Tito 1:9 - Sinia' Jlamtis 1994

⁹ Ja nakaye siunie i'nio' ti je paj ka inkiwaliyi'i ni inamtik ti ijiatk'i, siunie ti t'eyasanaja, ja'nakayeyi pet ti jankajli ti jankelaja ni inka'neyasajnaye ti 'es ti tajle ni Sinia', napo ijia. Sek jane'yi siunapo ti tejetie ilia'm ja jlamape wek ti jank'iuyisie.

Tito 1:9 ပူးပေါင်းရင်းမြစ်များ

Hechos 18:28

Wuj ti ini'net ti teje'yi ilia'm papo Judíojos, jak je iyoyiji'ni ti je ikakiuyis, lapakawo ti tajle niwa Sinia' jlamtis 'yakajanit'i ape'e pa Jesús, ti pak Injwajieti ti Sinia' jijliujwanik ajnat'e.

1 Corintios 14:24

Jlampet ti janakaye siunie iyone jana Sinia' jikimet ti yikiaj'lase, ti jajwelajiamk'i napo as'lejwas siupi iyo janaka Sinia' jikimet siupi iyo ka woyi. 'Yina ja'nes siunie ti je itiant'ieje pi Sinia', siunie kakiujnieta. Jani'yena pet siunie iyo, siuti jampe'yaye siupi iyo japak Sinia' jikimet, je jwel pet ka je 'najwejle pi jike' ti po'.

1 Tesalonicenses 5:21

'Esiji ka wujwa ka'yena niwaka ti kia'iyo, siuti ja'wena ti 'es ti jajejlitayi, niwak kimayi.

2 Tesalonicenses 2:15

Ijiate, i'lijwas, 'esiji ka askio' ke k'asa'a 'nak inka'neyasajnaye ni siunie ajlasat'asepi pet ti ato'niase, siu'neje ti ajlo'wase ni ip'isinik.

1 Timoteo 1:10

siu'neje napo 'yu'ni, siu'neje napo iyoyi ni je 'es ti ayijniesk'i wita'm, siu'neje napo i'nio' ti isi'mik'i napo ijia ti iyo jikipijnasa', siuti iwin'ni wikiniet'aj ikajlayiji. Kia'iyojliyi siunapo sintijyis, siu'neje napo ti ijwil ti ijiate siupi iyo ti ijwil kan'wenis, jlam'ne je ijiatk'i; napoka napo ijiate ti 'yakaja'a pet ti teje'yi ilia'm naka ni siunie 'es inka'neyasajnaye ni tajle pi Sinia'.

1 Timoteo 1:15

'Yina jla'am je iyo naka ti iyo'ate, 'esiji ka 'wena je ink'iuyisiap'e wikie'eyi napo i'nio', ti Sijwajieti Jesús na'm ajnat'e je 'wena papo ka iname, napoka inkeyis jiliajnis ka injwajiete'n. Siuti ya'am naka ti ijiateje ti je 'esijiyi, ti si'wanjlipe wita'm ti awoyi ni wuj ti je 'es.

1 Timoteo 1:19

Jlam ja akjliyi siunie jawo ti ataj jiwoma pa Sinia' siu'neje ni atankiujnieye, 'nakayijna'a ts'ijiye ja lajak'ina'a paka k'iejliyeyi paka awo 'ajwejliye, najataja jla'am ni 'es ti jawoyi. 'Yina po' napo ti iliyi naka jitienkiujnieye ti 'es, napoka'ne siunapo je ilisanijiyi ni iyoyi.

1 Timoteo 4:9

Ijiatk'i siuniwa inamtis, 'esiji ka wikie'eyeyi napo i'nio' ka jitiej inwoma.

