Santiago 3:1 - Sinia' Jlamtis 1994

¹ I'lijwas, je 'esiji ka ijiatayi ka 'lojwa siunapo ti janiwojwana inka'neyasajnawosa', 'yina ti 'najanayi pi jiwonayi siuti sa'am ti 'eyasanaja'n napo i'nio' je ijiat ka Sinia' ke kas'ye'en siojona jloma ka netiejenie'e.

Santiago 3:1 ပူးပေါင်းရင်းမြစ်များ

Mateo 10:24

“Je ti'wena wek siunie i'nio' ti inka'neyasajnayewo ka t'eyasanik ka inka'm ape'e; jlampet siunie inkawo, kia'iyo je 'yaka'm ape'e pet siunie jika anechiyas.

Mateo 23:13

Jesús kiak iyonayi'ijyi 'ate: —¡Aswet'ia japoye ti Fariséojosts'ase'm, siu'neje ti asampet ti jiwosts'ase'm nak Moisés jika'neyasajnaye! ¡Ijnoski'lanajyi'n! Jip'onajia'm ni jika 'wuk kiwet ni Sinia' jika anechijiayas k'iye napo i'nio' ti iyotajas ka 'noyisi. Tiwet'ianaja ka asama wek pet ka 'oyeyi, ni'ne ka asama ka wenayi napo i'nio' ti iyoyistaja'ni ka 'noyisi.

Mateo 9:11

Siojopo Fariséojos, ti i'winayis iyoyis'ne 'ate, ti i'yase'n japo t'eyasajnas: —¿Yot'iyi'ni ni aska anechiyas ti isijwane siunapo isi'm ilia'm niwa inkat'ijnieyejes, siu'neje napo i'nio' je 'esijiyi?

Lucas 16:2

Jika anechiyas tani'ni pak i'nio', ijwijlam'ne ti iyo'ate, “Po' japo takajwejlank'i'ni ti ijwil je 'es ka akijme'n. 'Nakayi awojonk'iye ka 'wenkink'i'm siupa aka jlomas ji'wet ti jikimataja'n, sek jla'a ti jikijmen'nijiap.”

Lucas 6:37

“Ká alakiye napo as'lejwas pi k'iejliyi ti ji'wenayi, 'nakayeyijna'a ka Sinia' je inkajanitie'yi astepe'e pet siunie jiwoyeyi. Ká atajlatayi pa k'iejliyeyi ti ji'wenayeje pi akiecha. Sinia' ja ke intajlat'ase'm pet paka k'iejliyeyi siuti jiwoyeyi. Nip'elisinapi 'nakayeyipe pet ti Sinia' janwe'nase'm pet pi k'iejliyeyi.

Juan 3:10

Iyo'ne 'ate ja Jesús ti isiujlie: —¿Tepi t'i iyo ti jijwe'el je 'najane paka wone niwaka, ti a'am Israel jika kia'lis jika 'neyasajnawo'wa'm?

Hechos 13:1

Sinia' jilis ti yiji jlaja Antioquía po' japo Sinia' jijwejlanawos yiji, siu'neje japo inka'neyasajnawos. Japokajimpe japo Bernabé siu'neje ja Simón, siojo tiwonat'iyi'nijpe 'ate “Isiojwats'i”, siu'neje ja Cirene jlele Lucio, jla'yi ja Manaén, (jijniujliejwa pa Herodes ti iyo kia'lisa', siupa iyo anechiyasa'a jlaja Galilea), siu'neje ja Saulo.

