Santiago 2:5 - Sinia' Jlamtis 1994

⁵ I'lijwas, asam ti yimijna'ase'm, k'iuyek'imna'a siu'nie jayo: jlam pa Sinia' siu'nie iyo ti ijniejiet'e pet napoka p'ijliusis ajnat'e ka inkasaja pet. Siuniwa jikijmatis niwaka siunie jitienkiujnieye ti 'es. Janekiajlayinie'e pet ni siunie ti pajk'i ti ijwi'il, ti ijwijla'm siunapo ti yimi'n ni Sinia', naka ti ja jikimitayis siunie jikimet ti iyo anechiyasa'.

Santiago 2:5 ပူးပေါင်းရင်းမြစ်များ

Mateo 11:5

Ti siunapo je t'ojni'n 'esieyiji ti t'iskiunk'iji'n; jlampet siunapo jiwatis jitio' po', kia'iyojliyi ka jwejlikie ti isis. Siunapo je tipechijyi'n, jik'iot tiojwa'l 'ajlak'iji'n 'nakayi; jlampet siunapo 'yajle'n, yapits'i pijia'm, 'wasajne'n. Siunapo i'nio' ti p'ijliusis tikiniejeje pet niwa Sinia' jlamtis ti isis ti tamtiki k'iye.

Mateo 25:34

Jantanayinie'e ni anechiyas siunapo jantom jijweyeje, ti janwone'ate, “Joniemit, siunapo Inia' pajk'i ti iwijna'm ni 'es ti ip'ilisi'n. Kima'yi ilia'm ni siunie ti jla'am pajk'i ti iwiakajlanit ask'ioye, tajlap'e ti 'nelanjie'e ilisanayi ni ajnat, naka ni jika anechijiayas.

Mateo 5:3

—Sinia' wuj ti ip'ilisijne'n siunapo itiant'ieje ti najata Sinia' jikap'ijliuskiye ti 'esi, jla'yi ti 'yijene pi iyone ti isitia'n naka. 'Yina napoka yiji pet nak jika anechijiayas.

Marcos 7:14

Jesús sekyi'i ti tanayi papo i'nio', ti iyone 'ate: —K'iuyek'i'm, tejnisiek'inie'e siu'nie jayo:

Lucas 12:21

Jesús yiyik'i ti kiak t'ipa iyoyeyipi: —Kiak iyo siunie i'nio' ijios niwa jikijmatis siu'neje ni jlak. 'Yina Sinia' naka ti iyone'ate, “Wuj ti p'ijliusie.”

Lucas 12:32

“Nijweyitie, asa'am ti iliajwasts'ase'm siuniwa 'wolepo' ti je in'lojwa, siunie Asna' wuj ti ipini'yase'm janwojwana anechiyasisa' ka awayetiejenie'e ni jika anechijiayas pet.

Lucas 16:22

“Yit'iyipe japa jloma ti 'yalat'ipi pak p'ijliusie, siupapo injlojwajnas poli jlele nami'ni ti ijioyiji pa Abraham ti yi'i pa Sinia' ji'wet. Siupa i'nio' inkaje' ti 'yalat'ipi pet, 'yina titijik'ne k'iye.

Lucas 16:25

Abraham isiujli ti iyo'ate, “Yas, atajkiamkiu' wunitk'i, ti in'wasa'n wujwat ti 'es kajeyepa ti jwajla'a je sitia'n. Jlampet ni Lázaro wuj ti je 'espe pet ni yiyi. 'Yejne'n siuti 'nak yi'i 'yakama, tijwajyi siukia jiwet'ia ti inilayiti, jlampet ti a'am jlejyi ni alaye.

Lucas 22:29

Siuti siwojwa'n anechiyasa ni Inia', kia'awo awojwa'n pet anechiyasisa'ase'm.

Lucas 6:20

Jesús jitiej yikiajlat'iyipi japo t'eyasajnas, sekyi'i iyone'ne 'ate: —Sinia' wuj ti imp'elisina ti asa'am ti imp'elisisa'. Lapakawo ti tijna'yase'm ni jika anechijiayas ni Sinia'.

Juan 7:48

¿Pot'e jiat'eje napo saka anechiyasas ti je 'yakakiu, ni'ne ka napokaye napo Fariséojos?

Hechos 7:2

Esteban isiujlie ti iyo'ate: —I'lijwas, k'iuyek'i'm, jla'yi ti asa'am ti kijilasts'ase'm. Sinia', ti ijnonisik, ini'wenkinat'ijiampe pa sitis Abraham ti yi'i japa ajnat jle' iyo'ate Mesopotamia, ti je yamjli'ijyi ka ne'yi japa Harán, ka iwo 'weta'.

