Tito 3:8 - Sinia' Jlamtis 1994

⁸ Awo'ate ijiatk'i kiaka. Tempi it'imina ti kia awo'naja ka ajalaskine napo i'nio', siunapo iyoyi ki inamtik, ka inkatate ka woyi siunie 'es ka inkimk'iji'n. 'Niwaka ti iniuyeje napo i'nio' 'yina ti isis.

Tito 3:8 ပူးပေါင်းရင်းမြစ်များ

Mateo 20:4

Iyone'ne 'ate papoka, Asam'neje, maye'ni, kimats'iji'n yi'i ja iwiesok. Jayo askajaye siuti jakimajyi'n ijiap.

Juan 12:44

Jesús yakets'ijiap ti tamti ti iyo'ate: —I'nio' na je sakakiu, je yamkata ka ink'iuk'i'm 'yina kia'iyo je 'yakakiu siunie I'nio' ti sijliu'.

Juan 5:24

“Ijiate, ijiatk'i siunie jayo ti jajwi'lase'm, ti siunie i'nio' ti its'iuye siunie ajwe'el, jla'yi ti je 'yakakiu siunie sijliu', itiej jana ji'wasankiye ti laj jlaja. Nak ja ke tisiejek'i lapakawo ti tijwajyi ni jota jiliayeja', yiyeja'm pet jana in'wasankiye.

Hechos 12:15

Tiwonajat'iyijpe 'ate: —¡Atajt'imi je 'es! Je takajla japa Rode, iyoyet'ipi 'ate: —¡Jlam je awo! Iyoyet'iyispe'eje 'ate: —¡Je jla'am, paka jla'am pa injlojwanik poli jlele ti i'yena!

Romanos 4:5

Jlampet ni siunie ti je 'yakakiu ni Sinia' siunie ti ilisajne'n siunapo jloski'la iyo jikipijnaye, je kia'iyo. Kajeyepa ti Sinia' ilisajne'n siunie ti kia'iyo ti je 'yakakiu ti jla'am, 'yina je'ne ka nakaye siuti jikijmaye ti 'es kant'emina.

2 Corintios 4:13

Po' siuniwa inamtis ti yi'i ni ji'wet ti iyo'ate, “Lapakawo ti itienkiujnieye ti it'imina ti awo yamtikie'.” 'Yina siuti sa'am kiak awoki, sitienkiujnieye po' it'imina ti awok samtikie' pet.

Efesios 4:28

Siunie takajla'n 'esiji kanlek'i, 'esiji ka inkijme'n. Siuniwa jikioye, 'esiji ka itajietap pet siunie jikijmaye ti 'es, ja 'nakayeyipe pet siuti po' napo ti jwajla'a je i'wi'in, ja 'esieyi pet ti janoyeje.

1 Timoteo 1:15

'Yina jla'am je iyo naka ti iyo'ate, 'esiji ka 'wena je ink'iuyisiap'e wikie'eyi napo i'nio', ti Sijwajieti Jesús na'm ajnat'e je 'wena papo ka iname, napoka inkeyis jiliajnis ka injwajiete'n. Siuti ya'am naka ti ijiateje ti je 'esijiyi, ti si'wanjlipe wita'm ti awoyi ni wuj ti je 'es.

1 Timoteo 2:8

Naka ti awotaja ka iwoyi wikie'eyi napo yi'i pi yi'i, ka int'ajlisi pi Sinia', ka jikioye ijnayisk'i pijia'm. Siuti kiak jawoyi, 'esiji kanjwanjlik'i siupi jlosik janwonisiji; ja ke injlejnate siunie jiwak, ni'ne ka woyi naka ti iniewitis'ni.

1 Timoteo 5:10

janakaye siojona i'nioki ti pajk'i ti titiant'ieki ti'wena ape'e pi jikijmaye ti 'es ti iyoyi; siojona wuj ti 'es ti i'yena papo jilis; t'oniye inka'a ti i'wi'n ilia'm papo i'nio' ti ijioyetaja; siojona ilij niwa jisietis papo Sinia' jilis; jla'yi ti wuj ti iniuyeje napoka siunapo ti po' pa jijliak'ali; siojona 'yakatate ti iyoyi siuniwa isis.

2 Timoteo 1:12

Naka'ne ti it'imink'i siu'nie iyo 'ni iwit'ia ti wuj ti anilayiti. 'Yina je ts'ajwejle, kajeyepa ti ts'ajane pa awone siunie I'nio' ti itiej awomaja. Jlam ti janoyijk'i'm ti ja wujwa ti jan'yenik'i'm siunie ti yikialk'i, jlomas ti jan'yena paj ka ineyeyinie'e janak jloma ti yi' jlaja.

Tito 1:9

Ja nakaye siunie i'nio' ti je paj ka inkiwaliyi'i ni inamtik ti ijiatk'i, siunie ti t'eyasanaja, ja'nakayeyi pet ti jankajli ti jankelaja ni inka'neyasajnaye ti 'es ti tajle ni Sinia', napo ijia. Sek jane'yi siunapo ti tejetie ilia'm ja jlamape wek ti jank'iuyisie.

Tito 2:14

Jlam ti ininekial ti ijioyi ni jiliaye, jakayi ti tiliana, lapakawo ti iyo ka kasjwajiete niwaka siuniwa je isis. Initiajnat wikie'eyi ki iyo niwa sakeyis, ja'nakayeyi ti ja sama siunapo jika kia'lis ti 'wena ijiut'e, ti awokink'iye ka iyoki siunie 'es.

Tito 2:7

'Wenkina wikie'eyi siuniwa isis ti jiwoyi. Siuti jit'iyasanataja'n ká anijwekia'm ti i'nes jitieyi'i pi Sinia', jla'yi ti ijiate siunie jiwoyi.

Tito 3:1

Ja wone'ate ti ja jloye, “K'iuyeyi napo anechiyasas wus, siu'neje napo yi kiajwe. Siu'nie jawo ka woyeyi, 'esiji ka woyeyi. Ja inwakajla ta'a siunie ti jawoyeyi ti 'es.

Tito 3:14

Jlampet papo si'lijwas 'esiji ka ini'neyasane siunie 'es jikijmaye. 'Esiji ka pajlata ape'e, siupi k'iejliyi pi isitia'n, ni jikiecha ti je i'win pet paka k'iejliyeyi. Siuti kiak janiwonisi wuj ti 'es kajeyepa ti napoka ti ijia jitiej jawoma.

Filemón 1:11

Ti pajk'i Onésimo je 'es ti akipinikta, 'nakayi 'yaka jla'm iwo ti ts'esi, jla'yi ti kiak jawo ja'nesi kajeyepa ti ink'ie' ni jikijmaye iyone, ti wuj ti 'es.

Hebreos 10:24

'Esiji ka iyokijyi'n siupa 'es ka iniwonaja, jla'yi ti jani'najmak. 'Esiji ka inikimaja siunie ti janip'elisina', ti janikelaja siunie 'es sikijmaye ti jayoki.

1 Pedro 1:21

'Yina ka lajak'i pa Sijwajieti, ti Sinia' iniujwa'n kisie'e ti tajli pi a'no' siu'neje ti iyunit, sekyi'i jiwekie'eja ti je jikakiuye pa Sinia'. Jak je iyoyiji'ni ka je atankiunieyi pa Sinia' siu'neje ti asnejejwiye poye siuti kia'iyo.