Tito 1:15 - Sinia' Jlamtis 1994

¹⁵ Siunapo i'nio' ti 'esk'i ni jitienkiujnieye je ijwil ka jiniliajaye pet siupuwa i'wi'in. Jlampet siunapo ti takakiunisi kiwa Saka'niona jlamtis, je 'es ni jitienkiujnieye, kia'iyo pit ijwilis niwa wask'i'nelaja je isis. Tepa jawo ka kiak je iwo ti yamayi'i pet ni jitienkiujnieye jla'yi ni jlosik, ti wuj ti t'ojli.

Tito 1:15 ပူးပေါင်းရင်းမြစ်များ

Mateo 15:18

Siunie tal jikiwitk'i ni i'nio', nak tajlaja'ajme ni jlosik, naka'ne ti 'yakajyi'n jitieyi'i ni Sinia'.

Hechos 10:15

Pesiejat'iyi'iji siupa ina'lap ti iyo'ate: —Ká ajwel ka je 'esie siunie Sinia' pajk'i ti 'yotat.

Romanos 14:14

Siuti ya'am Pablok'i'm ti ajiap ni Saka'niona Jesús, naka ni i'nio' siunie ti lajk'ipa ka t'ojliye ka inejyi ni jlosik. Jlampet ti po' siunie ti ijwi'il pa k'iejliyi ti iyo'ate, “T'ojli naka”, 'yina jlam jla'am jiwek ti 'nachiye.

Romanos 14:20

Ká akajyinajyi siuniwa wask'i'nelaja ni Sinia' jikijmaye. Jlam'ne wikie'eyi siuniwa wask'i'nelaja jitiuwa je tiajlayiji pa aswet'iaye. Jla'm ijiatayi jla'am siunie ti ijiate ti je 'es ti jitiuwa, naka ti jit'iminayi ti jiwet'ia po' ni askiecha.

Romanos 14:23

Jlampet siunie ti je 'yakaj paka jitienkiujnieye iwone, kawo'ate, “¿'Est'iyiji ka itiujw ni'ne ka jeye?” Jak je iyoyiji siuti itiujwata jitis po', kajeyepa ti je 'yakaj paka iwone pi jitienkiujnieye. Nak ajwe'el ti awo'ate, wikie'eyi siuniwa ti je tajle siunie inkiowe ni 'es, nak inke' pet.

1 Corintios 10:23

Siuti asa'am jiwoye'ate, “Lajk'ipa ka intomi'ni ijyik'i siu'nie awoyi, ya'am isimet”, ka jla'm awoyeyi wat. 'Yina siuti po' siunie awoyi ti je 'es, 'yina nak je iniuyijk'i'm pet. Ijiatataja wek ti isimet siu'nie awoyi, 'yina po' siuniwa sit'iunitt'i'ni, ti ajwel ka iyikk'i pi Saka'niona siunie iyo.

1 Corintios 10:25

Siuti jik'iajwa, jloyi napo wakia t'isie'n jiwos, 'esiji ka je k'iejliyeyi paka astankiujnieye awonayi, ni'ne ka 'yasanayi ka intajle siuniwa ti tiwoki diosisa'. Ekial, jlam woni'ni 'ate ka lesane paka tojw.

1 Corintios 10:31

It'imina ti kiak awo'nase ti awo'ate, “Ja k'iejliyeyi siupa jawoyeyi, ni'ne ka 'yekiunie, ja k'iejliyeyi pi ja'yayejyi, wikie'eyi niwaka wunitieyi pi Sinia'.”

1 Corintios 8:7

'Yina je wikie'eyi napo ka 'najane paka iwone niwaka. Jlajmiliet ti po' siunapo si'lijwas ti 'yakayank'i kiaka, ti jitiej iyoma niwaka ti iyoyisipe jika diosisa'. Ijiate, yi'i jakia jloma ti iyoyi ki inamtik, 'yina je t'oni ka jiatayiji ka intankiuni pi Sinia', jak je iyoyiji ti itiuwisieta niwaka ajwel'ni ti titiejietajape, sekyi'i isipits'i'ni. Iyoyisie'eje 'ate, “Siukia atowa titiejietajape siuniwa tiwoki diosisa', 'yina ti itimisi napo i'nio' ti ijioyisi ti iyoyis t'ajlayeja'. Ent'a ja sakajyi'n.”

1 Timoteo 6:5

Laj jlaja ti tejets'i wita'm, 'yina napoka napo ti initiajnat naka ni jlosik ti 'es, netia'n ki iyo ti 'yijene naka ijiatk'i. Ijwilayis ka ijiatayiji ka 'esieyi ka 'naka siunie kan'yakanisi ti iyoyisi siunie jitienkiujnieye ti 'es.

Hebreos 10:22

Jak je iyoyiji jajioki pi Sinia', ja'nialkitak'i na sosik, siu'neje na sitienkiujnieye ti 'es jalisanaja'n. Siunie iyo ti je akakiuk jajwienkitak'i, 'yina ke k'iejliyeyi paka iyoki sitienkiujnieyejak'i wita'm ka jiniliakie pa, lapakawo ti pajk'i siuniwa ts'ajwes ti tilijiki'n, ti tilijiki siunie i'niat ti 'es.

Hebreos 12:15

Ni'notatayiji 'nakayi ti ja lajak'ipa ka inleyi siunie jikap'ijliuskiye ti Sinia' pajk'i ti iwijna'm. 'Yina jawoyena'a 'ate siojona a'la' ti jijwetisi'l pa'a, sekyi'i ikajyi'n niwa ijia siu'neje ti iliajne'n.

Hebreos 9:14

'Yina jlampet siunie Sijwajieti ji'woyis ti kia'iyo ti tisa'ni jla'm ijiatayi jla'am ti 'yaka'm ape'e niwaka ni jijweye iyo. 'Yina Sijwajieti siunie t'oniye ti 'es po'o siunie ti jla'am ti ininekiajle pi Sinia', ka lajak'i pet ki iyo janaka Sinia' jikimet ti 'es, ti je paj ka netia'n. Siunie Sijwajieti ji'woyis kia'iyo initiajnat sik'ioye siuniwa sitienkiujnieyejes ti je isis siu'neje ti ijialts'e siuniwa je isis ti kastone jana ts'ajlati ti ja kasnetia'n. Sek jane'yi ka 'yakajlajanie'e ka iniukieje naka Sinia' ti je paj ka inetia'n.