Tito 3:7 - Sinia' Jlamtis 1994

⁷ Nak kasts'isisi ki iyo ni jikap'ijliuskiye, it'imina ti yikialts'e ka itiejek janak si'wasankiye ti t'on, jana anejejwiyejenk'iye.

Tito 3:7 ပူးပေါင်းရင်းမြစ်များ

Mateo 25:34

Jantanayinie'e ni anechiyas siunapo jantom jijweyeje, ti janwone'ate, “Joniemit, siunapo Inia' pajk'i ti iwijna'm ni 'es ti ip'ilisi'n. Kima'yi ilia'm ni siunie ti jla'am pajk'i ti iwiakajlanit ask'ioye, tajlap'e ti 'nelanjie'e ilisanayi ni ajnat, naka ni jika anechijiayas.

Marcos 10:17

K'iejlijimpa iyoyeyipi kanek ja Jesús, ti yiyejenipi paka pa i'nio' ti t'osi'yi ape'e, t'akosjlete'l itiyeyijin kiajwe ti i'yase'n ti iyone 'ate: —'Ni ika'niona ti i'nes, ¿tepat'e ka iniwontaja ka yija'm pet jana i'wiesankiye ti t'o'n?

Romanos 11:6

Jak je iyoyiji siuti kia'iyo ti Sinia' ijniejiet'e nak jikap'ijliuskiye, sekyi'i ti 'yakaja pet ti je niwaka ka jikijmayejes kanses kant'emina. 'Yina siut'itie ka niwakaye siuniwa isis ka iwoyi, ijiate kiak je iyotaja'ni ti ijiate ti nak jikap'ijliuskiye.

Romanos 3:24

'Yina Sinia' je lajk'i ki iyo ni jikap'ijliuskiye, it'iminayi ti isisk'i, siu'neje ti je t'aj'l ape'e japa ka lajaye, ka lajak'i ki iyo pi Sijwajieti Jesús ti jla'am ti initojmat.

Romanos 3:28

'Yina kiak iyoyiyi, Sinia' je nak inka'neyasajnaye kant'emina ka injloyi ni i'nio' ka inlesajne'n, 'wenajliyi jla'am siunie ti laj jikakiujnieyeja' naka ti Sinia' ilisajne'n pet.

Romanos 4:16

'Yina kiakt'i iyopi, jak je iyoyiji siupa Sinia' iyont'iyijipi pa Abraham ti ijwijla'm, je tak'emisie'n jiwekie'e kajeyepa ti pak it'imina ti je 'yakakiu. 'Yina kiaka'ne pet ti 'yakajanitk'i ti tajle nak jikap'ijliuskiye ni Sinia' ka 'esieyi wikie'eyi siunapo jilis pa Abraham, siu'neje papo tomik'i pijia'm, ka iyot'e jla'mate, je napokata siunapo iyoyi ni inka'neyasajnaye ka 'esieyi, 'yina siunapo ti je 'yakakiu pa Sinia' kia'iyo 'esi pet, siunapo ti iyo'ate pak Abraham ti je 'yakakiu. Ijiatjliyi kia'iyo'ni, Abraham pak sinia' ti kaswikie'eyi,

Romanos 4:4

'Yejne'n siunie i'nio' ti isijme'n siojona jikaja je ji'wajiet, jikijmaye laja.

Romanos 8:17

Ijiatjliyi, siuti sa'am ti jilists'e'm ja kasjwanaja'a pa Sijwajieti ti ja tiwenats'e'm siunie ti sikimet naka ni pajk'i ti ijwilts'e'm ni Sinia'. Siu'neje ti ja ijiatayi ti siliaye janoj wita'm pa Sijwajieti ni jijliak'ali iyo ka 'nakayeyi pet, siunie jiwunitieye ti 'es ka nesajap.

1 Corintios 6:11

Ti pajk'i, siuniwa ajwel'ni je awo'ate je woyeyipi, siuti asa'am po' siunapo yit'ijyipi. 'Yina 'nakayi insisie kajeyepa ti Sinia' pajk'i ti inlejajyi'n, jla'yi ti initiajnat ask'ioye ki astes iyo, ka lajak'i pet ni jle' iyo ni Saka'niona Jesús ti Sijwajieti, siu'neje japa Sinia' jikimet.

Gálatas 2:16

'Yina lajk'ipa ka je 'najane paka wone ti lajk'ipa ka ne'yi paka Moisés jika'neyasajnaye inlesajne'n 'nakayi, 'wenajliyi jla'am pa ti itienkiuni pa Sijwajieti Jesús, ti je 'yakakiu. 'Yina je 'wena 'neje pet paka itiajlataja siunie ti Sinia' ka lesajne'n ni sitis iyo, naka ti atankiunieje ni Jesús ti je akakiuk, je ka intajle siuka ya'm ape'e ki iyo ni inka'neyasajnaye siunie iyo ka iyoki, ka sek ine'yi ka Sinia' inetiajnat pi sitis iyo. Siunie awone je nak kant'emina ka Sinia' inlesajne'n pi i'nio' siunie ti jantej'we ka woyi siunie iyo ka tiwoki ni Moisés jika'neyasajnaye.

