1 Fiyeel 1:17 - Jola-Kasa

¹⁷ Emmuu jilakomuu kal̥aw li jihooñ Ateemit «Faafa», atiibemuu bukanabuku feh bajukelut li buul, naboo li wahawu wan anoowan akaanumuu, kama joote jiloŋ li ekole ló nan jommee baabe li etaam loon ejawoola.

1 Fiyeel 1:17 ပူးပေါင်းရင်းမြစ်များ

Máciya 16:27

Mata Añool-An ummu li abil li máyiineniyamu mata Atuubawool li emalakaayi yoola ló. Fan acaam anoowan nab li waa lakaanumuu li buloŋabu boola.

Máciya 22:16

Li kúboñul kúgoomaku kooliil li bukanabuku kata hujojahu hata Elod kujow koon Yéesu: — Anahaan, jihaase joon awu an alobe mal̥egen. Ban luliikeneliiken bukanabuku li mal̥egen buu kommuu kunaak kuloŋ loon Ateemit afañumuu. Ukóliwut anoowan, mata újukeleliit li buul.

Máciya 6:9

— Muñeˈe jóotimuu jinaak jil̥aw eeno: «Atúubawoli ammuu haatiya, kajawi kúkaanumi.

Kata Lom 11:20

To mal̥egen. Waanawu unwu ufalenifalen mata ubajut káyinen, min awu óomi tan waanawu ulakoweenumuu humum hata káyinenaku kooli, bale jakum utebenoolo li kayinooli. Loote kama ubaj ekole.

2 Kata Koolent 1:2

Ateemit Atuubawolaal li Amaaŋenawu Yéesu Kilisita kujow kusenuul káji li kásuumaay.

2 Kata Koolent 5:6

Mó mújimuu, lootaale kama ubajaal nanoonan kákangum, min uhaasaal oonaal nan oomaalumee li eniilayi inye, buloŋ loomaal li bo lóyi Amaaŋenawu,

2 Kata Koolent 7:1

Kufaalom kan iboolaat, emmuu Ateemit lalobe kasenolaal wahawu unwu feh, kama lootaale usetenoolaal alolaal humumolaal, min úfulaal li wahoowah feh wayilo usik eniilayi yoololaal li buyinumabu boololaal. Uhankenaal min uhabelaal ulakowaal li mal̥egen bukan kanabe li kákoli kata Ateemit.

2 Kata Koolent 7:11

Wahawu unwe buyinaabu banaboomuu li húnongumahu hata Ateemit bukaanuulumuu: Mo jikite jinaak jisommen li kakaan wah! Mo jikite jiyili kacahenoolo! Mo wah wacolut ukite unaak ukaanuul etindihuuñ! Mo jikite jíkol̥l̥i! Mo jikite jifañ min jijukom! Mo jikite jihanken li kakaan macole! Mo jikite jifañ min wah wacolut ubaj katek! Bukuluul jíhihhiis li wahawu feh, kaanaku utumuul ulet bo li elobayi inye.

Kata Galasi 2:6

Bale mata kunahaanabuku umbuku kajokimuu loon bukan káamak — ban wahawu wan kulako nomuu, inti wo ubaje jáliŋ, mata Ateemit ájukeleliit li buul — bukanabuku umbuku kutuuŋutom ikaan wah ukee.

Kata Efées 1:17

Injé ummu min il̥awemuu Atuubaawu áyiineniyaawu ammuu Ateemitawu ata Amaaŋenawu oololaal Yéesu Kilisita, min ásenumuul bújallo li Buyinumabu ban li áhiisuul akila ammuu ayi, bájum li jiyili jihaasool jak.

Kata Efées 3:14

Wahawu unwu újimuu li íkuntuŋ min il̥aw hákil Ateemit Atuubaawu,

Kata Efées 6:9

Bukuluul jammuu kunahaan, jikaan mo manolamu foof emiikeelayi yooluul, ban jakum jinaak jinuulooliil. Joote jihaas joon bukuluul humumuul li emiikeelayi yooluul, Anahaanawu anolawu jibaje ammuu li emitayi, ban ájukeleliit li buul.

Kata Fílib 2:12

Kutuyom kan iboolaat, wahawu unwu újimuu, loon jifiyomuu li jilako bukan kátuulom, muñeˈe jinaak jihaŋ mátuul, ban jakum lako ínje to bale, bale háŋum ínje balet to. Jilok li ekole li kateelen ló, mantee kafakaku kooluul li kujuki.

Kata Kolos 3:25

Li mal̥egenamu, an akaanumuu wah wajakut, fan abaj katek kanaboole li wahawu wan akaanumuu, mata Ateemit ájukeleliit li buul.

Eébulo 12:28

Emmuu jáyiiyaju jan ubajaalumuu jiyilaat jílilliŋoo, kama útukaal kájiyaku unku lit. Li kájiyaku unku lommuu ukaanaal boot li Ateemit bulok básuumool, li kaluuken ban li ekole ló.

Eébulo 4:1

Ateemit lalobolaalob kaanaku luyiliyaale ubajaal kayool̥owaku kan afalemuu boot li alolaal. Kayool̥owaku unku kan alobolaamuu mata ko, laloŋe li átuk tó. Kama lootaale ujukelaal to jakum bil an li bukuluul ayinoo li aan kayool̥owaku unku kufakoofak.

1 Fiyeel 2:11

Kutuyom kan iboolaat, ínje ummu li kawunkulenuul bukuluul janokoomuu loon kuñaahoola li ejawoola li etaamaye, min jitey kásiibowaku kata siniilasu sooluul kammuu li katiiken saalasu sooluul.

1 Fiyeel 3:15

Jihaas li uyinumuul kaanaku Kilisita anabumuu, ammuu Amaaŋenawu. Joote jifale nanoonan jikat to, mantee an agel̥l̥enuulumuu wáa újiye li jibaj káyinenaku kan jookumuu, li jiyili jilobool mata ko.