1 Fiyeel 1:12 - Jola-Kasa

¹² Ateemit li áhiis kufulofetaku kaanaku hulimahu han aseniilumuu, inti boot li buko humumiil, bale boot li bukuluul. Hulimahu unhu ho bukanabuku kawaaleyemuu Hulimahu Hásuumaahu kulobewuulumuu muñeˈe. Kulobewuulob ho li búkaanum bata sembaasu sata Buyinumabu Banabaabu babilummuu li emitayi. Kumalakaabuku humumiil kufañeene min kuhaas hulimahu unhu.

1 Fiyeel 1:12 ပူးပေါင်းရင်းမြစ်များ

Máciya 11:25

Muñeˈe no unnu, Yéesu li aan: — Lisali, Ateemit Atuubawom, awu ammuu Amaaŋen ata emitayi li etaamayi, mata luyoyyo wahawu unwu bukanabuku kájallomuu li katuukomuu, min úhiis wó bañiilabu.

Máciya 11:27

«Atuubawom lasenonsen wahoowah feh. Anoowan ahaasut ayi ammuu Añiilawu, Atuubaawu bale. Anoowan ahaasut ayi ammuu Atuubaawu, Añiilawu bale, li bukanabuku kan Añiilawu afañumuu min áhiisiil ó’.

Máciya 16:17

Yéesu li aanool: — Awólo Simoŋ, añiil ata Sonaas, mata inti an áhiisi wahawu unwu, bale Atuubawom ammuu haatiya.

Maak 16:15

Muñeˈe Yéesu li aaniil: — Jijow li adunaayi feh jijow jiwaale Hulimahu Hásuumaahu bukanabuku feh.

Hulimahu Hásuumaahu loon Lík akiic homuu 15:10

Boot ilobuul, li manolamu, fan baj ésuumansuum li kumalakaaku kata Ateemit, ahoofoola ano bátiiwoye aŋa’ buloŋ buwunkul.

Hulimahu Hásuumaahu loon Lík akiic homuu 2:26

Buyinumabu Banabaabu li bulobool kaanaku let aket akila bajukut Afakenaawu an Amaaŋenawu áboñulumuu.

Hulimahu Hásuumaahu loon Lík akiic homuu 9:6

Mal̥egen kúgoomaku kata Yéesu li kuwuj. Li kujow li sísukasu feh min kuwaale Hulimahu Hásuumaahu, ban li kufaken banooban kásomutumuu.

Hulimahu Hásuumaahu loon Saŋ akiic homuu 15:26

«Anattenaawu fan abil. Okila ammuu Buyinumabu báhiisemuu bukanabuku mal̥egenamu, babilummuu li Atuubaawu. Fan íboñumuluul ó’ bata Atuubaawu, ban okila humumool fan alob bukanabuku múmbaam.

Bakaanelabu 10:44

Nan Fiyeel alakomuu elobayi, Buyinumabu Banabaabu li búwalowul bubil kulako li bukanabuku feh kalakomuu bajantenabu bata Hulimahu.

Bakaanelabu 16:10

Muñeˈe nan Fool ajukumuu kahimmowaku unku fú’ tó, li jiyaan jiŋes min jijow boot Maseduwaan, mata jíyinenyinen kaanaku Ateemit láhooñolihooñ mata min jijow jiwaale Hulimahu Hásuumaahu bukanabuku kata etaamayi inyu.

Bakaanelabu 2:33

Ateemit latebenooteben ajow akaan kaŋenool kúli, min asenool Buyinumabu Banabaabu ban alobumuu kasen, min aŋa’ bo akaan li alolaal loon bukuluul humumuul jijukumuu, ban foof li jijam.

Bakaanelabu 4:31

Nan kubanumuu kal̥awaku, etaamayi li egoloo tan kuwoogumuu. Buyinumabu Banabaabu li bubil bulako li buko foofiil feh, min kunaak kulob hulimahu hata Ateemit li kabaneyiil.

Bakaanelabu 4:8

Fiyeel an Buyinumabu Banabaabu bumeeŋenumuu li aaniil: — Kunahaanake kata ésukayi, kuhaanake,

Bakaanelabu 8:25

Nan Fiyeel buko li Saŋ kubanumuu elobayi yata ésukayi mata wahawu wan kuhaasumuu li Yéesu, li kawaaleyaku kata hulimahu hata Amaaŋenawu, li kulaañ buko kúl̥uba boot Yeelusalem. Nan kulakomuu elaañayi, li kuwaale Hulimahu Hásuumaahu li básuk bameeŋe bata Samali.

Kata Lom 1:15

Wahawu unwu újimuu li ifañ foof min íŋaluluul Hulimahu Hásuumaahu, bukuluul jakinumuu li ésukayi yata Lom.

Kata Lom 1:17

Li mal̥egenamu, Hulimahu Hásuumaahu húhihhiis buu Ateemit akaanemuu bukanabuku kulako bukan kacole hákilool: jówunjowum li káyinenaku ban li káyinenaku bale ko, loon Bakiicelabu bulobumuu: «An acole hákil Ateemit fan áloŋum li káyinenaku.»

