Tito 2:10 - Sinia' Jlamtis 1994

¹⁰ Siupuwa jikijmatis pi aska anechiyas, ká akajlanayi 'wanjliyi ka 'wena. 'Wenkinayi pet siuti jiwoyeyi ni 'es, jla'yi ti jiliyeyi ni aske' ti pajk'i ti je 'es. Siuti kiak janiwonayi, jan'wenana'a napo i'nio' ti ijiate ti 'es ni inka'neyasajnaye ti ijwil ni Sinia' ti Sijwajieti.”

Tito 2:10 ပူးပေါင်းရင်းမြစ်များ

Mateo 24:45

Jesús iyoye'eje 'ate: —¿Tepa yi'i siupi jlosik yiji'ni jla'yi ti 'es ni inkawo? 'Yina naka siunie jika anechiyas i'yenkina pet napo ijia ti inkawos ji'wet'e ti 'yakojniejne'n ti yamata, paj ti yiyeyi siojopa jloma 'nesi.

Mateo 5:16

'Yina ti asa'am 'esiji ka kiak aniwonayiji, siojona aska kates 'atanajia'm jitieyi'i napo i'nio', 'nakayeyijna'a ti jan'wena ti jiwoyeyi ni 'es. Sekjane'yi ka inwunitieyisna'a ni Asna' ti yi' poliyi.

Lucas 1:47

siunie ijiusik inka'a pet na Ijwiejieti ti Sinia'.

Lucas 1:80

'Yina siuti je iliyi ti ijlias'ni pijia'm pak kia'le; jijweye t'oniek'i, pi iyo pi jlosik. Yi'i'ni siupa ajnat laj i'nioye'e, paj ti yiyeyi pa jloma siupa ti inikajanitia'm papok Israel jika kia'lis.

Lucas 16:10

I'nio' ni ilisaniji ni siunie jwamjla'a ti je tikiwitaja ni i'nio', kiak janwone ni siunie wuj ja'notatiji. Jlampet siunie ti je 'yotatiji ni jwamjla'a ti je tikiwitataja, kiak jawone ni wuj ja ke 'notatiji.

Juan 12:6

Siuti ji'lij kiak iyone ja Judas, jla'm iyo ka imp'elisijne'n napo p'ijliusis. Kajeyepa siuti jlam ti tijna'yi siujlieja wikiniet'aj jiwe ti i'yena, kajeyepa ti takajlane'ni pi jiwa siojopa titietajak'i'ni, japak 'neliaja pet.

1 Corintios 4:2

Siuti po' ni i'nio' ti k'iejliyi pa jika anechiyas ijliuye kawoyi, je 'esiji ka je 'nakaj, siunie iyo ti isima, ti jlam ti ilisaniji pi jika anechiyas jla'yi ti ilisaniji pi jikijmaye.

Efesios 4:1

Tempi it'imina ti ya'am, ti Saka'niona jla'am ti it'imink'i ti a'ne yi'i jla'a insat jiwe, ti kiak awo'nase ti anip'elisi'niase, asa'am ti ta'nase pi Saka'niona: woyeyi siunie 'es iniwone siunapo ti ijiate ti iyo niwa inamtis ti isis.

Filipenses 1:27

Po' siunie 'ejejie'nase'm ka woyeyi: awo'ate siupi ja k'iejliyeyi siupa jawoyeyi, 'wena ká 'asa'yi ape'e siunie iyo niwa jlamtis pa Sijwajieti, ti iyo ka woyeyi. 'Wanjliyijna'a ka kia'iwo ka je ijio'wase, ni'ne ka ijio'wase ka i'wina', 'yina ka najatajana'a jla'am ti ja ijie'yase ti jakinieyi ni siunie jiwoyeyi ti ijnojlie wita'm ni astankiujnieye jiwonayi. Nojwa'yi ape'e ti jinilana'yi ape'e ni siunie iyo ni sitienkiujnieye ti 'es.

