Tito 2:3 - Sinia' Jlamtis 1994

³ Jlampet siunapo asejnia ti kia'iyo isijlijyi'n kiak jawonjliyi ti jajloye, ka wonayipe 'ate, “Ni'wenki'n siuti jinilesaniji jitieyi'i pa Sinia', 'esiji ka ataj je ajotiej napo as'lejwas. At'es ja ke wokiye. Woyeyi ni 'es, 'nakayi ti kiak jawo pet siunapo in'yena jawoyi ni 'es.

Tito 2:3 ပူးပေါင်းရင်းမြစ်များ

Romanos 1:29

Ijiate ti tipoyijits'i siuniwa je isis ti iyoyisi, jla'yi ti inisayisi ni siunie ti ijiate ti je 'esk'i, ti je tijnajyi, siu'neje ti ijiulsinaja'm pi jikiecha pi k'iejliyi pi i'wi'in, siu'neje ti ijiate ti netia'n siunie ti jlosik ti 'es. Siunie ti t'eliye ni jikiecha, siunapo kalankijietas, siunie ti je ilisa'n napo ijia, siunie yimi'n ti iliaki napo ijia, siunapo ti ijiateje ti inisayi ni jloski'la ti iyoyi, siunapo ti yiyijits'i'ni napo ijia ti iliaki.

Efesios 5:3

Tiwet'ianaja ka 'esieyiji ka ena askiwiti naka siunie iyo ti 'yutie'ni pa, siu'neje ni iyo napo ti k'iejlitieje pa itiliaja ti yiyi pi jikiecha, siu'neje niwa ti ijiate ti 'yakajyijne'n napo i'nio', asam ti Sinia' jilists'ase'm.

1 Timoteo 3:11

Kia'iyojliyi napo asejnia ti iniuyeje pi Sinia' ni jikijmaye ja ke jiwekie'eja jana i'nioki. Janapokaye napo ti je yimi'n siuniwa ye'laja jiniliaja, je nesi'li'yi pa k'iejliyi, 'wenajliyi ti i'ye'en. Je tak'emiyeje wek siupi k'iejliyi ti iyo ka woyi.

1 Timoteo 3:8

Kia'iyojliyi pit siunapo iniuyeje pi Sinia' pi jikijmaye janakaye siunie i'nio' ti t'oniye 'es, ji'lija je itimisiete, je 'yata, ni'ne ka inteliaja ka inkajli jana wikiniet'aj.

1 Timoteo 5:23

Siuti kiak jawo atowe ja a'tiejaja, siuti je i'nes'ni, ká a'nalkit ni i'niat ti ja'yaje; 'yaje ni at'es, ja jwamjla'aja wek paka a'yaje.

Tito 1:7

Tepa jawo ka kiak je iwo ka nakataja ka'ye'en siunie Sinia' yikiajle, kajeyepa ti naka ti jikijmaye. It'imina ti ti'yenatajats'i, siunapo ti inilesaniji'ni wata'a. Siunie ti je initoniti ti jwajla'a ti 'yije'en. Ja ke nakaye ni siunie jiwak je tojwi'. Ja ke nakaye siunie 'yata. Ja ke nakaye siunie ti yimi'n ti inilanejen'ni napo ijia; ja nakaye siunie ti ja ke inteliaja siojona wikiniet'aj ti inkajlajnat.

Tito 2:4

Siunapo jlosie, 'esiji ka 'eyasajne'n, 'nakayi ti janemi'n napo jilis, siu'neje napo jijwa'yis.

Hebreos 5:12

Jentat'itie pet ka apilie'yi napo as'lejwas ka 'eyasanajyi'n kajeyepa ti impajayi niwa Sinia' jlamtis. 'Nakayi kat'ajayi ti jlam yamjli'yi isia'm siunie jiwoyeyi ti jiwoyetaja ka tekiajlaja'a'ni ask'ioye ka tijwela'ase'm kiu'ujwe siuniwa je istieyijits'i Sinia' jlamtis. 'Yina jiwoye 'ate iyo siunapo kia'lis ti sajmela'aja'n ti nakata jla'am pet siunie jlet jikat'ios ti yapijyi'n, 'yina siunie asak ti kiojieti naka ti je jlapajyi'n k'iye.

Apocalipsis 2:20

“'Yina ijwienjliyeta siunie atajlata'm ti awoyi atesa': naka ti jlena 'ate ti iyoyi na je 'es janaka asejnia Jezabel, ti ijwil ka intal Siniayi siunie iniwone, 'yina ik'emijiet napo ikawos siu'neje ti 'yakajmaneje'n siunie iyo niwa jika'neyasajnayejes. Sekyi'i ni siunie ti ijiat ti je 'es ti iliaki siunie jijwa'ajiye, siu'neje ti itiujw siunie titiejietajape pet siuniwa tiwoki diosisa' ti tonitiejata.