Tito 2:14 - Sinia' Jlamtis 1994

¹⁴ Jlam ti ininekial ti ijioyi ni jiliaye, jakayi ti tiliana, lapakawo ti iyo ka kasjwajiete niwaka siuniwa je isis. Initiajnat wikie'eyi ki iyo niwa sakeyis, ja'nakayeyi ti ja sama siunapo jika kia'lis ti 'wena ijiut'e, ti awokink'iye ka iyoki siunie 'es.

Tito 2:14 ပူးပေါင်းရင်းမြစ်များ

Mateo 1:21

Ja jlas japoye, siunie kia'le jle' jawo'ate Jesús. Kiak jle' jawo kajeyepa ti ja jlama ti janjwajiete'n napo jika kia'lis, ti janjwajiete ni jike'.

Mateo 20:28

'Yina kiak iyoyi ni I'nio' Jlas ti 'nes, je iyo jikawosa', 'wenajliyi jla'am ti iniwojwa'n inkawoye, jla'yi ti iwi'in jakia ji'wasankiye ti iyoyi lajaye ti ijwiejiete'n napo i'nio' ti je pini'.

Mateo 3:12

Itiu'un siojopa jika a'la', ti jankiene ni ipiatatiok t'ejes 'wanjle'e ti 'wena jajnoti ni jop t'ejes ti ijlijni'ni. Janena'ana'a siupa jane'ne siupa ipiatatiok t'ejes 'wanjle'e ti 'es. Ja jlampet siuniwa jop ijlijni'ni ka intatajayijamna'a siunie jwat ti je paj ka 'no'me.

Juan 6:51

Ya'am janaka siojona woye ti iyo i'wasankiyeja' ti tal poliyi. I'nio' ni jantojw janak woye, nak ja ke paja ka inetia'n, jajnok'i'ni puwa jlomas. Siojona woye ti jawijna'm ni i'nio', je 'wena pa ka ijwi'il, naka 'yajwes, ja'nakayeyijna'a ti ja ji'wasankiye japoye napo i'nio' yi' ape'e 'ni ajnat.”

Hechos 15:14

Ape'yak 'na Simón ti ijwilts'e'm ti 'nelanjie'e Sinia' ip'ilisijne'n napo i'nio' je Judíojos, ti iyoyeyi ka iwo jika kia'lisa'.

Hechos 15:9

Kiak iyoyeyi, siunie iyonts'ejepi, ti ilij ni sosik, ti ijiatayiji ti atankiunieje.

Hechos 20:28

Ká anikiwaliye, ni'notatayiji, 'yenayi napo 'eyasajnas Sinia' jilis. Sinia' jikimet ti 'es pajk'i ti inwojwana sontas jiwosa', ka 'yenayi siunapo Sinia' iyo jika kia'lisa', ti takat'ini ape'e pa jlas ji'woyis ti yamayi.

Hechos 9:36

Pope jlaja asejnia ti Sinia' jlase' yi'i jlaja isi' Jope, jle' iyo'ate Tabita, (Griego ji'lij pet iyo'ate Dorcas). Wuj ti 'es siupa iyo ti iniuyeje papo p'ijliusis.

Gálatas 1:4

Sijwajieti Jesús jlam ti iniwe'en ti ijioyi jana 'najlati sakeyis it'imina, kajeyepa ti iyo ka kas'maniti ki iyo ni ajnat ti wuj ti je 'es. Lapakawo ti jitienkiujnieye jla'am pi Sinia' ka kiak inwonts'e.

Gálatas 2:20

'yina je'ne ka yama ka si'wasa'n, 'wenajliyi ti jla'am pi Sijwajieti ti yi' iwia'am ti si'wasankit. Siunie awo ti si'wasa'n, 'nakayi si'wasa'n kajeyepa ti itienkiujnieye yiyi ni Sinia' jlas, 'yina ti je akakiu ti jla'am ti semi'n, jla'yi ti ininekial itipe'e ka tiliana, ti iyo ka sijwajiet.

Gálatas 3:13

'Yina Sijwajieti ijiut ts'iji siunie siliaye ti atajlajaja ni inka'neyasajnaye t'ipi, kajeyepa ti iniwojwa'n jilianikie' ni siunie siwet'ia iyo, ti iyo ka kasjwajiet. Siuti iyo'neje 'ate niwa Sinia' jlamtis, “Sinia' jiwet'ia jane'ne siupi i'nio' ti ja tena'a pijia'm japa a'la'.”

Efesios 1:11

Sinia' pajk'i ti kast'ajets'i ti 'nelanjie'e, ti iyo ka iwo jika kia'lisats'e'm, ka lajak'i siunie awoki ti ani'nopijietaja ni Sijwajieti, 'yina pajk'i ta'a ti iwiakajlanit siunie iyo ka woyi, 'yina naka'ne siunie iyoyi ti 'yakaj. 'Yina ti jla'am ti jilisajna' wikie'eyi siu'niwa wask'i'nelaja po'. Ka injlan wata'a siunie iyo ka woyi ti itiliaja.