Filipenses 4:8

'Niwak 'wanjli isiame, i'lijwas, jane'yi siupa ti ja ijiatak'i, siunie ti je jlam tonitie wek, siu'neje ti japoye naka ti tijnajyi, siu'neje ti lajk'ipa ka injlejni'ni, siu'neje ni ti wuj ti emina, siu'neje ni ti ajieyeje ti wuj ti 'es, 'niwak 'esiji ka ijiatayiji ka astankiujnieye ijnoyi. Kajeyepa ti jlam je jiniwonayi, 'yina ti 'yu'we ti jiwunitie 'niwaka.

1 Timoteo 1:1

Ampey isiecha Timoteo, ya'am Pablok'i'm, yam ti ajlo'wase 'ni ip'isinik. Ti Sijwajieti jijliujwanikk'i'm, ka iyot'e 'ate siunie Sinia' ti Sijwajieti jikawo siunie jlame ti je toj'we ti jla'am ti kiak siwoneje siu'neje pa Saka'niona Jesús ti jlam ti sinijijwiye. A'am ti jiwoye 'ate ka yasa'a'm ti tajle ki iyo ni sitienkiujnieye ti 'es ti wuj ti emina. 'Esiji ka Sinia' jla'yi pa Sijwajieti Jesús ti Saka'niona, 'esiji ka inwe'na'm ni siunie 'es, siu'neje ka imp'elisimpe, jla'yi ka inlesa'n.

1 Timoteo 5:17

Siunapo ti paj, ti 'es ti isimk'iji'n ti iniuyeje napo ijia ti Sinia' jilis, jlama ijiatayi jla'am ka 'esie ka'yenayi siojona jikaja ja 'etsakajak'i'ni. 'Yina janak tejeye napoka, siunapo ti taka'neyasane niwa Sinia' jlamtis napok je tolsinieja'm.

1 Timoteo 6:1

Siunapo inkipijnas, 'esiji ka ink'iuye napo jika anechiyasas, jawo lajaye. Ja'nakayeyijna'a ti ja lajak'ipa ka inlaki pi Sinia', jla'yi ki jika'neyasajnaye, ka wo'ate, “Je p'an 'es.”

1 Timoteo 6:3

I'nio' ti taka'neyasane siunie 'wenayiji ti je jnanjlajape'n ki iyo niwa jlamtis ti isis pa Saka'niona Jesús ti Sijwajieti, jla'yi ni iyo pit ni jika'neyasajnaye, ni tajle ni sitienkiujnieye ti 'es,

Tito 1:3

Siuti yiyeyi janak jloma, jlam ti Sijwajieti, 'yakajanit ti ijiate ti jitiej iyomik'i'm siuniwa jlamtis ti iyo ka yamtiyi k'iye.

Tito 3:4

'Yina ti Sinia', ti Sijwajieti, iyoyeyi kap'elisijne'n napo i'nio', lapakawo wuj ti yimi'n,

1 Pedro 2:12

'Esiji ka nilesanayiji, ti jleyejyi siunapo je itiant'ieje pa Sinia'. Jak je iyoyiji 'wanjliyi ka injwela ka je insisie, 'yina siuti jan'wena ti 'es ni jiwoyeyi ijiate sekjane'yi jajnonitis pa Sinia' ka netieje janak jloma ti Sinia' jan'ye'en wikie'eyi napo i'nio' ni jitis iyo.

1 Pedro 3:16

'Yina ja ke anitonitiejyi'n, lesanayiji ti jakiujlieyi. Nilesanayiji, 'nakayeyi ti ja lajak'i paka astesa' ilia'm pa Sinia', siu'neje napo i'nio'. Jak je iyoyiji ja jwejlanatak'i wita'm siunapo i'nio' inlakiye ti injwela ti je 'es siunie jiwoyeyi ti jiniuyeyeje pa Sijwajieti.

2 Juan 1:9

I'nio' ni iyo ka inkajmat ape'e siunie iyo ni Sijwajieti t'eyasajnaye, Sinia' je yijap. Jlampet siunie i'nio' ilisa'n nak inamtik ti 'es, siunie Sinia' jla'yi ni jlas yijap.