Mateo 9:26 - Sinia' Jlamtis 1994

²⁶ 'Naka siu'nie Jesús iyoyi ti ijwiejiet jlajak jlosie, itijwaja'ni jlajak ajnat ti ti'niejenaja pa tiwonaja.

Mateo 9:26 ပူးပေါင်းရင်းမြစ်များ

Mateo 4:24

Jesús jle' itijwi'ni siujlieja ajnat Siria, ti t'ijieyeje. Tiniamajaja'ni siupapo ti wuj ti inilayiti puwa iyot'iyipi puwa jikie'el ti je ijwienjli, siu'neje papo imose'l iliaki, siu'neje papo jitiej je isis, siu'neje papo je t'ojni'ni, je iyo ka je injwajiete'n.

Mateo 9:31

Je 'esiji jla'am ti iniuyek'i kisie'e, ijwilajamk'i papo i'nio' siojo Jesús iyo, paj ti itijwaja'ni jlajak ajnat.

Marcos 1:28

Jesús siuti t'ijieyijayi siupi iyo, ta'a ti itijwi'n ape'e jlajak ajnat Galilea.

Marcos 1:45

Siuti yama pak i'nio', 'yina 'yaka'm ape'e siupi tiwonataja, sekyi'i ijwi'il siupi iyo ti 'es. It'imina ja Jesús ti je yiye'ni isiji, 'yina ijio'ni kisie'e yi'i siupa ajnat laj i'nioye'e, je iyojliyi papo i'nio' ti t'ijieyeyisi. Ijioyisi'ni wikie'eyi siupapo tajlits'i puwa ajnatis.

Marcos 6:14

Siupa anechiyas Herodes t'ijieyi ja Jesús, lapakawo ti jle' itijwi'ni papo i'nio'. Kajeyepa ti po' papo ti iyo'ate: —Kiakat'e kia inajiejnawo masa Juan, yapi pijia'm ti tajla'm pa a'no', jak je iyoyiji ti jijweye po', siu'neje ti 'yijene pi iyone ti i'winki'n ti pa k'iejliyi.

Lucas 4:14

Jesús Sinia' jikimet ti 'es jijweye tipoyiji, ti yapiliet'ipi Galiléaja. Wikie'eyi papo i'nio' yijits'i puwa ajnatis 'yijene pi iyone.

Lucas 4:37

Jesús jle' po' pakayi yi'i jlajak ajnat.

Lucas 5:15

Ijiatat'iyijpe ti tonitie pa Jesús, itijwaja'ni japa ajnat. Je pini' papo i'nio' ijioyi'ni kank'iuyi ti yamtiyi puwa Sinia' jlamtis, siu'neje ka injwajiete siupa jiliaye iyo.

Lucas 7:17

Paj ti itijwaja'ni siujlieja ajnat Judea, siu'neje puwa isi'il iniujwape'n siupa iyot'iyipi pa Jesús.

Hechos 26:26

Yi 'ne 'na anechiyas Agripa, siu'nie 'yijene pi iyonk'i, siuniwa ajwe'el, it'imina ti je sots'i'n ape'e ti ajwe'el. Je iyo'ate ka je 'nakaj siunie Sinia' iyo ti ilisane, iyo niwa i'wi'in na anechiyas.