Santiago 4:5 - Sinia' Jlamtis 1994

⁵ Jak p'an je iyoyiji niwa Sinia' jlamtis ti kia'iyo: “Siunie sosik ti Sinia' yin siwa'm, nak wuj ti je iwi'in, 'yina ti 'namaja”.

Santiago 4:5 ပူးပေါင်းရင်းမြစ်များ

Juan 10:35

Ijiatjliyi, a'wena ti Sinia' yamite'e ti kia'iyo “diosists'ase'm” siupapo ijniejiet'ek'i ka injwe'el pet siupi jika'niye pi Sinia', jla'yi ti jlam je iyo niwa inamtis je takakiunieje.

Juan 19:37

Iyo 'neje 'ate niwa inamtis t'ipi, “Jla'am jan'yenisi'ni siukia 'yitisia'm.”

Juan 7:42

Ijwiljie'e niwa inamtis pak Sinia' jiliujwanik jantajla'm papo David, jla'yi ti ja ji'weta'a jana Belén, isi' siojona ji'wet t'ipi pi David.

Hechos 7:9

“Papoka siupapo Jacob jilis ti sitise'l t'ipi, a'tiejam'ni'ne pa ji'yinijis José. Iwinat'iyispe ti iwijna'm papo i'nio' tal Egíptojo. 'Yina José Sinia' yijap,

Romanos 1:29

Ijiate ti tipoyijits'i siuniwa je isis ti iyoyisi, jla'yi ti inisayisi ni siunie ti ijiate ti je 'esk'i, ti je tijnajyi, siu'neje ti ijiulsinaja'm pi jikiecha pi k'iejliyi pi i'wi'in, siu'neje ti ijiate ti netia'n siunie ti jlosik ti 'es. Siunie ti t'eliye ni jikiecha, siunapo kalankijietas, siunie ti je ilisa'n napo ijia, siunie yimi'n ti iliaki napo ijia, siunapo ti ijiateje ti inisayi ni jloski'la ti iyoyi, siunapo ti yiyijits'i'ni napo ijia ti iliaki.

Romanos 9:17

Siuniwa inamtis ijwil'neje siupa anechiyas t'ipi ti yiji japa ajnat Egipto, ti Sinia' kiak iyone ti ijwijla'm, “Ya'am ti awojwa'n anechiyasa'a'm, lapakawo ti awotajank'iye ka ti'wena siunie ijwiye naka ni siunie ekiaj'la, siu'neje ti awo ka intant'iejak'i wikie'eyi napo i'nio' yi' ape'e 'ni ajnat.”

1 Corintios 6:19

¿Jet'i 'najanayi paka awonayi ti siojona Sinia' jikimet ti 'es ti iwi'nase'm ni Sinia', janak ji'wet niwa 'assienis, jla'yi ti yi' aswa'am janaka Sinia' jikimet? 'Yina je askimet siojona as'wasankiye ti yi'ase.

2 Corintios 6:16

¿Ma 'est'iyiji ka injwel ka ijnol wita'm pa ka woyisi niwaka Sinia' ji'wuk siu'neje niwa jitiej iyoma napo i'nio? Iyo niwa Sinia' jlamtis ti iyo'ate ti kasjwel ti sa'am ti ji'wukts'e'm siunie Sinia' ti je paj ka 'na'al: “Jayoyi i'witaje jlamis, sek jayi'i jayikiajli'ni. Ja yama ti ja Jiniayeyisk'i'm, sek jayi'i jayo ika kia'lisa'.”

Gálatas 3:8

Ti pajk'i siuniwa Sinia' jlamtis ti paj ijwi'il ta'a siukia jawoyi ti Sinia' janlesajne'n siupapo je Judíojos ti ja ke inkakiuyis. Ijwilat'ijiampe pi Abraham siuniwa jlamtis ti isis ti iyo'ate, “Ka inlajk'i jant'eminajna'a napo i'nio' yi' ape'e 'ni ajnat ti ja wikie'eyeyi ti Sinia' jamp'elisijne'n.”

Tito 3:3

Ti pajk'i kassoski'lajne'n, je awoki kats'iukie niwa Sinia' jlamtis, akamak'iji'n. 'Yina ti 'loj siuniwa kasteliaja, sakeyis ti ijwienjli je k'iejliyik'i, niwaka'ne ti iyo jikipijnasats'e'm 'yina ti awak kiajwe. Wuj ti je 'es ki awoki; awoki ni solsijnieye; kasse'waja napo si'lijwas, kia'iyojliyisi pet ti ne'wats'e'm.