumulomuu Yeelusalem, li kúguutool min kulob wah wajakut wameeŋe, wákoyileniye kuya li akila min koon okila akaan wo. Ban buko humumiil kuyilaat kúhiis kaanaku mal̥egen okila akaan wo.

Bakaanelabu 28:22

Bale jifaañe min awu humumi úloboli min jijam kayinooli, mata jihaase kaanaku tanootan bukanabuku kuhoohoy hujojahu unhu dán ommuu.

Kata Lom 12:17

Jakum an akaani majakut, li uluken. Jiŋes kakaan majake man bukanabuku feh koote kusal.

Kata Lom 13:13

Uloŋaal buloŋ bacole loon loŋemuu tihunak. Jakum unaak utiñaal ujow uwuuhenaal, jakum unaak úkaliyenoolaal, jakum unaak uhintowaal li aletalet, jakum úkaanikoolaal, jakum unaak úmuyutenoolaal, jakum baj batahaay li ololaal.

Kata Lom 14:18

An alokumuu boot li Kilisita loon muñaˈa, fan ásuum Ateemit ban bukanabuku fan kufañool.

Kata Lom 15:9

Yéesu Kilisita labiibil foof mantee bukanabuku kaletumuu kusuwif li kumanen Ateemit humum hata káyiyenaku koola, loon Bakiicelabu bulobumuu: «Mó mújimuu fan isali li tut bukanabuku kaletumuu kusuwif, ban fan ikijen min isal kajawaku kooli.»

1 Kata Koolent 14:25

To untu wahawu wayolomuu li buyinumool fan úfulul li mawuŋe. Muñeˈe fan ákuntuŋ min aŋa’ buulool aya teetaam min amanen Ateemit aan: «Ateemit ummu li mal̥egen li bukuluul!»

2 Kata Koolent 1:12

Wahawu wájimuu áloli li jisaloolo, wo wommuu mata búyinumoli búkaanolikaan jihaas kaanaku buloŋabu bóololi li adunaayi inye, háŋum hákiluul, bulakolako buloŋ banabe ban bata mal̥egen, babilumulo li Ateemit. Buloŋabu umbu bubilumuloot li bújallo bata ál̥ahukowan, bale li kájiyaku kata Ateemit bubilumulo.

2 Kata Koolent 13:7

Alóli jil̥awe Ateemit jakum bil bukuluul jikaan wah wajakut. Let mantee jifanfañ min jíhiisuul kaanaku áloli jikooŋe, bale jifañe min bukuluul jikaan majake, maayeet min kite nokoo loon áloli jíhihhiis kaanaku jibajut káyinen.

2 Kata Koolent 8:21

Li mal̥egenamu, káyinoololi feh ko kommuu huŋes min jikaan wahawu wajakumuu, inti hákil Amaaŋenawu bale, bale foof hákil bukanabuku.

Kata Efées 2:3

Naanaŋ, ololaal foofolaal feh lunaanaak ukaanaal foof loon bukanabuku umbuku. Lunaanaak uloŋaal buloŋ bajakut, naboo li kásiibowaku kata bóonowabu boololaal. Li unaak foof ukaanaal wahawu wajakutumuu wan eniilayi yoololaal efañumuu, ban li ubilumul li uyinoolawu woololaal. Bóonowabu boololaal umbu bajakutumuu bújimuu Ateemit laateen awuñetolaal loon lawuñetumuu bukan kaabuku feh.

Kata Efées 4:22

Joote kama jikat baloŋelabu booluul buhaanabu bakajenemuu uyinumawu wooluul, ban li jífu’ li kásiibowaku kajakutumuu kanaake kubuntuulumuu.

Kata Fílib 1:27

Bale lil̥awuul min jiloŋ hákil ésukayi feh loon Hulimahu Hásuumaahu hata Kilisita hulobumuu, mantee ibilumuu bóoluuloo li íbilaatiwoo, li ijam mooluul kaanaku jítuutuk lit, ban li jibaj kayinoo kano, min jikaan uyinumuul tin tano min jitaj mantee bukanabuku kujamumuu Hulimahu Hásuumaahu li kúyinen.

Kata Fílib 4:8

Kutuyom, hulimom húbanum ho hommuu jiŋa’ uyinumuul feh jikaan li wahoowah feh wajake li watooke kasal: li wahoowah feh wata mal̥egen, li wahoowah feh waluukeni, li wahoowah feh wacole, li wahoowah feh wanabe, li wahoowah feh wásuume li wáyiineniye.

1 Kata Tesalonik 4:12

Jikaan momuu, bukanabuku káyinenutumuu li Yéesu fan kuluukenuul, ban let jíloŋum li kuŋen bukan.

1 Tímote 2:2

Joote jil̥aw boot li kúyiiyaku li kunahaanaku kata ésukayi feh, mantee li ubajaal buloŋ bata kabeben li bata kásuumaay, min útuulaal Ateemit ban li uloŋaal buloŋ batooke kasal.

1 Tímote 4:12

Jakum ukat an min abesi mata min ommuu áfu’, bale ulako bukittenoolum boot li káyinenumuu, li malobelamu mooli, li makaanelamu mooli, li húbooliyahu hooli, li káyinenaku kooli li manabamu mooli.

1 Tímote 5:10

Laate áhaasumi li bakaanelool bajake: ágoocul bañoolool jak, li ayab ejawoola boola jak, li afos kootaku kata káyinenumuu li Yéesu, li alamben bukanabuku kammuu li sílaam ban li ahanken li kakaan wahoowah feh wajake.

Eébulo 13:18

Jinaak jil̥aw boot li áloli. Alóli jíwooluwe kaanaku jibabbaj buyinum basete, mata jifañe min jiloŋ buloŋ bajake li wahoowah feh.

Eébulo 13:5

Jakum efañ sídalam elako li baloŋelabu booluul. Jiluuken wahawu wan jibajumuu, mata Ateemit laane: «Kaan min kaane, let ibeti búsol, let ikati bo.»

Saak 3:13

Mantee baje li bukuluul an ájallowe ban li atuuko? Nokoomuu loon baje, kama anawu ummu laate áhiis bújallowabu boola, li butuukowabu boola li makaanelool majake, makaani li kabeben kabilumulo li bújallo.

1 Fiyeel 2:15

Li mal̥egenamu, wahawu wan Ateemit afañumuu wo wommuu, min jikaan majake mantee bukanabuku kábaamomuu li kahaasutumuu wahoowah li kujok utumawu wooliil.

1 Fiyeel 3:16

Bale joote jilobiil mata káyinenaku kooluul li buyinum bájoobiye li ekole ló, ban foof li buyinum basete, bájum tan kúloboolewuulumuu loon eenimuu bukuluul bukan kajakut joom, li kujuk baloŋelabu booluul bajakaabu ban jibajumuu li Kilisita, li kusuu.

1 Fiyeel 4:11

An áakimuu káji kata elob, li anaak alob kulimaku kata Ateemit. An li áaki káji kata kalamben bukan, li akaan mo li sembaasu san Ateemit asenemuu, bájum Ateemit li ásalumi li wahoowah feh jówum li Yéesu Kilisita, akilumuu máyiineniyamu li sembaasu boot nanoonan. Aameen!

2 Fiyeel 3:11

Emmuu wahawu feh fan úbujo loon muñowu, kama joote jínaanum wáa jóotimuu jikaan. Baloŋelabu booluul boote bunab, ban li jibaj kákoli kata Ateemit.