Romanos 8:17

Ijiatjliyi, siuti sa'am ti jilists'e'm ja kasjwanaja'a pa Sijwajieti ti ja tiwenats'e'm siunie ti sikimet naka ni pajk'i ti ijwilts'e'm ni Sinia'. Siu'neje ti ja ijiatayi ti siliaye janoj wita'm pa Sijwajieti ni jijliak'ali iyo ka 'nakayeyi pet, siunie jiwunitieye ti 'es ka nesajap.

1 Corintios 2:9

Lajk'ipa ka tiwonaja, 'yina ti iyo'ate niwa inamtis t'ipi ti tijwela: “Napoka i'nio' ti 'namaja jla'am ni Sinia', napoka'ne napo ti iwiakajlanit k'iye siuniwa wask'i'nelaja ti je i'winis ka ne'yi japa jlomaye, jla'yi ti je ipi'yayisi, jla'yi ti je ti'wena ka jitiej inenisi'ni 'ate.”

2 Corintios 4:15

'Yina ti jlam kiak iyoyi, 'nakayeyi ti ja insisieyi ni iyo ni iwit'ia. Jak je iyoyi siuti kia'iyo ti je jlase' siunie iyo ni Sinia' jikap'ijliuskiye, ja ke piniye napo i'nio' ti jinikanitieyi janwene pi Sinia', siu'neje ti janwunitis.

2 Corintios 6:10

Sijliak'ali kaslajne'n, 'yina akiniejliyi wek ti kaskask'i wita'm. Kasp'ijliusis, jlam'ne ki iyo ti je pini' napo i'nio' ti akanitieje', ajwel ki iyo niwa jlosikis. 'Yiniye ka ijiatayiji ka lajak'iyi pa ka inets'e, jlam'ne ki iyo ti po' ni yits'e.

2 Corintios 8:9

Jlam'ne 'najanayi pi jiwonayi pa Saka'niona Jesús ti Sijwajieti siunie kiak iniwone, ti iniwojwa'n 'ate siunie p'ijliusie, jlam'ne ki iyoyetaja ti jwajla'a je isitia'n. Lapakawo ti ijiateje ti kasp'elisijne'n, 'nakayi ti ja'nesieyi siuti kiak iniwone astepe'e ti iniwojwa'n p'ijliusieja', jawoye pet 'ate siunapo ti ijiate ti jwajla'a je isitia'n.

Efesios 1:18

'Esiji ka Sinia' 'nakajanit jitiowiji ni asosik ja 'nakayi ti ja 'najanayi paka wonayi, jla'yi ka wujwa ka intant'iejayi siunie tanets'e naka ni sinijijwiye, siu'neje ki iyo niwa isis ti iwijna'm napo jilis, ti wuj ti ip'ilisi'n,

Efesios 3:8

Ya'am ti je ts'esijiyi, 'yaka'm itipe'e siunapo ti kia'iyo je isisijiyi pet Sinia' jilis ti ajyi. 'Yina je iyojliyi pi Sinia' ti ijniejietk'i'm siu'nie awoyi, ka lajak'i ni iyo ni jikap'ijliuskiye, yam ti sats'ilkaja ti akiji napo i'nio' je Judíojos niwa Sinia' jlamtis ti ijwil ni Sijwajieti ti jikap'ijliuskiye ti ijiate ti laja po' ti laj jlaja.

2 Tesalonicenses 1:5

Naka ti 'yakajanit ti ijiate ti je niliak siunie Sinia' jikijmaye iyone, ti i'ye'en ni i'nio' siunie jitis iyoyi, ka ijiatayijijna'a ti ja as'nayi japoye yi'i ni ji'wet ti iyo anechiyasa', ti naka ti it'imina siunie iyo ti wuj ti janilayitieyi siunie jloma.

1 Timoteo 6:18

Siuti jajloye, wone'ate, “Woyeyi ninta 'es. Siunie jiwoyeyi ti jwajla'a je sitiana, nak 'yenajiap siuniwa askijmayejes ti isis ti jawoyeyi. Ke enieja'm siuniwa askijmatis, pi jane'yi pet pa jawenajia'm.”

2 Timoteo 4:18

'Yina kiak iyo je ijiat ka je sijwajiete wikie'eyi siuniwa wask'i'nelaja ti je isis, jajnok'i'ni ti jan'yenk'i'm paj ka iyiyeyinie'e ni siunie jika anechijiayas ti yi' poliyi. ¡'Esiji ka jlam kiajatak'i'ni ni jiwunitieye iyo! Amén.

