Tito 3:9 - Sinia' Jlamtis 1994

⁹ 'Yenpe siunie jiwo, ti jlamtiyeta, 'nakayi siuti ja ti'yena, ja 'naka pet ti ja'wenaye siuniwa inamtis ti laj lajaye iyot'iyipi papo pajt'ipi, jla'yi ti iniewitis, siu'neje na ti initajlatisi naka Moisés jika'neyasajnaye. Ijiate ti i'nio' je iniuyeje, kajeyepa je isis siuniwa tajle.

Tito 3:9 ပူးပေါင်းရင်းမြစ်များ

1 Corintios 13:2

Ent'a ja yama siunie ti iyo'ni jika'niyejayi napo ijia Sinia' jilis ti yameje siupi iyo janak Sinia' jikimet; jla'yi ka ts'ajane paka iyone siunie yiji ni Sinia' jlosik siupi iyo kawoyi; siu'neje ti ts'ajane wikie'eyi niwa wask'i'nelaja; jla'yi ka ijiatayi ka itienkiujnieye poye. Ka ts'ajane paka iyone ka itiajla'nik'i niwa tikijnakiyis siuniwa ji'wetis, 'yina ti ja laja yimijnayeja', siliejk'ipa ti ya'am.

1 Corintios 8:1

Jayiyi'ni ti jajwi'il siuniwa tilianajan'ni ti titiejietajape ti tiwunitieje siuniwa tiwoki diosisa'. Ijiatk'i siunie as'lej ti jiwoye'ate, “Kaswikie'eyi ti kasts'ajan jwajla'aja.” 'Yina siuti ajwela ka kasts'aja'n jwajla'aja, yiyits'iji ti ts'ot apajakieyi ti anitonitieje; jlam'ne pet ti semijnaye po', naka pet ti iniuyeje ni sosik it'iminayi ti 'es.

1 Timoteo 4:7

Ká ani'noti siunapo yamtiyi siupapo pajt'ipi siu'neje niwa yi' ape'e 'ni ajnat ti laj lajaye, 'wenajliyi ti ja ani'neti pet siunie 'es 'nakayeyijna'a ti ja'nesi.

2 Timoteo 2:14

'Niwaka ti ja ayiji k'iye napo i'nio', jla'yi ti ja 'ejie'ne ka leyi siunie iniwonisi ti iniewitis'ni, ya'am ene jitieyi'i pi Sinia'. Je ikajliji paka 'esie, 'wenajliyi ti ikajyi'n siunapo its'iuye, yiyi ts'iji ti je ikaja paka ji'niayi inwoneje.

2 Timoteo 2:16

Lesaniji siuniwa amtis jiwone, ja ke niwakaye siuniwa jlele pet 'ni ajnat, ti laj lajaye. 'Yina je int'ayiji'ni siunapo i'nio' ti jlamtis kia'iyo jlam yamjlijia'm ni siunie je 'es ti iyoyi.

2 Timoteo 2:23

Ká ak'iuk'i'ni siuniwa inamtis jiniliaja, 'yina 'najane ti je 'es paka intajle, 'wenajliyi ti itiejietk'i wita'm napo i'nio'.

Tito 1:14

ja'nakayeyijna'a ka je ineki siuniwa iyot'iyipi papo inia'an sik'ioye ti tajle napo Judíojos, siu'neje niwa ye'laja tajle pit siupapo ti pajk'i ti iliyi siukia ijiatk'i.

Santiago 4:1

¿Tepa taj'le siunie aswak ti je paj ka leyeyi ti jitieyets'i wita'm? Lajk'ipa ka intajle ti niwaka jla'am siuniwa astankiujnieyejes ti je isis, ti jlalasajyink'iye ka woyeyi. Niwaka'ne ni siuniwa ti yi' astowiji ti jinilanayiji'n.