Romanos 1:3 - Sinia' Jlamtis 1994

^3-4 'Yina je 'wena paka injwe'el, naka jlas Sijwajieti Jesús ni Saka'niona, siunie ti je istiejenit ti kia'iyo i'nio', naka ti je 'wena papo ka intajle, tajla'm papok David jilis ti tomik'i pijia'm. Jlampet siunie ti 'yakajanit'i ape'e ti jla'am ti Sinia' jlas, naka pet ti Sinia' jikimet yijap, siu'neje ti iniu kisie'e ti tajli ki a'no', je lajk'i 'ni iyo ni Sinia' jijweye ti je jlase'.

Romanos 1:3 ပူးပေါင်းရင်းမြစ်များ

Mateo 1:1

'Niwak jleyis papo tajla'm t'ipi pet ja Sijwajieti Jesús, ti tajla pet pa David, 'yina David tajla pet pa Abraham:

Gálatas 4:4

Jlampet ti yiyeyi siukia Sinia' yitijni, sekyi'i ijliu'ne pi jlas, yiji'n ti tajla'm japa i'nioki yits'iji, jla'yi ti iyoyi siupi iyo ka tiwoki pi Moisés jika'neyasajnaye.

Juan 1:14

Siunie inamtik ti iniwojwa'n i'nioye, yisajap. Je jlase' ki iyo ni jlemijnaye ti po'o, jla'yi ki iyo ni ijiatk'i ti yiyi. A'wena ki iyo ni jla'al ti wuj ti 'es, jla'yi ni jle' ti wuj, ti jlamkata ti tekiajlaja, 'yina kajeyepa ti jlam ti Jlas ijwienjli pi Sinia'.

Juan 1:49

Natanael iyo'ne 'ate: —Inka'neyasajnawo, ¡am ti Sinia' Jlajts'a'm, sa'am ti Israel jika kia'lits'e'm saka anechiyasts'a'm!

Lucas 1:35

Injlojwanik poli jlele isiujlie ti iyo'ate: —Siojona Sinia' jikimet ti 'es jana'm atepe'e ka 'nesta, ti jajno'wa, sekjane'yi ni jijweye ni Sinia' ti wuj jantej'w atepe'e 'yiniyijna'a na pe'el. It'imina ti kiak ja jleye naka kia'le kanetiejena'a T'otata, siu'neje ni jikiecha ni ja jleye Sinia' Jlas.

1 Tesalonicenses 1:10

Kia'iyo injwela ti jinijijwijyink'iye pi jlas pi Sinia', ti janapimet ti jantal poliyi. Paka Saka'niona Jesús ti Sinia' jlam ti iniujwat kisie'e ti tajli pa a'no'. Jesús paka ti kas'manit, kajeyepa ti ajwayeje siunie Sinia' jiwak siunie jana'am.

Romanos 9:5

Papok jitise'l t'ipi pet papo Abraham jilis, sekyi'i siupa tajla'm siupapo jilis pet ti tomik'i pijia'm paka pet pa Sijwajieti, siupa ti Injwajieti ti Sinia' jijliujwanik. ¡'Esiji ka tiwunitie pa Sinia' jajnok'i'ni, ti jla'am ti isie'e wikie'eyi siuniwa wask'i'nelaja! Amén.

Juan 20:28

Tomás iyo'ne 'ate: —¡'Ni Inia', 'Yaka'niona!

Juan 10:30

Siunie Inia' jla'yi ti ya'am kasjwanjli.

Mateo 1:16

'yina Jacob paka pet pa José jinia'. 'Yina pa José paka t'ipi pa María k'iemjla, sekyi'i pak jlas'ne pet ja Jesús pa Cristo, ti iyo'ate, Injwajieti ti Sinia' jijliujwanik.

2 Timoteo 2:8

Ataj enayijpe 'ate ti Sijwajieti Jesús iniu kisie'e ti tajli pi a'no', jla'yi ti jla'am ti tajla'm papo David jilist'ipi. 'Naka'ne siu'nie ti awoyi'ni yamtikie',

1 Corintios 1:9

Siupi k'iejliyi ti ijwijla'm napo jilis 'yina je 'yaka'm ape'e, jla'yi ti jla'am ti isi'mase'm ka ni'nopijietayiji ni Jlas Sijwajieti Jesús, ti Saka'niona.

Hechos 2:30

David injwejlanik jiwojimpe, it'imina ti 'yijene ta'a pi iyone siupi jitieyiji, kajeyepa ti Sinia' ijwijla'm ti iyo'ate, “Jayone anechiyasa' pa janjwanjli napo ales ti jantal aswa'am.”

