1 Fiyeel 1:15 - Jola-Kasa

¹⁵ Loon Ateemit ahooñuulumuu Anabumuu, bukuluul foof joote jilako bukan kanabe li bakaanelabu booluul feh.

1 Fiyeel 1:15 ပူးပေါင်းရင်းမြစ်များ

Máciya 5:48

Jilako bukan kabajut kahoofoo loon Atuubawuul ata haatiya abajutumuu kahoofoo.

Kata Lom 9:24

Bukanabuku umbuku buko kommuu ololaal jan Ateemit áhooñulumuu, ban let li kusuwifaku bale láhooñumulolaal, bale foof li bukanabuku kaletumuu kusuwif.

2 Kata Koolent 7:1

Kufaalom kan iboolaat, emmuu Ateemit lalobe kasenolaal wahawu unwu feh, kama lootaale usetenoolaal alolaal humumolaal, min úfulaal li wahoowah feh wayilo usik eniilayi yoololaal li buyinumabu boololaal. Uhankenaal min uhabelaal ulakowaal li mal̥egen bukan kanabe li kákoli kata Ateemit.

Kata Fílib 1:27

Bale lil̥awuul min jiloŋ hákil ésukayi feh loon Hulimahu Hásuumaahu hata Kilisita hulobumuu, mantee ibilumuu bóoluuloo li íbilaatiwoo, li ijam mooluul kaanaku jítuutuk lit, ban li jibaj kayinoo kano, min jikaan uyinumuul tin tano min jitaj mantee bukanabuku kujamumuu Hulimahu Hásuumaahu li kúyinen.

Kata Fílib 3:14

Injé ummu min ihankenemuu min itey boot tan iteyemuu boot, mantee li iyab bacaamabu ban Ateemit ahooñolaamuu boot uyabaal haatiya, humum hata hujokoolahu hoololaal li Yéesu Kilisita.

Kata Fílib 3:20

Bale alolaal, bukan kata Jáyiiyaju jata Ateemit loomaal, májimuu loonowaal li kakob min Afakenaawu oololaal ammuu Amaaŋenawu Yéesu Kilisita abil.

1 Kata Tesalonik 2:12

Jiwankulenuuwankulen ban li jítintimbenuul, ban jikatut kaanuul jiloŋ loon Ateemit afañumuu, akila jáhooñuluumuu boot li Jáyiiyaju joola min máyiineniyamu moola mulako mooluul.

1 Tímote 4:12

Jakum ukat an min abesi mata min ommuu áfu’, bale ulako bukittenoolum boot li káyinenumuu, li malobelamu mooli, li makaanelamu mooli, li húbooliyahu hooli, li káyinenaku kooli li manabamu mooli.

2 Tímote 1:9

Akila humumool afakenolaalumuu, ban li ahooñolaal boot ubil ulakowaal bukan koola. Ban min akaan momuu, inti eeniseen bakaanelolaal bújiye, bale okila humumool ayinoo mo ban li asenolaal li kájiyaku koola. Li Yéesu Kilisita lásenumolaamuu kájiyaku unku tówum adunaayi ejuul̥i,

Eleetalayi yan Fool akiicumuu Tit 3:14

Bukanabuku koololaal koote kuhanken min kuliiken kakaan wah wajake, boot bil kalambenoo li wah wan jokolaal li wo ŋáa’, jakum bil kubaj buloŋ babajut jáliŋ.

Eleetalayi yan Fool akiicumuu Tit 3:8

Laalu hulim hata mal̥egen. Lifañe min ulob unooten mata kulimaku unku, mantee bukanabuku káyinenumuu li Ateemit li kujooŋoo to li mal̥egen min kukaan wah wajake. Wahawu unwu ujakumuu ban li ubaj jáliŋ li bukanabuku feh.

Eébulo 12:14

Jiŋes min jibaj kásuumaay li bukanabuku feh, ban li jiloŋ buloŋ banabe. Jikaanut momuu, anoowan li bukuluul let ajuk Amaaŋenawu.

Eébulo 13:5

Jakum efañ sídalam elako li baloŋelabu booluul. Jiluuken wahawu wan jibajumuu, mata Ateemit laane: «Kaan min kaane, let ibeti búsol, let ikati bo.»

Saak 3:13

Mantee baje li bukuluul an ájallowe ban li atuuko? Nokoomuu loon baje, kama anawu ummu laate áhiis bújallowabu boola, li butuukowabu boola li makaanelool majake, makaani li kabeben kabilumulo li bújallo.

1 Fiyeel 2:12

Jiloŋ buloŋ bajake hákil bukanabuku kákaanumutumuu li Ateemit balewool, mantee maayeet min kukite kúlobooluul min koon bukuluul bukan kajakut, li kujuk bakaanelabu booluul bajakaabu, min kújowum tó kusal Ateemit li hunakahu nan ammuu li abil.

1 Fiyeel 2:9

Bale bukuluul, bukuluul jommuu bukanabuku kal̥usimuu, kúlambaaku kata Ayíiyawu, ésukayi yanabaayi, bukanabuku kata Ateemit. Lí élimayi láhooñumuluul jibil jilako li mawuŋaamu moola máyiineniyaamu, boot kayiiŋen wahawu wan akaanumuu wajakumuu majak.

1 Fiyeel 3:16

Bale joote jilobiil mata káyinenaku kooluul li buyinum bájoobiye li ekole ló, ban foof li buyinum basete, bájum tan kúloboolewuulumuu loon eenimuu bukuluul bukan kajakut joom, li kujuk baloŋelabu booluul bajakaabu ban jibajumuu li Kilisita, li kusuu.

1 Fiyeel 5:10

Boot min fan jílaam jakee, bale Ateemit akilumuu káji kanookan, lahooñuuhooñ jijow jilako li máyiineniyamu moola mata boot nanoonan li hujokoolahu hooluul li Yéesu Kilisita. Akila humumool fan akaanuul jilako bukan kanabe, fan alitenuul, fan asenuul sembe, ban li akaanuul tin l̥aal̥e tan wah wootut uyili úhooluluul.

1 Saŋ 3:3

Anoowan feh abaje li Kilisita kákangum loon unku, laate akaanoolo an anabe loon Kilisita humumool akaanumuu an anabe.

Búhiisenumabu 3:7

— Ukiic amalakaawu ata Ejanguwayi yata Filadelifi oonool: «Anawu Anabaawu ammuu an ata Mal̥egen, aakumuu ekul̥umayi yata áyiiyawu Dayit, ábabulemuu ban an let ayili abab, li abab ban an let ayili ábabul, laane:

Búhiisenumabu 4:8

Wahawu unwu ubakii, wanoowan li wo ubaje ubey woono hutok li kano wabaje kúkil tanootan, kata láala li tíyaŋ. Li unaak ukijen etihunaka uban ehuka woon: «Anabaawu, anabaawu, anabaawu, okila ammuu Amaaŋenawu Ateemit ata sembe, Akila alako to nomuu, áami tomuu, ammuu li abil!»

Búhiisenumabu 6:10

Li kunaak kulob butiya koon: «Anahaan anabe ata mal̥egen, kama boot min unaak boot yok nay útowum utiib bukanabuku kammuu li etaamayi, min kubaj katek mata min kúmukolimuu?»