Santiago 3:4 - Sinia' Jlamtis 1994

⁴ Siuniwa kasejkana kia'iyo. 'Wanjliyi ka wujwa japa, 'wanjliyi 'neje ka wujwaja pa jlajwu, 'yina ti po' siojona jikie' jlase' jle' iyo'ate timón, janaka'ne ti isime napo jiwos siupa iyo ka nekiajli jana kasejkana 'yakaj'le.

Santiago 3:4 ပူးပေါင်းရင်းမြစ်များ

Mateo 11:27

Yiyik'i ti kia'iyo, sekyi'i iyo'ne 'ate: —Inia' yikialk'i wikie'eyi niwak wask'i'nelaja. Lajk'ipa ka nets'e ka ijiatayiji ka intant'ieje ni Jlas, ijwienjli jla'am ni Jinia' ti 'yijene pi iyone. Jla'yi ti lajk'ipa ka intant'ieje ni Jinia', najataja jla'am ni Jlas ti itiant'ieje, siu'neje napo iyo ni Jlas ka intant'iejeniti.

Mateo 8:24

Pa yit'iyipe jikiowe'e pa i'niat jlajlik'i ti yiyet'iyipi siupa jlajwutiok, ti pejla ijlinik'i. Siuti i'niat itiyejaja'm sekyi'i ijliena'ne ka 'no isia'm japa kasejkana. 'Yina Jesús imia'a pakayi.

Hechos 27:11

Siupa tokis jika anechiyas jakata jla'am i'ye'en ja kasejkanawo, siu'neje ja jikimett'eyijpe jlaja kasejkana, siojo iyone ja jitienkiujnieye. 'Yina ja Pablo yaka je tipe'yak, siukia iyotaja pet ti takajwejlantajam'ni japo.

Santiago 3:3

Ataj naye'yi siunie iyo niwa a'lentas. Ti awoki ka sama sa'am siupa ka iyonaja, nak it'imina ti awok jikiwet t'akaye, sekyi'i ti asakanaja siunie jayonaja ti awak'i ape'e.

Santiago 3:5

Kia'iyo ni sikiwet. Ijiate ti je 'esietajayi jiwa ni ts'isie'n, 'yina je iyojliyi ti initoniti ki iyo ti isinitieja'm siupi iyoyi. 'Yina siunie jwat ti t'otieja'm ni 'la'an. Je iyo ka je intej'we pi 'la'an ti je jlasiyeta.