Santiago 4:4 - Sinia' Jlamtis 1994

⁴ ¡Ijiate wat ti asa'am ti je insisiek'iye ni Sinia'! ¿Jet'i 'najanayi ti siunie itiliaja niwak wask'i'nelaja yi'i 'ni ajnat teje'yi ilia'm ni Sinia'? Siuti po' ni iyo ka t'ajajnajwaye 'ni ajnat nak iyo pet ka inta'yi ilia'm pi Sinia'.

Santiago 4:4 ပူးပေါင်းရင်းမြစ်များ

Mateo 12:39

Jesús isiujlie ti iyo'ate: —¡Siu'nie jloma 'napo i'nio' ijiatayi'neje ti je 'esijiyi, siunie iniwonisi ti wuj ti je 'es, je pi iyoye 'ate ni iniwone napo ijia i'nio'! 'Yina ja ke 'wena janwoyi siunie iyoyisink'iye kan'wenis naka na iyot'iyipi ti ti'wenkinaja papo i'nio' siupa jloma yiji pa Sinia' jijwejlanik jiwo Jonás t'ipi.

Mateo 16:4

¡Siu'napo i'nio' siu'niwa jlomas ijiatayi'ne ti je isis, jla'yi ti kakiujnietas! Ti iyojonk'iye kan'wenis paka k'iejliyeyi ka ti'wenkinaja, ja ke 'wenayeyi siunie ja ti'wenakinaja naka ni siunie iyot'iyipi pa Jonás. Itime ti kia'iyo, ti yama ti tajla japo.

Mateo 6:24

“Je ti'wena pa ka intemisiet papo jika anechiyasas, kajeyepa janemi'n pa janjwanjli, ti siupa kiecha jane'waja, ni'ne ka je intajla pi jikiecha siupa jikiecha pak jantajla. Je 'najanayi paka wonayi ka ijiatayiji ka awoye Aska'niona pa Sinia', siuti inteliajayi niwa askijmatis ti ji'wena'.

Lucas 19:27

Jlampet siupapo je iyojon its'ioye ti awo anechiyasa', mayets'i'ni, 'nak enayi'i ka alanajyin'ne itieyi'i”.”

Juan 15:19

Siut'itie ka atajlayi ni ajnat jla'm ijiataja ka i'nama'ase pet siunapo i'nio' yi' ape'e 'ni ajnat, ka kiak inwonata'ase pit iyone siunapo ti iyojonk'iye. 'Yina ya'am ti akima'yase'm ti atajle kiowe'e siunapo yiji ni ajnat, jak je iyoyiji'ni ka je ine'wa'ase'm siunapo yiji ni ajnat, lapakawo ti 'wena'ase'm.

Juan 17:14

Pajk'i ti ajwejla'm siunie iyo niwa amtis, 'yina siunapo yi'i 'ni ajnat ne'wajasi, 'yaka je 'wet 'ni ajnat, iyoye'ate awo ti ya'am ti je i'wit 'ni ajnat.

Juan 7:7

Siunapo tajle ni ajnat je ne'wa'ase'm, kajeyepa ti lajk'ipa ka intajlat'ase'm, yo'otie ti ya'am akajanit'i ape'e siunie je 'es iyoyisi, it'imina ti ne'wajask'i'm.

Romanos 5:10

Tankiuniek'i ti pajk'i, jlam'ne je alekiji ti ataye ilia'm pa Sinia', je iyojliyi ti iyo ka kasts'isisi wita'm ti jla'm pakayik'i ti tiliana pa jlas Sijwajieti Jesús ti kasts'isisi. 'Nakayi tepa jawo ka kiak je iwoyi ti ja kasts'isisi ti jajwieye ti jatiajlajaja ni jlas Sijwajieti Jesús ti jla'am ti 'wasa'n, siuti ti je atayeja ilia'm.

Romanos 8:7

Jlampet siunapo ti i'nialkitk'i siunie ti itiliajask'i ka woyisi, napoka napo ti teje'yi ilia'm ni Sinia', kajeyepa ti tiwet'ianaja ka iwoyisi, jla'yi ti je its'iuyisie ki iyo nak Sinia' jika'neyasajnaye.

1 Corintios 1:20

'Yina, ¿tepi iyo jiat'eje siunie 'yije'en, siu'neje ni inka'neyasajnayewo, siu'neje ni initonit ti ijwi'il ka ijiatayiji ka 'naja'an 'ne ajnat'e? 'Yejne'n, ¡Sinia' initiajnat naka, iyonayiji ni iyone ti je tiwok lajaye ape'e 'ni ajnat!

1 Corintios 1:21

Kajeyepa siunie Sinia' ti 'yije'en, iyonayi ni iyone ti ijiate ti je yimink'i napo 'yijejne'n siunie iyo ni 'yijenisi pet, ka siunapo i'nio' yi' ape'e 'ni ajnat ka je 'najanisi, 'wanjliyi kan'wenis. 'Yina napokataja jla'am siunapo je takakiunisi niwa jlamtis ti iyo jlosik ink'ieye, ti je ijiulsijna'm ka 'esieyi niwaka jlamtis, 'nakayi ti janjwajyi'n, 'wanjliyi ka kia'iwo napo i'nio' ka je iwo lajaye naka inamtik.

Gálatas 1:10

Ji'we'en ti je nak ka iyojyi'n ka sonit papo i'nio' ti 'es ni isijmaye iyo, najata jla'am siunie awojyin'ni ka jlama jla'am pa Sinia' ka soniti ni isijmaye awone ka 'esie. ¡Yot'iyi'ni ka kiak je iwo ti, siuti jayojyi'n naka, ka sonit napo i'nio'! ¿Jot'e ka 'nok'i'm ti yam ti Sijwajieti jikawok'i'm?

Santiago 1:27

Siunie ijiat ti 'es ka woyi napo Sinia' jilis, 'najleje'n ni 'es ti iyoyi, lajk'ipa ka jit'iojliye jitieyi'i pa Sinia', niwaka: 'esiji ka noyeyeje napo kimpejnas, siu'neje napo ask'ilieki, ti jijliak'ali po' ape'e 'ni ajnat, jla'yi ka inilesaniji k'iye niwa wask'i'nelaja yi'i 'ni ajnat.