1 Fiyeel 1:22 - Jola-Kasa

²² Joonosoono bukan kanabe humum hata min jítuulumuu mal̥egenamu, boot mata min jíbooliwoo li mal̥egen loon batuyaay. Jíbooliwoo ŋáa’ li uyinumuul feh.

1 Fiyeel 1:22 ပူးပေါင်းရင်းမြစ်များ

Hulimahu Hásuumaahu loon Saŋ akiic homuu 15:17

Wahawu wan emmuu li ilobuul, wo wommuu jíbooliwoo.

Hulimahu Hásuumaahu loon Saŋ akiic homuu 15:3

Kulimaku kan ilobuulumuu kuyaane kuteŋen kata láalawuul kuban.

Hulimahu Hásuumaahu loon Saŋ akiic homuu 17:17

Ujówum li mal̥egenamu min ukaaniil kulako bukan kanabe. Hulimahu huya hommuu mal̥egenamu.

Hulimahu Hásuumaahu loon Saŋ akiic homuu 17:19

Lisenoolosenoolo foofom feh boot li awu mata buko kúji, bájum buko foof li kusenoolo li mal̥egen boot li awu.

Bakaanelabu 15:9

Ateemit ajokutiil kúbuti li alolaal, mata li káyinen lágiilenummuu uyinumawu wooliil.

Bakaanelabu 6:7

Hulimahu hata Ateemit li hunaak huhaŋ majamo huyinno bo. Kúgoomaku li kuhaŋ mameeŋ li ésukayi yata Yeelusalem. Kúlamba kameeŋe li kúyinen li Yéesu.

Kata Lom 1:5

Li okila Ateemit ásenumommuu kájiyaku kata kalako afootal, boot kakaan bukanabuku kata sihetasu feh kúyinen li akila ban li kútuulool, boot li kasal kata kajawaku koola.

Kata Lom 2:8

Bale Ateemit fan áhiis etindihuuñayi yoola li bal̥eetabu boola bukanabuku káhoogulewoolumuu, ban li kuhoy banab li mal̥egenamu min kunaak kunab li bakaanelabu bacolutumuu.

Kata Lom 8:13

Jiloŋumuu naboo li bóonowabu booluul, fan jiket; bale jíjowummuu li Buyinumabu Banabaabu min jimuk bakaanelabu bajakutumuu bata eniilayi, fan jiloŋ.

2 Kata Koolent 6:6

Li jiloŋ buloŋ basete, ban li jibaj ehaasemiñ yabilumulo li Ateemit; li jiyili húmuñ ban li jísuum li bukanabuku; Buyinumabu Banabaabu bumbu li áloli, ban li jíbooli bukanabuku li mal̥egen.

Kata Galasi 3:1

Bukuluul jata Galasi, mo jikite jíbaamo! Kama ayi aguhuul? Imban líhiisuuhiis jak buu Yéesu Kilisita aketumuu eeno li ekuluwaayi.

Kata Galasi 5:5

Bale alolaal, kákangumaku koololaal ko kommuu min Ateemit akaanolaal ulakowaal bukan kacole hákilool humum hata káyinenaku koololaal. Wahawu unwu lukobaalemuu li wo, li búkaanum bata Buyinumabu Banabaabu.

Kata Galasi 5:7

Jijowenjow jak! Kama ayimaa áfiife bútinabu min alenjenuul jífu’ li mal̥egenamu?

Kata Efées 4:3

Jikaan wahoowah min hujokoolahu han jíbajummuu li Buyinumabu Banabaabu hulako nanoonan li bukuluul, ban buloŋ bata kásuumaay li bulako li tutooluul mantee li jilako an ano.

Kata Fílib 1:9

Wahawu unwe lil̥awemuu Ateemit: min húbooliyahu hooluul hunaak huhaŋ maluuk huyinno bo, min hulambenuul li kahaas mal̥egenamu jak li kaliitiken wahawu jak,

1 Kata Tesalonik 3:12

Amaaŋenawu akaan min húbooliyahu han jíbooliwoomuu li han jíboolimuu bukanabuku feh huhaŋ maluuk huyinno bo, loon áloli foof jíbooliwuulumuu.