Kata Lom 10:15

Buu koote kuyili kuwaale moola, bukan baboñuti boot kawaale moola? Loon Bakiicelabu bulobumuu: «Mo kite súum nan bukanabuku kawaaleyemuu Hulimahu Hásuumaahu kúliiŋulemuu!»

Kata Lom 15:19

Buyinumabu bata Ateemit bújowunjowum lí ínje min bukaan búhiisenum banooban bájaahaleniye. Muñowu liwaalemuu Hulimahu Hásuumaahu hata Kilisita tanootan, kítum Yeelusalem boot yok li etaamayi yata Iliili.

1 Kata Koolent 2:10

Li mal̥egenamu, alolaal Ateemit áhiisumuu wahawu unwu wayolomuu, ban li Buyinumabu Banabaabu láhiisumolaal wo. Buyinumabu buhaase wahoowah feh, maayeet uyinoola wahaŋumuu mayolo wata Ateemit.

2 Kata Koolent 1:22

ban li akaan húlangumaasowahu hoola li alolaal, ban li aŋa’ foof Buyinumabu Banabaabu akaan li uyinumawu woololaal, min híis kaanaku mal̥egen fan ubajaal wahawu wan ahahenumuu boot li alolaal.

2 Kata Koolent 6:6

Li jiloŋ buloŋ basete, ban li jibaj ehaasemiñ yabilumulo li Ateemit; li jiyili húmuñ ban li jísuum li bukanabuku; Buyinumabu Banabaabu bumbu li áloli, ban li jíbooli bukanabuku li mal̥egen.

Kata Galasi 1:12

Inti li an líyabum hó, an foof aliikenutom ho, bale Yéesu Kilisita humumool alobom ho.

Kata Galasi 1:16

Muñeˈe nan anongumuu min akaanom ihaas Añoolool mantee li ikaan bukanabuku kaletumuu kusuwif min kuhaasool, iyaanut ijow igel̥l̥en an min asaabom.

Kata Efées 3:10

Lakankaan mo, bánum li ájowum muñeˈe li ejanguwayi min áhiis kuhaanaaku feh li kujojaku feh li uyinumawu wabajumuu sembe haatiya emitayi, buu lájallomuu eeno li wahoowah feh wan akaane.

1 Kata Tesalonik 2:9

Kutuyom, manooman jiwayil̥owe min áloli jilokumuu súf li buyokabu ban jiyokumuu. Jiloolok etihunaka jiban ehuka, jakum bil an li bukuluul ákiloli hutiñ áloli li kawaaleyaku kooluul kata Hulimahu Hásuumaahu hata Ateemit.

1 Tímote 3:16

Mal̥egen, ban an ayilaat aceeŋ, Mahaasutimuu mata káyinenaku koololaal mululluuk! Kilisita láfuluufulul ajuki loon an, Buyinumabu Banabaabu búhihhiis kaanaku lacoccol, ban Kumalakaaku kujukoojuk. Li kulob foof moola bata kaletumuu kusuwif, li kúyinen li akila li adunaayi feh, ban li ájowetumi boot li emitayi li máyiineni ló.

Eébulo 11:13

Li káyinenaku bukanabuku umbuku feh kúketummuu buko bayabut wahawu wajakaawu wan Ateemit alobumuu kasen, bale kuŋandeŋŋanden wó lóyi min kusaaf wo bo. Kuhahhaas koon buko kujawoola koom li kuñaahoola li etaamaye.

Eébulo 2:4

Ateemit humumool li ájowum li búhiisenum, li bakaane babaje sembe, li wah wájaahaleniye min áhiis kaanaku kulimaku kan kulobumuu mal̥egen. Ateemit láhihhiis foof wahawu unwu min asenumuu bukan úji wata Buyinumabu Banabaabu loon afañumuu.

Eébulo 4:2

Li mal̥egenamu, alolaal luyabaayab Hulimahu Hásuumaahu hata Ateemit, loon foof bukanabuku kalakomuu li kayiinaayaku kuyab homuu. Bale hulimahu han kujamumuu, hubajut li buko jáliŋ yanooyan, mata nan kujam homuu kuyabut ho li káyinen ló.

1 Fiyeel 1:25

bale Hulimahu hata Amaaŋenawu hunhu to boot nanoonan.» Ban, Hulimahu unhu ho hommuu Hulimahu Hásuumaahu han kuwaalewuulumuu.

1 Fiyeel 4:6

Li mal̥egenamu, wahawu unwu újimuu Hulimahu Hásuumaahu li huwaaleyi foof bukanabuku kaketumuu, bájum li kutiibi loon bukanabuku feh, min kuyili kuloŋ loon Ateemit afañumuu jówum li Buyinumabu Banabaabu.

Búhiisenumabu 5:11

Muñeˈe li ilaañen ijuke, li ijam kulim kata kumalaka kameeŋe mameeŋ, sínjunne li sínjunne. An ayilaat acobiil. Li kuyito kúwooñen efenjeŋayi yata jáyiiyaju, li wahawu ubakiilawu waloŋumuu, li kunahaanaku kahallenumuu.