Efesios 2:10

Sinia' jlam ti jilisajnats'e'm; 'yotats'e ka iyoki siuniwa sikijmayejes ti isis ka lajak'i ki iyo ti ani'nopijietayi wita'm pi Sijwajieti Jesús. 'Yina je ijlie'n pet siupi iyot'iyipi ti 'nelanjie'e, iyo ka kiak iyoki siu'niwa jlomas.

Efesios 5:2

Woyeyi ni asemijnaye, 'wena ká aniwonayi iyot'iyipi pa Sijwajieti ti kia'iyo wuj ti 'nama, it'imina'ne ti iniwe'n sitipe'e. Ti iniwojwa'n Sinia' ji'wajieta', iyoye'ate ni k'iejlitieje ti tiliana ti tiwunitieta pi Sinia', sekyi'i siu'nie jini ti yame pi Sinia' ti 'yakanit'ni pet.

1 Timoteo 1:15

'Yina jla'am je iyo naka ti iyo'ate, 'esiji ka 'wena je ink'iuyisiap'e wikie'eyi napo i'nio', ti Sijwajieti Jesús na'm ajnat'e je 'wena papo ka iname, napoka inkeyis jiliajnis ka injwajiete'n. Siuti ya'am naka ti ijiateje ti je 'esijiyi, ti si'wanjlipe wita'm ti awoyi ni wuj ti je 'es.

1 Timoteo 2:10

Jla'm ijiate ni 'es ka woyi, kan'yejnap ni ji'wu' ti 'es, iyo ti inilesanijisi jitieyi'i pi Sinia'.

1 Timoteo 2:6

Siupi iyot'iyipi papo Sinia' jikawos ti ijwilis, 'wena je ijiojwap'e siupi iyo ti yiyeyi, ti iniwe'n ape'e wikie'eyi napo i'nio' kanjwajiete'n.

1 Timoteo 6:18

Siuti jajloye, wone'ate, “Woyeyi ninta 'es. Siunie jiwoyeyi ti jwajla'a je sitiana, nak 'yenajiap siuniwa askijmayejes ti isis ti jawoyeyi. Ke enieja'm siuniwa askijmatis, pi jane'yi pet pa jawenajia'm.”

Tito 2:7

'Wenkina wikie'eyi siuniwa isis ti jiwoyi. Siuti jit'iyasanataja'n ká anijwekia'm ti i'nes jitieyi'i pi Sinia', jla'yi ti ijiate siunie jiwoyi.

Tito 3:8

Awo'ate ijiatk'i kiaka. Tempi it'imina ti kia awo'naja ka ajalaskine napo i'nio', siunapo iyoyi ki inamtik, ka inkatate ka woyi siunie 'es ka inkimk'iji'n. 'Niwaka ti iniuyeje napo i'nio' 'yina ti isis.

Hebreos 1:3

Jla'am ti jla'al ti 'esi' pak Sinia', jla'yi ti nak jipe'el pa Sinia' siupa k'iejliyi. 'Yina jlam'neje ti 'yitk'i pijia'm wikie'eyi niwa wask'i'nelaja, ti isiene niwak jlamtis ti jijweye po'. Ti itimayi siukia iyo kia jikijmaye ti initiajnat sik'ioye kiwa soski'layis, sekyi'i yiyeje'n 'niji poliyi jijweyeje yi'i pa Sinia' ti iyo anechiyasa' ti wuj.

Hebreos 10:24

'Esiji ka iyokijyi'n siupa 'es ka iniwonaja, jla'yi ti jani'najmak. 'Esiji ka inikimaja siunie ti janip'elisina', ti janikelaja siunie 'es sikijmaye ti jayoki.

Hebreos 9:14

'Yina jlampet siunie Sijwajieti ji'woyis ti kia'iyo ti tisa'ni jla'm ijiatayi jla'am ti 'yaka'm ape'e niwaka ni jijweye iyo. 'Yina Sijwajieti siunie t'oniye ti 'es po'o siunie ti jla'am ti ininekiajle pi Sinia', ka lajak'i pet ki iyo janaka Sinia' jikimet ti 'es, ti je paj ka netia'n. Siunie Sijwajieti ji'woyis kia'iyo initiajnat sik'ioye siuniwa sitienkiujnieyejes ti je isis siu'neje ti ijialts'e siuniwa je isis ti kastone jana ts'ajlati ti ja kasnetia'n. Sek jane'yi ka 'yakajlajanie'e ka iniukieje naka Sinia' ti je paj ka inetia'n.

Santiago 4:8

Jlasayi ni Sinia'; kiak jawo ja ke intonitie siuti kiak janiwonayi. ¡Leyets'i ni jiniwonayi asa'am ti inkeyis jiliajna'ase'm! ¡'Nalkita ni asosik ti 'es, asam ti jiwoyeyi ka emina' ni Sinia' jlam'ne ni jiwoyeyi ti inteliajayi ka woyeyi niwa wask'i'nelaja yi'i 'ni ajnat!

