Santiago 2:18 - Sinia' Jlamtis 1994

¹⁸ Ni'ne ka poye pa ti jawo'ate, “Po' napo i'nio' ti jitienkiujnieye po', po'neje napo ijia ti po' ni jikijmaye ti 'es”. Nak jayonaja 'ate ti jasiujlieje, ¿tepi iyo pit siunie ti jitienkiujnieye po', 'yina laj jikijmayeja' kawoyi ka 'esie? 'Yejne'n, ja'winki'na'm pet siu'nie awoyi ti itienkiujnieye po', lapakawo ti 'naka isijmaye ti 'es ti tajleje.

Santiago 2:18 ပူးပေါင်းရင်းမြစ်များ

Santiago 3:13

Siuti po' ni ti asa'am ti 'yije'en, jla'yi ti itiant'ieje siupi 'es siu'neje ni je 'es niwa wask'i'nelaja, 'esiji ka je inijweki ti jlam ti 'yakajli ti iyoyi ni 'es. 'Esiji ka je initoniti siunie iyo ni 'yijene.

1 Timoteo 1:5

Tempi it'imina ti ekiaj'la pet naka ti ajloye'a'm, 'nakayeyijna'a napo Sinia' jilis ka inenjlajap ni jlemijnaye ti tajla'm niwa jlosikis ti isis, jla'yi ka intajle siunie ti i'nialkitk'iyi ti jitiej iyoma pa Sinia' siu'neje ti jantajle ti ja lajak'i pa ka k'iejliyeyi paka jitiej wujwayisk'i ka iwo t'ajwejliye.

Santiago 2:14

I'lijwas, ¿tempa jankajliji ni i'nio' ti ijwil ka ijiatayiji ka intankiuni pi Sinia', siuti je 'yaka pet pi jikijmaye ka poye? ¿Jot'e ka nakaye ka injwajiet ti po' ni jitienkiujnieye?

Gálatas 5:6

Jak je iyoyi siunie ti ini'nopijieteje ni Sijwajieti, 'yina 'wanjliyi ka kia'iwo pa ka kiak tiwonaja ka t'isie'n jiwa tejwak'i, ni'ne ka lajak'ipa ka neyi naka. Jla'm ijiate jla'am siunie sitienkiujnieye ti 'es ti po' ti laja po', 'yina naka'ne siunie ti janwo asemijnayeja', ti ja ena'yi napo as'lejwas.

Tito 2:7

'Wenkina wikie'eyi siuniwa isis ti jiwoyi. Siuti jit'iyasanataja'n ká anijwekia'm ti i'nes jitieyi'i pi Sinia', jla'yi ti ijiate siunie jiwoyi.

Romanos 14:23

Jlampet siunie ti je 'yakaj paka jitienkiujnieye iwone, kawo'ate, “¿'Est'iyiji ka itiujw ni'ne ka jeye?” Jak je iyoyiji siuti itiujwata jitis po', kajeyepa ti je 'yakaj paka iwone pi jitienkiujnieye. Nak ajwe'el ti awo'ate, wikie'eyi siuniwa ti je tajle siunie inkiowe ni 'es, nak inke' pet.

Hebreos 11:31

Jlampet siojopa i'nioki ijia jwa'yis jiwoki siojopa jle' iyo'ate Rahab, ti kia'iyo je 'yakakiu pa Sinia'. 'Yina jiliaye je iniuyi wita'm siupapo no'we ti tilianaja'n ti kakiujnietas, lapakawo ti jla'am i'mieniti'n siupapo Israel jika kia'lis ti ijwikk'iji'n siupapo Josué jikawosjimpe.

Hebreos 11:33

'Yina naka 'neje, siuti je 'yakakiuyis pa Sinia' it'imint'iyijpe ti ijia je itieyi siupapo yijits'i puwa ijia ajnatis, 'yina siupa iyone papo ijia tijnajyi, siu'neje ti yi' jikiojyi siupa Sinia' ijwijla'm, siu'neje 'yitiamk'i siupuwa jikiwitawa puwa k'iwajlas t'ipi,

Hebreos 11:6

'Yina awo'ate ti siunie i'nio' jikakiujnieye po' nak je 'yakajli pet ka ijnonit pa Sinia'. Kajeyepa ti siuti jawo ka ijnoyi pa Sinia', je 'esiji ka inkakiuni ti ijiate pi Sinia' ti po', siu'neje ti je 'wena paka intajle siunie 'es ti iwijna'm siunapo ti iyojonk'iye ka'we'en.

1 Corintios 13:2

Ent'a ja yama siunie ti iyo'ni jika'niyejayi napo ijia Sinia' jilis ti yameje siupi iyo janak Sinia' jikimet; jla'yi ka ts'ajane paka iyone siunie yiji ni Sinia' jlosik siupi iyo kawoyi; siu'neje ti ts'ajane wikie'eyi niwa wask'i'nelaja; jla'yi ka ijiatayi ka itienkiujnieye poye. Ka ts'ajane paka iyone ka itiajla'nik'i niwa tikijnakiyis siuniwa ji'wetis, 'yina ti ja laja yimijnayeja', siliejk'ipa ti ya'am.

Romanos 3:28

'Yina kiak iyoyiyi, Sinia' je nak inka'neyasajnaye kant'emina ka injloyi ni i'nio' ka inlesajne'n, 'wenajliyi jla'am siunie ti laj jikakiujnieyeja' naka ti Sinia' ilisajne'n pet.

2 Corintios 7:1

I'lijwas ti yimijna'ase'm, kia'iyo siuniwa ti je niliaja ti Saka'niona ijwilts'e'm ts'ijiye. It'imina ti janisiamaki ti janilejek. Jalijik 'niwa ts'ajwes, jla'yi ki iyo niwa sikiojwa'l. 'Yina janinayeje wita'm ti janilesanaja'n jitieyi'i pi Sinia', jla'yi ti wuj ti ja ijiuskiyeje.

2 Corintios 5:17

Jak je iyoyi ti po' siunie ti inijwankitik'i pi Sijwajieti, ika pet ti ink'ie', siunie jilisanik ti ink'ie'. 'Yina siuniwa wask'i'nelaja paj yam'niji. Poye pet siuniwa wask'i'nelaja ink'iejyis 'nakayi.

Romanos 8:1

Siunapo i'nio' napo ini'nopijieteje ni Sijwajieti Jesús, napok 'yaka pet ti laj jitisa'.

Romanos 4:6

David kia'iyo yamtiyi naka siunie 'es ti Sinia' iniuyeje naka ni ilisajne'n jla'am, 'yina je nak ka int'emina ni siunie iyoyi ti 'es jikijmaye ka Sinia' in'yene.

Romanos 9:19

Ent'a japoye pa jawo'ate, “Siuti kia'iyo ni Sinia' iyo, 'yina ti ja lajk'ipa ka intomik'i'ni siunie iyo ka wo, ijiatjliyi ¿ten jiat'eje siupa Sinia' jantajlata ni i'nio'?