Santiago 2:8 - Sinia' Jlamtis 1994

⁸ Siuti je kalakijiena ti jiwoyeyi niwak Sinia' jlamtis ti 'yaka'm ape'e niwa ijia, ti iyo'ate, “Emi'n ni akiecha, wone 'ate iyo ti jininemi'n”, 'esiji ti kiak jiwo.

Santiago 2:8 ပူးပေါင်းရင်းမြစ်များ

Mateo 22:39

Siunie tomik'i 'yiniye ti iyo'ate, “Emi'n ni akiecha niwone 'ate jiwo ti jininemi'n.”

Mateo 25:21

“Iyo'ne 'ate pa anechiyas ti isiujlie, “Ijiate wat ti 'es ti kia'iyoyi, am ti 'yakawo'wa'm ti 'es, jla'yi ti ajosik po'. Siuti kia'iyo ti jilisaniji ni jwajla'a ti ekiaj'la, jayikiaj'la'm siunie ti ijiate ti 'etsaka ti ja'yena. Maj 'oyi ni siunie yi'i jana inlakijnieye, ti awo iliakijnieyeja'”.

Mateo 25:23

“Iyo'ne 'ate pa anechiyas ti isiujlie, “Ijiate wat ti 'es ti kia'iyo, am ti 'yakawo'wa'm ti 'es, jla'yi ti ajosik po'. Siuti kia'iyo ti jilisaniji ni siunie jwajla'a, jayikiaj'la'm ni siunie ti ijiate ti 'etsaka ti ja'yena. Maj 'oyi ni siunie yi'i ni inlakijnieye, ti awo iliakijnieyeja', janikanitiejk'i wita'm”.

Mateo 7:12

“Siunie inteliaja ka a'lejwas kiak iwo'naja, kiak jawonayi'iji pet napo a'lejwas. 'Yina niwak 'yijie'ne ni i'nio' ni Moisés jika'neyasajnaye, siu'neje ni jika'neyasajnaye iyo papo Sinia' jijwejlanawos t'ipi.

Romanos 13:10

Ni i'nio' jlemijnaye po' je 'yakajyi'n ni jikiecha. Ijiatjliyi, siuti kia'iyo, yimi'n ni jikiecha, ya'm ape'e siunie inka'neyasajnaye iyot'iyipi.

Gálatas 5:14

'Yina siuniwa Sinia' jlamtis ti tajla'm ni Moisés jika'neyasajnaye, ijwienjli yi'ne niwa ijia, siunie ti iyo'ate, “Emi'n ni akiecha, niwone 'ate ti a'am ti jininemi'n.”

Gálatas 6:2

Ká ajwankite ni akiecha ti po' pi yiyi. Noyeje ja inkiajatajak'i'ni ti kiak jawoyeyi. Siuti kiak jawoyi, ijiate nak jawoyeyi ni jika'neyasajnaye ni Sijwajieti.

Filipenses 4:14

'Esiji siunie jiwoyeyi, ti siliaye iniuk'i wita'm siunie iyo ni anilayiti.

1 Tesalonicenses 4:9

Jlampet naka asemijnaye ti jininemina' ti injwanjliyeyik'i ki iyo pa Sijwajieti, nak je awo ka yiyiji ka ijliuye'asem'ni, ka yi'ne ni ip'isinik, 'yina ti Sinia' pajk'i ti i'neyasanayi, jla'am pa Sinia', ka emina' napo as'lejwas,

Santiago 1:25

Jlampet siunie wuj ti i'ye'en niwa Sinia' jlamtis, jla'yi ti je ilijape, je isiwaliyi'i ti iyoyi, niwaka pet ti jantajleje ni jinikanitieyi. Tepa jawo ka kiak je iwo ti jijweye po' niwa Sinia' jlamtis, 'yijene pi iyone ka t'aka inlajnits'i napo i'nio'.

Santiago 2:12

'Esiji ka anilesanayiji, siu'neje niwa asamtis ni jiwonayi, kajeyepa ti asama ti Sinia' jan'yena ti jankajanitie siunie jiwoyeyi ti 'es, ni'ne ka je 'esie ni jiwoyeyi, niwakaye jla'am niwa jlamtis, jlam ti 'yakajli ka inlajnits'i niwa t'aka napo i'nio'.

Santiago 2:19

Ka jla'm awo wat ti jijwel pa Sinia' ti ijwienjli. Siuniwa imose'l kia'iyo 'yijene pi iyone, it'imina ti je 'yakakiuyis. 'Yina ti je ijwiyisie, kititiyeyik'iji'n.

Santiago 4:11

I'lijwas, ká amtiye napo as'lejwas. Siuti po' ni yamti ni jikiecha ti ijwil ti je 'es, ket'ijwel ka je niwakaye niwa Sinia' jlamtis ti yamti ti ijwil ka je inses. Siuti jijwel je isis niwa Sinia' jlamtis, jlam'ne ka ama ka woyi siunie iyo kawoyi, jinitojmata'aja a'am ti jijwel ka'ye'en, ka ajweye poye ape'e niwa Sinia' jlamtis.

1 Pedro 2:9

'Yina ti asa'am jla'am ti isi'mase'm ti iyo jika kia'lisa'ase'm. Asa'am ti pa'yijists'ase'm ti jiniuyeyeje ni aska anechiyas ti wuj. Asa'am ti Sinia' jika kia'lits'ase'm ti 'wena ijnotie'yi, ti jlam ti ya'mase ka jwela siuniwa isis jilisajna'; naka ti tana'ase ka atajlayi siunie ajnatiok, sekyi'i ti jawayejyi ni siunie jla'al jana kates ti wuj ti 'es.