Santiago 5:7 - Sinia' Jlamtis 1994

⁷ Siupet ti asa'am, i'lijwas, ká awoye asjlak'aliye. Kamaja paj ka awayeyinie'e siojona jloma Saka'niona ja'nesi. Niwonayi 'ate siunie i'nio' ti takawijna'n. Yi'i jiwek ti its'iujwap ka wakajla pa jlak ka inkima siupuwa jla' ti isis, jlamk'e'm ti yiyi siunie pejla ti inia'an, sekyi'i ti nakaye'eje pet ni tomik'i.

Santiago 5:7 ပူးပေါင်းရင်းမြစ်များ

Mateo 16:27

Kajeyepa ti ja'nes ni I'nio' Jlas ti janejyi ni jijweye iyo ni Jinia', siu'neje napo jijliujwajnas poli jlele janamik'i, kantesiet'ik'ina'a wikie'eyi napo i'nio', siunapo jikijmaye 'es siu'neje napo jikijmaye je 'es.

Mateo 16:28

Ijiatk'i siu'nie jayo ti jajwi'lase'm, ti asa'am ti nak jleye'yi 'nakayi, japoye siunapo 'wasajne'n, ka je 'naltajana'a jan'we'en na I'nio' Jlas ti jana'am kanwo anechiyasa'.

Mateo 24:27

Kajeyepa ti jawo'ate siunie ti tak'ayetaja, ti tajlap 'niji taj'le ni kilie', ti jlal itie 'nijiye 'yu'yi ni kilie', ka 'nesta ni I'nio' Jlas ti janapimet.

Mateo 24:44

Nak it'imina ti asampet kiak jawoyeyi, 'esiji ka aniwakajlanitie, kajeyepa siojona jloma ti ja'nes ni I'nio' Jlas ja inesi'lieta.

Lucas 18:8

Je'e. Jajwi'lase'm ti ja ke ink'iujwap ka paja'ni ape'e ti janoyeje. 'Yejne'n, siuti ja'nes, ka inapitiemet ni I'nio' Jlas, ¿jot'e kan'we'en napo i'nio' ape'e 'ni ajnat ti ja ke inleyi ni jitienkiujnieye ti japoye, siunie 'es?

Lucas 21:27

Jiwekie'ejana'a ni I'nio' Jlas ka ti'wena ilia'm ti jana'm isia'm, ti janejyi jana poli, ti janejyi ni jijweye iyo, siu'neje ni iyo ti ja tiwunitie.

Lucas 8:15

Jlam'ne pet siupuwa inseliaki ijniuj'li pa ajnat ti 'ejts'i, napoka siunapo i'nio' ti ijiate ti 'es ti isi'm ilia'm jla'yi ti iyoyi niwa Sinia' jlamtis, jla'yi ti its'iuyeje ni iyo. Jlam sek iniujliye'e pet siunie 'es ti iyo jlaye, siupapo tajla'm.

Juan 21:22

Jesús isiujlie ti iyo'ate: —Siuka iyo ka 'wasanajle ka iyapitiemet, ejlo wekie'e, je a'm ala. Naj, na'm ijyik'i.

Juan 21:23

It'imina ti wikie'eyi siojopo Sinia' jilis ijwi'il siojo Jesús t'eyasanik ti ijwilta ka je i'naleje. 'Yina Jesús je ijwi'il ka je i'naleje, 'najata jla'am ti iyo'ate, “Siuka iyo ka 'wasanajle ka iyapitiemet, ejlo wekie'e, je a'm ala.”

Romanos 15:4

Wikie'eyi siuniwa Sinia' jlamtis yi'i ni ji'wet jla'am je tilisanaja jiwek, 'yina ti sa'am ti kastajietajapeje, 'nakayi ti jani'neyasanaja, siu'neje ti naka ti ja kasts'et pijia'm, sijweye jantajle ti jla'am, siu'neje ti 'yakajanit ti sinijijwiye po'.

Romanos 2:7

Sek jane'yi siojona ji'wasankiye ti laj jlaja, napok janwejna'm pet siunapo iyojyi'n, jla'yi ti yamjliyi pet ti iyoyi ni siunie ti 'es, jla'yi ti iyoyisijyi'n siunie inwunitieye ti tajle ni Sinia'.

1 Corintios 1:7

Jak je iyoyiji ka poye paka inetiane siuniwa wask'i'nelaja isis ti Sinia' tajle ti yijits'i niwa askiojwa'l, ti asa'am ti jinijijwijienk'iye siojona jloma ti ja'nesi pa Saka'niona.