1 Pedro 1:18

'Najanayi pi jiwonayi ti Sinia' pajk'i ti injwajietayi siojokia as'wasankiye iyo ti jitiajlayiji puwa jikeyis t'ipi papo aska kijilas mases. 'Najanayi ti je japak lajaye siuniwa wask'i'nelaja je t'on'n janak injwajieti, ka janakaye wikinie maja ti 'najli, ni'ne ka janakaye wikiniet'aj.

1 Pedro 1:22

'Nakayi siuti jik'iuyeyi niwa Sinia' jlamtis ti ijiatk'i, sekyi'i ti je k'emijieta napo as'lejwas ti i'namajayi kajeyepa ti jilija niwa asosikis. Jak je iyoyiji'ni siuti janikimayi siunie asemijnaye, pejlati'n ni asjweye siu'neje ni asosik nayi wita'm ti jawoyeyi.

1 Pedro 2:12

'Esiji ka nilesanayiji, ti jleyejyi siunapo je itiant'ieje pa Sinia'. Jak je iyoyiji 'wanjliyi ka injwela ka je insisie, 'yina siuti jan'wena ti 'es ni jiwoyeyi ijiate sekjane'yi jajnonitis pa Sinia' ka netieje janak jloma ti Sinia' jan'ye'en wikie'eyi napo i'nio' ni jitis iyo.

1 Pedro 2:9

'Yina ti asa'am jla'am ti isi'mase'm ti iyo jika kia'lisa'ase'm. Asa'am ti pa'yijists'ase'm ti jiniuyeyeje ni aska anechiyas ti wuj. Asa'am ti Sinia' jika kia'lits'ase'm ti 'wena ijnotie'yi, ti jlam ti ya'mase ka jwela siuniwa isis jilisajna'; naka ti tana'ase ka atajlayi siunie ajnatiok, sekyi'i ti jawayejyi ni siunie jla'al jana kates ti wuj ti 'es.

1 Pedro 3:18

'Yina Sijwajieti jla'am ti inilayiti ape'e niwa jikeyis napo i'nio' ijwienjliyik'i wek pakatajaje. Jla'am ijiate jla'am ti 'es, 'yina je iyojliyi ti iniwe'n ape'e napoka i'nio' ti je isis ti iyoyi ni jike', kajeyepa ti iyojonk'iye ka intonayi ni Sinia'. 'Yina ti i'nio', ti tilianaja, 'ya'al; jlampet ti Sinia' i'wiesankit pet pi jisiak'al, 'yina ti yiji pi jisiak'al.

1 Jn 1:7

Jlam'ne pet ti jawieki ni jla'al jana 'esi', iyo'ate ni Sinia' ti yiji janak 'esi', kasjwanjliyik'i. Siunie jlas Sijwajieti Jesús kaslejayi ni ji'woyis ki iyo niwa sakeyis.

1 Jn 1:9

Lapajawo siuti ja ijiatayiji ka inijwelaja siuniwa sakeyis, sitiej jayomaja ti jla'am ti jajnajyi siunie janwo, sek jane'yi kanetiajnatana'a na sitis, ka ijnalats'ijna'a wikie'eyi siuniwa je isis.

1 Jn 3:2

I'lijwas ti yimijna', 'nakayi ijiate Sinia' jilists'e'm, ejlo'o jiwekie'e ti je kastant'iejliyi'iji siupi jats'oniyeja' ka pajata. Lapakawo ti kasts'ajane siuti jankaj pi Sijwajieti Jesús, jayok'iate ti jla'am, ja'wina siupi ja k'iejliyeyi.

Apocalipsis 1:5

'Yina tajle 'neje ni Sijwajieti Jesús siunie jika'niyewo ti 'es, jla'am ti inia'an ti yapi pijia'm ti tajli pi a'no', siu'neje ti wikie'eyi siunapo anechiyasas yi'ne ajnat'e ti jika anechiyasis. 'Namats'e pa Sijwajieti, isia'ni pa ji'woyis, siu'neje ti 'ya'al, 'yina lapakawo ti iyo ka kasjwajiete siuniwa sakeyis.

Apocalipsis 5:9

'Yina yilisisk'i siu'nie inka'le ink'ie' ti iyo'ate: “Jla'am je jiwo ti jiki'me ni siunie imp'esinik ti takapajlatak'i, 'yina ti 'yu'wa'm a'm, siu'neje na ti jilie'nik'i siuniwa t'etiejek'i ape'e ti inamtis yi'i ti it'imina ti je 'esiji paka inlajna'm paka i'nio' jiniliakie. Lapakawo ti pajk'i ni siunie tiwona'aja ti inlana, siu'neje ni a'woyis ti tisa'ni, ti jikat'ini ape'e ti jleki napo i'nio' ti tajlits'i wikie'eyi niwa ajnatis, siuniwa wus siu'neje niwa je wus, i'nio' ti inijle'en niwa jloniye iyo, siu'neje niwa ji'lija iyo, 'nakayi ti jawo pet Sinia' jilisa'.