2 Timoteo 4:8

'Nakayi ti tiwakajlanitie ta'a its'ioye siojona akajli, siojona ti Saka'niona, ti jla'am ti tijna'yi siunie ti jan'ye'en napo i'nio', ti ijiate jla'am ti 'es, ti ja'yakajli ti anilesaniji, ts'iji ka netiejenie'e siojona jloma yi' jlaja. Ja ke yamkataja ti janwenk'i'm, kia'iyo janwejna'm wikie'eyi siunapo ti yimi'n, jla'yi ti je iliyi ti inijijwijyink'iye.

Hebreos 11:26

'Yina ti 'yiniye ka wo'ate, “Siunie ti i'nio' siliakiyetaja ti nak akk'i'ni ni Sijwajieti, awo'ate siunie jwajla'a i'wi'in.” 'Yina jikiowe je yapili'ni siuniwa wask'i'nelaja isis yiji jana Egipto, lapakawo ti kia'iyo jitiej iyoma siunie Sinia' jawoyi jikajaye ti janwejna'm.

Santiago 1:12

Sinia' wuj ti ip'ilisi'n siunie to'm ilia'm, jla'yi ti inilayiti siuniwa inkajejlasayejes ti iyo sijliak'aliye. Jak je iyoyi niwaka siunie ti je 'yakajle'n ni i'nio', its'iuyeja pet ji'wet'e, janak ji'wajiet jana in'wasankiye siojona Sinia' ijwijla'm napo i'nio', ti itiliaja kanwejna'm, siunapo 'namaja.

Santiago 1:16

I'lijwas ti yimijna'yase'm, 'esiji ka wujwa ka 'yena' siunie jiwoyeyi.

Santiago 1:19

I'lijwas ti yimijna', ja ke inkiwaliye'yi siu'nie: siuti po pa jik'iuyeyi, 'esiji ka enayi 'ate; kia'iyojliyi siuti po' niwa jijwela', ke inesi'lie'yi; jla'yi ti ja ke ta'aja ka injwesisa'.

Santiago 1:9

Isiecha siunie je initonit ki iyo ti yi' ape'e 'ni ajnat, 'esiji ka wujwa pet ka inkaja'a pa Sinia', siuti Sinia' ijiunit.

1 Pedro 1:4

siu'neje ka askimeta' siuniwa isis Sinia' iwijna'm napo iyo kamp'elisi'n. Siuniwa ti pajk'i ti iwiakajlanit ta'a ask'ioye yi' poliyi, siunie je ti'wena ka ino'we, jla'yi ti laj jit'iojliye, jla'yi ti je 'yojma'm ti 'es ni k'iejliyi.

2 Pedro 1:11

Sekjane'yi ka ijiatayijna'a ka 'ajla ask'ioye yi'i ni Saka'niona Jesús ti Sijwajieti, ti iyo anechiyasa', ti laj jlaja ti iyo anechiyasa'.

Apocalipsis 2:9

ti iyo'ate, A'we'en siunie ti ijiat ti jinilayiti siu'neje ni ap'elisieye iyo, 'yina awo'ate ti ya'am 'nakayi je imp'elisie. Ts'ajane pi awone ni siunie tiwona'a ti injwela ka je i'nes siunapo ijwil ka Judíojosa, 'yina jla'm iyoyisi; sitiejiejwa imosik jilis nak jla'm ijiate jla'am.

Apocalipsis 21:7

Siunie ti jantate isia'm niwaka ti teje'yi ilia'm naka janeyena'a jikiojyi wikie'eyi siuniwa ti jla'am ti jikijmatis. 'Yina ya'am ti ja Jiniayek'i'm, jlampet ti jla'am ja yasa'.

Apocalipsis 3:18

Tempi it'imina ti kiak awo'naja ti ajwe'la'm, ti awo'ate, Mayi siu'nie yik'i wikinie maja ti 'najli ti tajla'm ni jwat ti tilisanaja, ja 'nakayeyi ti ja ijiatak'i ti jwajla'a ja'we'en. 'Yina mayi 'neje siu'niwa lotakijnies lemi ti yik'i, 'nakayi ti japoye pa jap'one atepe'e, kajeyepa wuj ti ts'ajwej'la ti i'najleje'n. Sek jane'yi ka akieyijna'a siu'nie inkakie' yik'i, ti jatojnata'm niwa atate, sekjane'yi ka 'esieyijinie'e ka 'yen kisie'e.