2 Kata Tesalonik 1:3

Kutuyom, óloli joote jisal nanoonan Ateemit mata bukuluul jíji. Jaajak min óloli jikaan mo, mata káyinenaku kooluul li Yéesu Kilisita kunku min kuhaŋemuu malit, ban húbooliyahu han anoowan li bukuluul abajumuu li kaabuku hunhu foof min huhaŋemuu maluuk.

2 Kata Tesalonik 2:13

Kutuyom, óloli joote jisal nanoonan Ateemit mata bukuluul jíji, jan Amaaŋenawu afañumuu. Mata Ateemit lal̥usuul̥us yaan no li húkitumahu min áfakenumuul li Buyinumabu Banabaabu bakaanuulumuu jilako bukan kata Ateemit, jówum foof min jíyinenumuu li mal̥egenamu.

1 Tímote 1:3

Lifañe min ulako li ésukayi yata Efées loon ilobimuu nan ilakomuu li ijow boot Maseduwaan. Baj to bukan kaliikene ésukayi kulim kanaboolut li káyinenaku koololaal. Oon bukanabuku umbuku kukat.

1 Tímote 1:5

Wahawu wájimuu li ilobi loon muñaˈa wo wommuu min baj húbooli habilumulo li buyinum bajake, buyinum babahe li káyinen kata mal̥egen.

1 Tímote 4:12

Jakum ukat an min abesi mata min ommuu áfu’, bale ulako bukittenoolum boot li káyinenumuu, li malobelamu mooli, li makaanelamu mooli, li húbooliyahu hooli, li káyinenaku kooli li manabamu mooli.

1 Tímote 5:2

Kaalaabuku kahallenumuu, ujokiil loon sijaawi. Kanaalaabuku kañiilomuu li ujokiil loon kúliini. Uloŋ buloŋ banabe hákiliil.

2 Tímote 1:14

Ujok jak, li búlambenum bata Buyinumabu Banabaabu bammuu li alolaal, wahawu wajakaawu wan kusenimuu ooken.

Eébulo 11:8

Káyinen kújimuu Abulaham li átuul nan Ateemit ahooñoolumuu boot áfu’ li ésukayi yoola, min ajow boot li etaamayi yan ammuu li asenool akil. Abulaham li ajow okila bahaasut bay lajeˈe boot.

Eébulo 13:1

Húbooliwoo hata batuyaaya hoote hulako li bukuluul.

Eébulo 5:9

Nan Yéesu ajeˈe áliiŋumuu jak, li áji bukanabuku feh kátuuloolumuu li kufak boot nanoonan.

Eébulo 6:10

Li mal̥egenamu, Ateemit alet Ateemit acolut. Let amojen wahawu wan bukuluul jikaanumuu, let amojen foof húbooliyahu han jíhiisoolumuu li bulokabu ban jikaanumuu boot li bukanabuku koola, ban jiloŋumuu foof li jikaan boot muñeˈe.

Eébulo 9:14

Fan wahawu unwu usetene bukan kahoofoole kama háŋum húsimahu hata Kilisita! Li mal̥egenamu, Kilisita lájowunjowum li Buyinumabu baano tomuu boot nanoonan, min asenoolo okila humumool batilut tanootan loon esalah Ateemit. Húsimahu hoola li huseten uyinumawu woololaal li makaane manooman majakut, min uyiliyaal ulokaal boot li Ateemit aloŋumuu.

Saak 1:21

Mó mújimuu kama joote jífulen makaane manooman majakut, li búl̥afutabu basaŋomuu li bukuluul. Ban li jiwalenoolo, min jiyab hulimahu han Ateemit akaanumuu li uyinumawu wooluul, hayilimuu hufakenuul.

