Santiago 4:8 - Sinia' Jlamtis 1994

⁸ Jlasayi ni Sinia'; kiak jawo ja ke intonitie siuti kiak janiwonayi. ¡Leyets'i ni jiniwonayi asa'am ti inkeyis jiliajna'ase'm! ¡'Nalkita ni asosik ti 'es, asam ti jiwoyeyi ka emina' ni Sinia' jlam'ne ni jiwoyeyi ti inteliajayi ka woyeyi niwa wask'i'nelaja yi'i 'ni ajnat!

Santiago 4:8 ပူးပေါင်းရင်းမြစ်များ

Mateo 12:33

“Siojona a'la' ti 'es isis pet niwa jla', jlampet siojona ti je 'es je isis pet niwa jla'. Jla' niwak 'yakajanit jana a'la' ti je 'es, ni'ne ti 'es jana a'la'.

Mateo 15:2

—¿Yot'iyi'ni siunapo 'eyasajnas ti je ilisanisiji siunie jike' pet kiapo saka kijilas mases? Siuti ti'yekiunieje'n jikioye je ilij.

Mateo 27:24

Pilato siuti i'wina ti je 'yakajle'n japok i'nio' kajeyepa ti wuj ti jwesis, sekyi'i ti t'ajlayi ki i'niat, ti jikioye ilij ti yine jitieyi'i japo. Sekyi'i iyoye 'ate: —Je ya'am ka itisa' siunie ja tiwonaja ti ja tiliana. Asa'am ti astes.

Hechos 15:9

Kiak iyoyeyi, siunie iyonts'ejepi, ti ilij ni sosik, ti ijiatayiji ti atankiunieje.

2 Corintios 7:1

I'lijwas ti yimijna'ase'm, kia'iyo siuniwa ti je niliaja ti Saka'niona ijwilts'e'm ts'ijiye. It'imina ti janisiamaki ti janilejek. Jalijik 'niwa ts'ajwes, jla'yi ki iyo niwa sikiojwa'l. 'Yina janinayeje wita'm ti janilesanaja'n jitieyi'i pi Sinia', jla'yi ti wuj ti ja ijiuskiyeje.

1 Timoteo 2:8

Naka ti awotaja ka iwoyi wikie'eyi napo yi'i pi yi'i, ka int'ajlisi pi Sinia', ka jikioye ijnayisk'i pijia'm. Siuti kiak jawoyi, 'esiji kanjwanjlik'i siupi jlosik janwonisiji; ja ke injlejnate siunie jiwak, ni'ne ka woyi naka ti iniewitis'ni.

Hebreos 10:22

Jak je iyoyiji jajioki pi Sinia', ja'nialkitak'i na sosik, siu'neje na sitienkiujnieye ti 'es jalisanaja'n. Siunie iyo ti je akakiuk jajwienkitak'i, 'yina ke k'iejliyeyi paka iyoki sitienkiujnieyejak'i wita'm ka jiniliakie pa, lapakawo ti pajk'i siuniwa ts'ajwes ti tilijiki'n, ti tilijiki siunie i'niat ti 'es.

Hebreos 7:19

Kajeyepa ti i'nio' je ilisajne'n ka 'esieyi, naka Moisés jika'neyasajnaye. Sekyi'i its'iuyeja 'wet'e nak sinijijwiyeje ti je jiniliak, siu'neje ti si'niayi poye ti ajoki pa Sinia'.

Santiago 1:8

kajeyepa ti je 'yaka paka ijiatayi paka iwoyi.

Santiago 3:17

Jlampet siunapo ti ijiate ti tal Siniayi siunie iyo ti 'yije'en, napokaye pet ti kia'iyo ti siunie inia'an ti yiyi ti 'najleje'n ni jlosik; je ti'wena ka iwoyi jijliak'aliye puwa wask'i'nelaja, 'wenajliyi ti 'yakama; siupi ijia iyo kawoyi its'iuye. Takap'ijliuskijyi'n; je ti'wena paka jikeye ka je 'esie iyom wita'm papo 'namaja, jla'yi ti je yinjlajap naka nik'emijieye; isis napo i'nio'.

1 Pedro 1:22

'Nakayi siuti jik'iuyeyi niwa Sinia' jlamtis ti ijiatk'i, sekyi'i ti je k'emijieta napo as'lejwas ti i'namajayi kajeyepa ti jilija niwa asosikis. Jak je iyoyiji'ni siuti janikimayi siunie asemijnaye, pejlati'n ni asjweye siu'neje ni asosik nayi wita'm ti jawoyeyi.

1 Pedro 3:21

Paka i'niat t'ipi, pak ti'yenajap pet ni i'nio' ti tiniejiena, naka'ne ti it'imina ti jijwaye 'nakayi. Siunie ti tiniejienapa je ka inlej niwa 'najwes, 'najata ti t'ajlajaje pi Sinia' siunie ijnosik ti ink'ie' ti 'najleje'n. Siu'neje ti kasjwajiet pa Sinia' ti kasts'isisi pi Saka'niona Jesús ti iniu kisie'e ti tajli pi a'no',

1 Jn 3:3

I'nio' ni je iliyi ti its'iujwink'iye siupi iyo pi Sijwajieti Jesús inilesanayiji pet k'iye niwa wask'i'nelaja'n je isis, iyoye'ate ti jla'am pi Sijwajieti Jesús ti 'es.