Santiago 1:4 - Sinia' Jlamtis 1994

⁴ 'Esiji ka wujwa ka anilayitieyi siunie iyo niwa ijio'wase'ni, 'yina je ijiat ka je inets'i ni jlaj yi'i, sek jane'yi ka jiwekiejana'a ka ama'yi ape'e siunie iyo ni ijiate ti 'es. Jlajma ka awoyeyi ti ja inwakajla, ja lajk'ina'a pa ka asetiana'.

Santiago 1:4 ပူးပေါင်းရင်းမြစ်များ

Mateo 10:22

Siuti asa'am ti jiniamajyin'ni ijyik'i, ja wikie'eyeyi napo i'nio' ti jane'wa'ase'm. 'Yina siunie i'nio' jitiej ja ke inla'ne, jajnok'i'ni paj ka neyeyinie'e ni jlaj yi'i, naka ti janjwa'.

Mateo 19:20

'Yina iyo'ne 'ate jak jwemik: —Siuniwa jijwelk'i'm atej'weje'n. ¿Tepa yi'i siupa netia'n kayoyi?

Mateo 5:48

Siunie iyo ni Asna' yi' poliyi ti 'es, kiak niwonayi pet.

Marcos 10:21

Jesús siupi jitiej iyone ti i'yejne'n, 'yakaja'a ti yimi'n pak i'nio', sekyi'i ti iyonayi 'ate: —Ijwienjliyi siunie jinia'yi. Maj, wen'ni wikie'eyi siuniwa yi'a akijmatis, sek jane'yi siojopa ja lajaye jawenajamna'a pet napo p'ijliusis. 'Yina je ijiat ka je ajwos pet niwa ja akijmatisa ts'iji poliyi. Sek jane'yi ka namana'a, ti ja najmin'ni ijyik'i pa jajiojwi.

Lucas 18:22

Jesús ti ipi'ya ti kia'iyo, sekyi'i iyone'ne 'ate: —Mawat ijwienjli ni netia'n. Wen'ni siuniwa wask'i'nelaja niwa ji'we'en, tej'wena'a siojona ja lajaye ka wenajamna'a napo p'ijliusis, jane ts'ijiye niwa akijmatis poliyi. Ka jla'm ijiatayijna'a ka naj, ka anamana'a ijyik'i.

Lucas 21:19

¡Jwajla'a paka woyeyi 'nakayeyijna'a ka 'yakana siojona jla'm ijiate jla'am ti as'wasankiyeja'!

Lucas 8:15

Jlam'ne pet siupuwa inseliaki ijniuj'li pa ajnat ti 'ejts'i, napoka siunapo i'nio' ti ijiate ti 'es ti isi'm ilia'm jla'yi ti iyoyi niwa Sinia' jlamtis, jla'yi ti its'iuyeje ni iyo. Jlam sek iniujliye'e pet siunie 'es ti iyo jlaye, siupapo tajla'm.

Juan 17:23

'nakayeyijna'a pet ti ya'am jayiji ti jlamis, jlampet ti a'am jle' ijiap, sekjane'yi ka ijiatayijijna'a siunie iniwonisi ti iniwo'om. Siuti kiak jawo, ka intant'iejayijna'a napo i'nio' ti ya'am ti sijliu', jla'yi ki iyo ti wuj ti i'namaja siunapo jiwenk'i'm, iyo'ate pet ti semi'n.

1 Corintios 2:6

Jlampet ti amti'yi napoka ti paja ni jitienkiujnieye ti 'es, akienayiji pet niwak, siunie iyo ni 'najankijnieye. 'Yina je taj'le 'ni ajnat, ni'ne ka intajle niwaka siuniwa injweyejes ti isie' ape'e ti iyo jikimeta' siu'nie ajnat, 'yina ti ja jlaj japoye niwaka.

Gálatas 6:9

Nak it'imina ti kia' awoyi, ti awo'ate ja 'yakatataja ti janaja ni siunie 'es. Kajeyepa ti siuti jwajla'a jayoki, ja akajlajyi siunie 'es ti tajla'm siunie sikijmaye, ka netieje janak jloma.

Colosenses 4:12

Askiecha Epafras, Sijwajieti jikawo pet, itijwi'lase. 'Yina jla'am ti ini'net'i astepe'e ti 'najlanayi'ni pa Sinia', ka je aleyeyi ka k'iuyeyi siunie Sinia' iyo ka woyi.

1 Tesalonicenses 5:23

'Esiji ka Sinia' siunie tajle ni jikamankiye, ka wujwa ka inlesana', ka insisie, kan'yena ni asosik jla'yi ki iyo niwa 'asjwes, jla'yi ki iyo ni astankiujnieye, ja 'nakayeyijna'a ka lajak'ipa paka astes iwo ka i'nesta pi Saka'niona Jesús ti Sijwajieti ti janapimet.

2 Timoteo 3:17

jla'yi ti iyo jlosikie' ni i'nio' Sinia' jikawo, jla'yi ti 'yiyasa'n, 'yina wakal je tejeyiji'ni ka woyi siuniwa isis ti iyoyi.

Santiago 1:5

Jane'yi pa ti asa'm ti jawo ka 'naja'n pet, 'esiji ka 'ajle pa Sinia'. Siunie jasetia'n Sinia' janwe'na'm. 'Yina Sinia' je yijna'm wikie'eyi napo i'nio' ti t'ajla pa k'iejliyi jla'am iyonayi pit, 'yina ti Sinia' jwajla'a je isitia'n.

Santiago 3:2

Awoyi ti kajeyepa ti je ijwienjli paka je inkameje'n siunie iyoyi, kaswikie'eyi. Jlampet siunie ti je 'yakajme'n siunie iyoyi, nak ijiate ti 'es ni i'nio', nak 'yijenayi pi iyone pet ti to'm ilia'm ni iyo ni t'isie'n.

1 Pedro 5:10

'Yina ja ke ijiatayi ka je inek 'nijiye, je itioyi'i siu'nie yi'ase ti jinilayitieyi, Sinia' janwe'nase'm siunie as'nayi ti 'es, janwe'nase'm ni asjweye ti ink'ie', jla'yi ti ja ke tikiwita'asemna'a. 'Yina ti jla'am wuj ti 'nama'ase jla'am ti ta'nase ka ayejyi pit ni iyo ni jijweye, ti laj jlaja ti jleyejiap pi Sijwajieti Jesús.

2 Pedro 1:9

Jlampet siunie je yiyi niwaka, ajwel'ni iyoye pet 'ate siunie i'nio' jitiej je tojk'i, ni'ne ka ijniejietk'i siunie talok, ti isiwaliyi'i ti pajk'i ti tinitiajnata k'iye kiwa jikeyis.