Juan 20:31

Tepa jawo ka je tenaja ti nakaye ti jant'emina ka je akakiuye ja Jesús, ti ijiate ti Sinia' Jlas, Injwajieti ti Sinia' jijliujwanik, 'nakayeyijna'a ti ja'wena' jana as'wasankiye ti t'o'n, siunie ja ke inkakiu.

Juan 10:36

'Yina kia'awo'ni pet, Sinia' sot ta'a 'niji ti silisa'n, ti sijliuye ajnat'e. ¿Yot'iyi'ni ti jijwela' ka iliaki pi Sinia', ti anijwe'el ti awo'ate “Sinia' Jlask'i'm”?

Juan 5:25

Ijiate, ijiatk'i siunie jayo ti jajwi'lase'm, ti po' siojona jloma siujlie'e awakieja'm, ja wikie'eyeyi napo i'nio mases t'ipi ti pajk'i ti 'yajle'n jampe'yayi ni jla'lap ni Sinia' Jlas. Siunapo jampe'yayi napok 'wasanajana'a.

Lucas 1:69

Ijliuts'e ni Sijwajieti ti wuj ti t'on'ni, jikawo jla'am siupa David t'ipi jika kia'le ti tomi pijia'm.

Mateo 27:43

Jla'am ti jitiej iyoma pa Sinia'. ¡'Esiji ka Sinia' injwajiet 'nakayi, siuti jawojonk'iye! Ijwilpe'eje jla'am ti Sinia' Jlas.

Mateo 26:63

Ijiate Jesús je isiujlie. Yikiajle'e 'neje ja pa'yijis jika anechiyas ti i'yas'ni ti iyone 'ate: —¡Siuti awak'ne, jitieyi'i pa Sinia' ti jla'am ti je paj ka inetia'n, awoktajank'iye ka ajwelts'e'm siunie ijiatk'i! ¿Ma amt'e siunie Injwajieti siunie Sinia' jijliujwanik? ¿Ma a'm Sinia' Jlajts'a'm?

Mateo 15:22

Po'ne siujlieja i'nioki ti yiyeyi jlajak ajnat Canaán jleliki ti iyo 'weta'. Ijioyi ja Jesús ti iyo'ate ti 'yakets'ijiap: —¡'Yaka'niona, David jlas, sip'elisin wata'a! ¡Yase' jlaja jitiej je 'es! ¡Wuj ti je 'es!

Mateo 12:23

Yisi'liet japo i'nio', sekyi'i ti kiak iyoyeyisi 'ate: —Je 'yu'we ka je 'nakaye 'ni Injwajieti ti Sinia' jijliujwanik, ni David jlas.

Mateo 9:27

Jlampa Jesús tajla'aja seka'a, times japo talojo' ijia'an. Tanak'i wita'm ti iyonisi 'ate: —¡David Jlas, kasp'elisijne'n wata'a!

Mateo 3:17

Sekyi'i ti pesiejat'iyipi pak ina'lap ti tom poliyi ti iyo'ate: —'Nak siu'nie yas ti yiminik, wuj ti ts'ajka'a.

Mateo 1:6

sekyi'i Isaí paka pet pa anechiyas David jinia'. 'Yina David paka pet pa Salomón jinia', Salomón jlet t'ipi pet japa Urías jik'iemjla.

Apocalipsis 2:18

'Yina kiak iyoyi'ijyi 'ate: —'Ete'e kiu'ujwe siu'nie ti jatajiete ni jijliujwanik napok Sinia' jilis jana isi' Tiatira: “Iyo ni siunie Sinia' jlas, siunie ti jitiete niwa iyo'ate ni jwat ti yat'e ni jla'al, siu'neje niwa jisietis ti intaj je ijwi'yi, iyo'ate siunie wikinie maja ti t'onk'i ti tiliena ape'e siunie jit'iojli.

2 Juan 1:7

Je jlase' siunapo i'nio' ti iniu ape'e 'ni ajnat ti je ijiat paka injwelis, ka inekisi kanjwelis pi Jesús ti 'nes t'ipi ajnat'e ti iniwojwa'n i'nioye. I'nio' ni kia'iyo, nak i'nio' ti ijiuski'la'n, Sijwajieti jitiejiejwa.

1 Jn 5:20

Siunie ti 'nes t'ipi pi Sinia' jlas, ti kastant'iejeniti pi Sinia' ti ijiate jla'am ti Sinia' kiak iyojliyi. Kasjwanjliyik'i siunie ti ijiate, ajwe'el ni jlas Sijwajieti Jesús. Jla'am ijiate jla'am ti Sinia', siu'neje ti in'wasankiye ti t'o'n.

1 Jn 5:5

I'nio' ni je 'yakakiu pi Jesús ti jla'am ti Sinia' jlas, nak toma ilia'm pet ki iyo ni yi' ape'e 'ni ajnat.