Gálatas 3:29

Jak je iyoyiji, siuti nak jitiajlayi ni Sijwajieti, je kast'ayiji'n pet ti asa'am ti jitiajlajia'm siupapo Abraham jilis t'ipi, asa'am ti tijna'yase'm siunie Sinia' ijwi'il.

Gálatas 4:7

'Yina je pa inkipinikie'a'm, 'yina jijnieyek'i ti Sinia' jlajts'a'm, jak je iyoyi siuti kia'iyo ti jlajts'a'm ijiut'ia siuniwa yiyi.

2 Tesalonicenses 2:16

'Nakayi je paj ka iliki pet ti 'ajlana ti ajwela pi Saka'niona Jesús ti Sijwajieti, jla'yi pi Sinia' ti jlam ti wuj ti kassemijne'n, jla'yi ti kasp'elisi'n, ti jlam ti tajle ni sijweye ti jijweye jla'am ti laj jlaja, siu'neje ni anejejwiyejenk'iye ti wuj ti 'es,

Tito 1:2

'Naka siunie awoki ti je niliak, tajle naka ti ijiate ti 'yaka ti anejejwiyejenk'iye, ti kasjatoni jana si'wasankiye ti t'o'n. Si'wasankiye siojona ti Sinia' pajk'i ti ijwi'il ti 'nelanjie'e lajlik'iji pa 'ni ajnat. Sinia' je nak i'nio' ti iyo sintiye.

Tito 2:11

Sinia' pajk'i ti 'yakajanitk'i siunie ti wuj ti ip'ilisi'n wikie'eyi napo i'nio', kajeyepa ti iyojonk'iye ka injwa'a.

Tito 2:13

Naka'ne ni siunie iyotaja ka iyoki ka inijijwiyejenk'iye janak jloma ti 'es ka napitiemet pi Sijwajieti Jesús, Sinia' ti wuj.

Hebreos 1:14

'Yina, ¿tent'i napoka injlojwajnas poli jlele, tepit'i iyo siupa jikijmaye? Awo'ate napoka siunapo Sinia' jikawos ti ijliuyi napo i'nio' ti ja jikimita siojona injwajieti ka noyeje.

Hebreos 11:7

Siupa Noé ti je 'yakakiu pa Sinia', sekyi'i its'iuye siupa Sinia' iyone ti ijwijla'm siupa jawo ti janeyi siupuwa ti jitiete je i'winjli'ijyi. Pakayi'ne pa Noé ti ilisane japa kasejkana ti iyo ka injwajiete'n papo ji'wet jlele. 'Yina siupa ti je takakiu'n, paka ti 'yakajanit'i ape'e papo i'nio' ti jitis po' 'ne ajnat'e, jlampet pak Noé Sinia' pak yiniji pet ti ilisajne'n siupa ti je 'yakakiu.

Hebreos 11:9

Jak je iyoyi siuti yi'i japak ajnat Sinia' yikiajle ti iyo ji'weta', siuti je 'yakakiu pa Sinia', iniwone 'ate iyo siunie i'nio' ti je 'wet'ise'. Siupuwa iyot'iyijpe ji'wukila puwaka 'nejes, iyot'iyipi'iji pak jlas Isaac, siu'neje pa jikiyas Jacob, siupapo ti kia'iyo ti ja jikimita siupa Sinia' pajk'i ti ijwijla'm.

Hebreos 6:17

Naka ti a'wena ti siunapo ja jikimita janak siojona Sinia' ijwijla'm, lapakawo ti iyo ka 'nakajanitiame ti ijiatk'i siunie iyoyi, 'yina je pajna'a ka iwats'ilati siunie iyo ka woyi ti ijwi'il. Tempi it'imina ti jlam jla'am ti yapi'li ti kiak iniwone ti isime ni jle' ti ji'lij iliyi.

Santiago 2:5

I'lijwas, asam ti yimijna'ase'm, k'iuyek'imna'a siu'nie jayo: jlam pa Sinia' siu'nie iyo ti ijniejiet'e pet napoka p'ijliusis ajnat'e ka inkasaja pet. Siuniwa jikijmatis niwaka siunie jitienkiujnieye ti 'es. Janekiajlayinie'e pet ni siunie ti pajk'i ti ijwi'il, ti ijwijla'm siunapo ti yimi'n ni Sinia', naka ti ja jikimitayis siunie jikimet ti iyo anechiyasa'.

1 Pedro 3:7

Jlampet ti asa'am ti ayijniests'ase'm, 'najanitie ilia'm siunapo asjwa'yis, jla'yi kawoye lajaye, 'yina ti jla'am ti je t'o'n. Siu'neje jana ji'wajietayis ti Sinia' ijwijla'm je t'an pijia'm, kasjnojlits'i siunie iyo pit jana tijwela'ase'm janaka as'wasankiye. Sek jane'yi ka lajak'ina'a pet paka inalk'a k'iye siuniwa asts'ajlayejes.