Gálatas 5:5

'Yina jlam pet ti sa'am, ti je akinieje naka, naka kasts'isisi pet siojona Sinia' jikimet, jla'yi ki iyo siunie ti je akakiunieje. Sekyi'i it'imina'ne pet ti sinijijwiye po' pet ka Sinia' kasnajietits'i.

Gálatas 6:9

Nak it'imina ti kia' awoyi, ti awo'ate ja 'yakatataja ti janaja ni siunie 'es. Kajeyepa ti siuti jwajla'a jayoki, ja akajlajyi siunie 'es ti tajla'm siunie sikijmaye, ka netieje janak jloma.

Colosenses 1:11

'Ajlajanayi'ni pi Sinia' ka impejlanit'i aswa'm pet ni jijweye ti je jlase', ja 'nakayeyi ti ja asjweye japoye pet. 'Yina ja ke injlak'alajyi'n, 'wenajliyi ti ja akamaja.

1 Tesalonicenses 1:3

Siuti ijiate ti jikimayi ni astankiujnieye ti 'es, je pini' siuniwa askijmayejes ti isis niwa jitiajlayija'm. 'Yina siuti jikimayi ni asemijnaye, wuj ti jinilankinieyi ni askijmaye. Siuti ijiate ti jikajanitie ni jinijijwiyejyink'iye pi Saka'niona Jesús ti Sijwajieti, ijiate nak it'imina ti jini'netieyi, ejlowek ti wuj ti jinilayitieyi pi k'iejli ti aswet'iayeta. Ti a jitieyi'i pa Sinia', je paj ka sikiwaliyi'i niwak siuniwa isis ti jiwoyeyi.

1 Tesalonicenses 2:19

I'lijwas, siuka 'nesta pi Saka'niona Jesús, ja ke 'wenaye papo ti jant'emina ti japoye ni sinijijwiyeja' jla'yi ni ja inikanitiejeyeja', 'yina 'yiniyijna'a ka wo 'ate ti janitonitieje astepe'e ti kiak jawo, jitieyi'i jla'am pi Sinia'.

1 Tesalonicenses 3:13

'Esiji ka ijiatayiji ka inoyeje ni astankiujnieye, 'nakayi ti ja asjweye japoye, 'nakayi ti ja insisie, jla'yi ti ja lajak'ipa ka k'iejliyeyi paka astes iwo jitieyi'i ti jlam pa Sinia', ka 'nesta pa Saka'niona Jesús, ti janapi ajnat'e ti ja jla'yisayisik'i papo jilis ti isis. Amén.

Hebreos 6:15

Abraham yi'i jiwekie'e ti inijijwijyink'iye paj ti jiwekie'aja t'ipi ti yi' jikiojyi siupa Sinia' ijwilt'ijiampe.

Santiago 4:11

I'lijwas, ká amtiye napo as'lejwas. Siuti po' ni yamti ni jikiecha ti ijwil ti je 'es, ket'ijwel ka je niwakaye niwa Sinia' jlamtis ti yamti ti ijwil ka je inses. Siuti jijwel je isis niwa Sinia' jlamtis, jlam'ne ka ama ka woyi siunie iyo kawoyi, jinitojmata'aja a'am ti jijwel ka'ye'en, ka ajweye poye ape'e niwa Sinia' jlamtis.

Santiago 5:10

I'lijwas, ja ke inkiwaliyeyi'i siupapo injwejlanawos t'ipi iyoyi jlamtikie' pa Saka'niona. Naka jla'm ijiatayi ka'yena ka kiak aniwonayi pi iyot'iyipi, ti wuj ti inilayitisi jla'yi ti iniwont'iyisipi ti 'yakama.

Santiago 5:3

Siuniwa aska wikinie maja ti 'najli, siu'neje niwa aska wikijniest'ejes, ijliamk'i pijia'm. Ijiatjliyi siunie jawo ti janjlamk'i pijia'm nak jant'emina ti jankaja'yi astepe'e ti astes po', jawoyena'a 'ate ni jwat ti jantejwak'i'ni. Siu'nie jloma jlajmi wonayeyi'ni 'ate ti jlotie wita'm niwa askijmatis, jlam'ne yiyi janak jloma ti yi' jlaja.

2 Pedro 3:4

ka iwoyena'a 'ate ti jankalakijiejne'n, “Jlam'ne tijwela janapimet pi Sijwajieti, ¿yot'iyi'ni ti je 'nes? Nojwak'i'ni jiwek kiapo atajlaja'm ti mawat je 'nes, kiajata iyojliyi ki iyo ti 'nelanjie'e poye 'ni ajnat.”