1 Timoteo 6:3

I'nio' ti taka'neyasane siunie 'wenayiji ti je jnanjlajape'n ki iyo niwa jlamtis ti isis pa Saka'niona Jesús ti Sijwajieti, jla'yi ni iyo pit ni jika'neyasajnaye, ni tajle ni sitienkiujnieye ti 'es,

2 Timoteo 1:13

Siuti jika'neyasanata, woyi siukia ti awoyi ti 'es, ti pajk'i ti 'eyasane. Ja ke inets'e japa kajlomaye ka leyi siunie 'es ti awoki, siu'neje ni iyo ni semijnaye ti yits'e ti ani'nopijietaja pa Sijwajieti Jesús.

2 Timoteo 2:2

Siuniwa jipe'yape ti ene jitieyi'i japo i'nio' ti 'loj, ti ajwe'la'm, nak jajwejla'm pet siunapo ti je tikiwitaja, ti ji'we'en ti 'yakajli ti iyoyi, 'nakayijna'a pet ka 'neyasajne'n napo ijia.

2 Timoteo 2:25

Ja ke initonit ni i'nio', ti iyoyeta jlosikie' siunapo teje'yi ilia'm. Janejejwijyi'n pet k'iye ka Sinia' inoyeje ka wo 'niayija napoka kawoyis jlosikis ink'iejyisa', jla'yi ka intant'ieje ni siunie ti ijiatk'i,

2 Timoteo 3:14

Wikie'eyi siuniwa jini'neyasanejpe niwaka ti ja ke paja ka leyi ti ja aki, siunie ti ijiate ti je jikakiuni, jla'yi ti intant'ieje, 'yina 'najane pi jiwone siupapo 'neyasant'iyijpe.

2 Timoteo 4:3

Japoye siojona jloma ti jawo'ate napo i'nio' ti janjwelis naka inka'neyasajnaye ti 'es ti tajle ni Sinia', “Siuniwa inamtis wuj ti kiojieti.” 'Yina ja wa'asitieyijits'i'ni ti jampe'yayis siupuwa inka'neyasajnaye ijia, jajnotiena'a wita'm napo inka'neyasajnawos ti ijyiwiteje siunie ijialas kawoyisi ti yiminis ka woyisi.

Tito 1:11

Ya'am awo'ate, ¡kiejak'i ape'e niwa jikiwitawa napoka!, 'yina ti najata jla'am i'yenis ti ka jikaja poyeyis ape'e siunie ti taka'neyasane, jlam'ne je 'es siunie ijwi'il ka'neyasane napo i'nio', 'wenajliyi ti initiajnatk'iji'n napo i'nio' wikie'eyi napo ji'wet jlele.

Tito 2:1

Siuti am ja k'iejliyeyi pa jawoyi, 'esiji ka 'wena je 'asap'e ki iyo ni inka'neyasajnaye ti 'es, tajle ni Sinia'.

Judas 1:3

I'lijwas ti yimijna'ase'm, je jlase' ni awo ti siwa'asitieyi'ni ti awo ka ip'isinik itiejiet'ase ka ijwil pet ask'ioye siujlie'e sijwajieti ti lajk'ipa ka lajayijap ti yits'e. Ijiatjliyi 'nakayi alesane kajeyepa 'es ka kia'inwoyi, ti wuj ti anip'elisi'niase ka ijiatayiji pet ka anilana'yi ape'e siunie intankiujnieye ti 'es, siunie ti etiet'ipi wek na Sinia' ti iwijna'm napo jilis sekatajak'i.

Apocalipsis 3:11

“Ja ke pajayi wat 'yina ka'nisana'a. Lesaniji siojona tena pet akiojyi, 'lojwinie'e ka poye paka intal 'niji ka ijnala akiojyi janak a'wajiete siojona tena'ni jletik'i siunie i'nio' je titieyeje'ni ti tiliaki'n.

Apocalipsis 3:3

Ataj wunitie siunie inka'neyasajnaye tiwena'ampe pet, 'yina wo ajosik ink'ieye. Jlampet ti ja ká aleyi ti jama'ni, ti ja ke atejnisi'n its'ioye, jayo'ate ni kajlajnata ti jasiowa'la ti jayik'ia.