1 Corintios 12:28

Ti Sinia' iyo ka ine'nik'i siuniwa ji'wetis napo jilis ti yikiajle ni jikijmaye, sekyi'i ti iniajnata napo ti iyojwa'n injlojwajnasa'; tomik'i ti napokaye pet napo injwejlanawos, siunapo ti ijwile pet pijia'm siunie iyo jana Sinia' jikimet, ti ijwijla'm napo i'nio'. Sekyi'i ti tomayik'i pet siunapo inka'neyasajnawos; siunapo ti i'winki'n siuniwa ti je yits'e japa ka jlomaye ka kia'iwo ka ti'wena'ni. Ijia napo 'yijene pi iyone ti ijwiejiete'n napo je isis; ijia napo ip'ilisi'n napo i'nio' Sinia' jilis, sekyi'i iniuyeje; ijia napo iniajnenk'iye napo ijia Sinia' jilis, ti iyoyi pi jikijmaye; ijia napo ti iyoyi siupuwa inamtis ti je tipe'yak.

2 Corintios 5:10

Kajeyepa ti ja lajak'i pa ka injwel ka in'yilta'n k'iye pa Saka'niona, ka inetiejenie'e siojopa jloma ka 'yenta wikie'eyi napo i'nio' siupi jitis iyo. Japakayeyi ti ja kasjwanjlajamk'i'ni siupa ja tiwonats'e pi iyo siupa titiajlatats'e'm, ti ja tenaja siupa awokt'iyipi ti awak'i 'ni ajnat, ka 'esiet'ipi ni'ne ka jeye.

Efesios 4:11

Jla'am ti iwijnamk'i napo i'nio' ni jijweye ti iyoyi ji'wajieta'. Po' napo iwijna'm ka wo jijliujwajnasa', ijia napo iyone jijwejlanawosa', ijia napo iyone inka'niye jiwosa', ijia napo ijniejiet'e kan'yenkina napo jilis, ti 'yiyasajne'n napo i'nio'.

1 Timoteo 1:7

Iyoyisink'iye pet ka jlamayis ka inka'neyasanisi ki Moisés jika'neyasajnaye, jlam'ne je itinisisk'i siunie yamtiyisi, ijwilis ka ijiatayi ka ijnewitejeje, siunie taka'neyasane.

1 Timoteo 2:7

Jak je iyoyiji ti Sinia' siwojwa'n jijliujwanik'i'm, ka ijwile ni siunie inka'niye napoka siunapo ti je Judíojos, ka 'yiyasane naka ni siunie intankiujnieye ti 'es, siu'neje ni ijiatk'i. Jlajme awoyi, ijiatk'i siunie awoyi.

2 Timoteo 1:11

Ya'am ti Sinia' jikawok'i'm ka ijwil 'nak jika'niye, jla'yi ti jijliujwanik'i'm, jla'yi ti iyo ka'yiyasaneje'n niwa jlamtis ti isis napo i'nio'.

Hebreos 13:17

K'iuyeyipe siunapo tijna'yase'm pet ti i'ye'nase'm, 'yina ká ani'najnata'yi ape'e napoka ti je yajapape ti i'ye'n astepe'e. Lapakawo ti je iyo'ate ka je 'najanisi paka iwonisi ti Sinia' jan'ye'en napo i'nio' ts'iji jlaja niwa jlomas. 'Yina 'esiji ka k'iuyeyi 'nakayi ti ja inkasaje'n ti kiak jawo. Jlampet ti kiak jawo ti ja ke ak'iuyeyi, jijliak'ali ja poye pet, 'yina jijwelat'e ka poye paka i'nesieyi.

Santiago 1:16

I'lijwas ti yimijna'yase'm, 'esiji ka wujwa ka 'yena' siunie jiwoyeyi.

Santiago 1:19

I'lijwas ti yimijna', ja ke inkiwaliye'yi siu'nie: siuti po pa jik'iuyeyi, 'esiji ka enayi 'ate; kia'iyojliyi siuti po' niwa jijwela', ke inesi'lie'yi; jla'yi ti ja ke ta'aja ka injwesisa'.

Santiago 3:10

'Wena je taj'le niwaka ti isis siu'neje niwa je isis samtis ni sikiwet. I'lijwas, nak wuj ti je 'es.

1 Pedro 5:3

Je 'es ka jwel ka amkatajayi ka ne akiajwe siunapo ti'yenkina'ase'm pet, ja 'wenajliyi ti jananayi k'iye ka woyeyi siunie 'es.