Romanos 3:3 - Sinia' Jlamtis 1994

³ Ent'a po' 'neje pi iyo'ate, “¿Tepat'e janwo ka kia'iwo ka poyeta papo ka inleyi ni 'es? ¿Sinia' kiakt'e jawo pet ti janleyi papo i'nio'?”

Romanos 3:3 ပူးပေါင်းရင်းမြစ်များ

Mateo 24:35

Siunie poli siu'neje 'ni ajnat janetia'n, 'yina jlampet niwa yamtis ja ke paja ka inetia'n jla'am.

Juan 1:16

Laj jlaja ki iyo siunie iwints'e'm ti ipijlatine sitipe'e ti kasp'elisijne'n,

Romanos 10:16

'Yina je wikie'eyi ka iwoyi nak inka'niye, iyo'ate iyot'iyipi pa Isaías ti iyo'ate, “'Yaka'niona, ¿tempa je kaskakiuk siunie iyo ni ajwela?”

Romanos 11:29

Je'ne ka je 'nakaja siunie Sinia' iyoyi. Siunapo iyo ka inki'mik'i napok isima'ak'i, siu'neje napo iyo ka inoyeje napok iniuyeyeje'eje.

Romanos 9:6

Jlampet siuti awo'eje 'ate, “Siupapo Israel jika kia'lis ja ke ijwajyi'n”, 'yinit'iyijpe ka je ijiatk'i siupa iyo'neje ti ijwijla'm siupapo jitise'l. Jlam'ne je kiak iyoyi. Jlam'ne ki iyoyi, ti siunapo Israel jilis ti tomik'i pijia'm je wikie'eyi ka ijiatayiji ka papokaye ka intajla'm papok Israel jika kia'lis.

2 Corintios 3:18

Jak je iyoyiji pet ti sa'am je awokie 'ate ti pajk'i ti po' ki ip'ionk'i ape'e 'niwa sitiokiolis ti kaswikie'eyi. Awok'iate siojona ti'yenaja, jlampet siunie Saka'niona jla'al itie siwa'm. Jak je iyoyiji jlam yamjli, yamjli siunie jla'al ti kaswats'ilati, siunie iyo ni jipel jla'am. Lapakawo ti siunie jla'al ti je tal sajap, 'yina ti Saka'niona jla'am ti siojona Sinia' jikimet, it'imina ti kiak iyo naka.

2 Tesalonicenses 1:3

I'lijwas, ajwelta ka jlam je iniwonaja ti sinikanitieyi awenaja'ni pi Sinia' astepe'e, 'yina ti je niliak kiaka ki jiwoyeyi siunie astankiujnieye ti 'es, jla'yi ni asemijnaye ti jlena'yi napo ijia as'lejwas 'neje, jlam yamjlijyi'n pet.

2 Timoteo 2:13

Jlampet ti je ijiatk'i siunie awoki, jlam je paj kanleyi siunie iyo, ni'ne ka jikiecha 'noti siunie iyoyi, kajeyepa je ti'wena ka kiak iwo ka inilaki ka aniwojwa'n sintiye.

Hebreos 4:2

Kajeyepa ti kiak awoki ti tiwok saka'niyejats'i ti tijwelats'e niwak Sinia' jlamtis ti isis, iyot'iyipi papok i'nio' ti tijwelaja. 'Yina siupi its'iuyistiejesi je isisiji'n, kajeyepa ti je iniwome siupapo ti ijiate ti jitienkiujnieye po' ti iyoyi.