Saak 4:8

Jilohumuu Ateemit, fan alohuul. Jifos kuŋenuul, kuhoofoolaabuke! Jicolen uyinumuul, bukuluul játukutumuu li wah wano.

1 Fiyeel 1:2

Ateemit lal̥usuul̥us yaan no akat to loon ayinoo nomuu, akila ammuu Ateemit Atuubaawu, ban li ájowum li Buyinumabu Banabaabu min akaanuul jilako bukan kanabe boot kátuul Yéesu Kilisita, li boot min jígiileni li húsimahu hoola. Káji li kásuumaay kujow kulako li bukuluul ŋáa’.

1 Fiyeel 2:17

Jiluuken bukanabuku feh. Jíbooli kutuyuul kan jibajumuu káyinen kano. Jíkoli Ateemit, ban li jiluuken áyiiyawu.

1 Fiyeel 3:1

Li manolamu, bukuluul kaalaabuke joote jítuul kúyinuul, mantee nokoomuu loon baje kukee li buko kahoye báyinen li Hulimahu hata Ateemit, baloŋelabu booluul li bújiyiil li kúyinen, bukuluul balobutiil hulim hanoohan,

1 Fiyeel 3:20

Uyinumawu unwu wajenkimuu wo wommuu bukanabuku kahoyumuu naanaŋ báyinen li Ateemit, nan alakomuu kakokkobenaku li húmuñ ló, li taŋayi nan Nówe alakomuu kakaanaku kata busaanaabu báamakabu. Bukan kafamut, koono hutok li kúhaaji, kunokenumuu li busaanaabu min kúfakum li malamu.

1 Fiyeel 3:8

Boot min íwuñenum li kulimaku unke: bukuluul foofuul feh jibaj kajamoo, jibaj uyinoolawu wanolawu, jíbooliwoo loon batuyaay, jiyili káyiyen bukan, ban li jiwalenoolo.

1 Fiyeel 4:17

Taŋayi éliiŋe nan batiibabu bata Ateemit bommuu li bútoŋ, ban bukanabuku kata Ateemit kommuu li kujand kutiibi. Ban nokoomuu loon li Batiibabu bata Ateemit li alolaal búkitume, buu bukanabuku kahoyumuu báyinen Hulimahu Hásuumaahu hata Ateemit kóomi li kúbanum eeno?

1 Fiyeel 4:8

Wahawu wan jommuu jijand jikaan, wo wommuu min jíbooliwoo ŋáa’, mata «Húbooli láhimenehimen uhoofoo wameeŋe.»

2 Fiyeel 1:7

Jiŋa’ batuyaaya jifamen to li kákoli Ateemit, li jiŋa’ húbooli jifamen to li batuyaaya.

1 Saŋ 3:11

Li mal̥egenamu, hulimahu unhe jijamumuu yaan no li húkitumahu: Ubóoliwoolaal.

1 Saŋ 3:23

Ban eluwaayi yoola muñeˈe elobe: lootaale úyinenaal li kajawaku kata Añoolool Yéesu Kilisita, ban li úbooliwoolaal loon akila humumool alobolaalumuu.

1 Saŋ 4:12

Bajut an abile ajuk Ateemit. Bale úbooliwoolaalumuu, Ateemit fan alako nanoonan li alolaal ban húbooliyahu han ábooliwolaalumuu fan hujow boot to.

1 Saŋ 4:20

An aanumuu: «Líboolibooli Ateemit» ban li alat atuyool, anawu ummu ámalamiñ. Mata anawu ummu ábooliwutumuu atuyool an ajukemuu, let ábooli Ateemit an ájukeliitumuu.

1 Saŋ 4:7

Kutuyom kan iboolaat, úbooliwoolaal mata húbooliyahu li Ateemit hubilumulo. An abajumuu húbooli, añool Ateemit laam ban lahaase Ateemit.

Búhiisenumabu 2:4

Bale fan íwatatenumi wah wano: ulaañut úbooliwom loon úbooliwom nomuu bútinaa.