1 Jn 5:1

I'nio' ni je 'yakakiu pi Jesús ti jla'am ti Sinia' ijliu' ti Jijwajieti napo i'nio', nak ijiate jla'am ti Sinia' jlas. Siu'neje ni yimi'n ni i'nio' jilis po'o, kiak janwone'ijyi pet siupapo jilis janjwane'e ti janemijne'n.

1 Jn 4:15

I'nio' ni iyo'ate, ti je 'yakakiu, “Jesús jla'am ti Sinia' jlas”, nak i'nio' yiji pi Sinia'. Sinia' kia'iyoyeyi pit yiyeje pi i'nio'.

1 Jn 3:23

Siunie ji'lij ti iwints'e'm naka ti iyotajank'iye ka je 'yakakiuk pi jlas Sijwajieti Jesús, siu'neje ti iyotajank'iye ka inikimaja siunie inemijnaye, iyo ti ijliutiejets'e'm.

1 Jn 3:8

Jlampet ni i'nio' ni iyo ni jike', kia'iyojliyi je int'ayiji'n ti naka tajle pet ni imosik. 'Najanayi, siunie imosik tajlap'e ta'a ti 'nelanjie'e ti iyo ni jike'. Naka ti it'imina ti 'nes ajnat'e siunie Sinia' jlas, ti initiajnate'n siunie jikijmaye iyo ni imosik.

1 Jn 1:3

Ekiajlayi'iji ti awo'ate awoki samtikie'ase naka siunie a'wenape jla'yi ti ape'yak, 'nakayijna'a ti ja kasjwanjliyik'i siunie awoki, jawoyena'a 'ate awoki pet ni Sinia' jla'yi pi jlas Sijwajieti Jesús ti kasjwanjliyik'i.

1 Timoteo 3:16

'Yaka ti je jlase' ki iyo ni siunie je akakiunieje. Sinia' 'yakajanitts'e'm sa'am ni siunie ti 'es, ti iyo'ate: Sijwajieti ti inikajanitie, iniwojwa'n i'nioye, jlampet ti Sinia' iniujwata kisie'e, ti tajli ki a'no', 'yakaja ape'e pet ti Saka'niona, injlojwajnas poli jlele i'wi'in, sekyi'i ti tijwelajayi pet ape'e wikie'eyi napo i'nio' ti yi' ape'e 'ni ajnat. Ijiate je takakiunisi, siuti tikiniejayi 'niji poliyi, 'yina sekyi'i ti isima ilia'm, siunie 'es ti tiwunitie.

Romanos 1:9

Sinia', siunie ti awoyi'ni yamtikie' ti ajwe'el ni jlas, ti anayi wita'm 'ni ijiusik ti anoyeje, si'we'en ni awoyi ti je aleyi ti je sikiwali'ase'm ti 'ajlana'ni.

Hechos 9:20

Ijioyits'i puwa Judíojos t'ajla'wetis, ti ijwijla'm papo i'nio' ti Jesús pak Sinia' jlas.

Hechos 8:36

Yamat'i'nijpe, yiyisi siupa yi'i japa i'niat, sekyi'i ti iyo'ate pak i'nio': —Siujlie'e i'niat. ¿Tempa jantomi'ni ijyik'i ka siniejiena?

Hechos 3:13

'Yejne'n, Sinia' siukiapo sitise'l Abraham jla'yi pa Isaac siu'neje pa Jacob Jiniayis t'ipi iyunit ni jikawo Jesús, nak ijwiejiet siu'nie i'nio'. Jlekiajlayipi napo i'nio' anechiyasas, Pilato ti anechiyas, jlampe ti iyotaja ka jikio' inla'ne, 'yina je woyeyi asa'm ti askio' alana'yi.

Juan 7:42

Ijwiljie'e niwa inamtis pak Sinia' jiliujwanik jantajla'm papo David, jla'yi ti ja ji'weta'a jana Belén, isi' siojona ji'wet t'ipi pi David.

Juan 1:34

“Pajk'i ti a'we'en 'naka i'nio'. Ya'am ti akajanit'i ape'e ti 'naka Sinia' Jlas.”

Romanos 4:1

'Yina, ¿tepi iyo pa Abraham, ti Judíojosts'e'm ti pak atajlaja'm? ¿Ten siupa 'esi?

1 Corintios 10:18

'Yejne'n siupapo Judíojos ti itiuwis siupuwa insejna' ti titiejietajape pet pa Sinia' ti tonitiejata, nak kia'iyo ti iniwo'om papo i'nio' kajeyepa ti inijwankitisk'iyi siuti ti'yekiujni'n, kia'iyo inikijwa'n.

1 Timoteo 2:5

Sinia' ijwienjli, jla'yi ti ijwienjli ni siunie i'nio' ti itionk'i wita'm napo i'nio' siu'neje ni Sinia'; naka ni Sijwajieti Jesús.