Mateo 9:22 - Sinia' Jlamtis 1994

²² Jesús i'yena 'wechaja, sekyi'i i'win'ne jlajak asejnia, sekyi'i ti iyoni'ne 'ate: —¡Yase', jwajla'a paka wo! Lapakawo ti atankiujnieye it'imina ti i'nes. 'Yina ti kia'iyo ja Jesús, jakayi ti 'esie.

Mateo 9:22 ပူးပေါင်းရင်းမြစ်များ

Mateo 15:28

Jesús ti ipi'ya jlajak i'nioki, sekyi'i iyo'ne 'ate: —¡I'nioki, ijiate ti atankiujnieye poyi! 'Esiji ka ne'ya siunie jiwojonk'iye ka 'we'en. Ta'a 'ne ti 'es jlaja jlase' jakayi ti kia'iyo.

Mateo 17:18

Sekyi'i Jesús ijliu'ne kisie'e siupi iliaki, ti iyone'ate: —¡No kisie'e! 'Yina jakayik'i'ne ti 'esie jak jwemik.

Mateo 8:13

Sekyi'i Jesús iyone'ne 'ate pak tokis jika anechiyas: —Maj ka api. Je ijiat ka je 'nakaj. Lapakawo ti nak it'imina ni atankiujnieye ti 'es ti jipejlanit'i awa'm. Pakayi ti Jesús kiak iyo, pak tokis jika anechiyas jikawo 'es'ne.

Mateo 9:2

Jesús titiuniejat'iyipi pa i'nio' je t'onk'i ti tiniayija ape'e pa jlo'wet. 'Yina Jesús ti i'wina ti jitienkiujnieye po' papo ijia siupapo isim kiajwe, sekyi'i iyone'ne 'ate pak i'nio': —¡Yas, jwajla'a paka woyi! Siukiwa akeyis je titiajlata'm, imp'elisina.

Mateo 9:29

Jesús sekyi'i isim'ne ape'e, ti isiejts'ik'i jawa jitiete, ti iyone 'ate: —'Esiji kanwoyi siunie iyo ni astankiujnieye, ti je sakakiuye.

Marcos 10:52

Sekyi'i Jesús iyone'ne 'ate: —'Esiji. Maj ka api. I'nes lapakawo ti atankiujnieye po' jiwekie'e. Ka kia'iwo ka paja'ni ape'e paka talok ti i'winaja'n, je iyo ka lek'i ja Jesús ti ijliasa'aja.

Marcos 5:34

Sekyi'i Jesús iyone'ne 'ate: —Jla yase', lapakawo ti atankiujnieye po', it'imina ti i'nes. 'Esiji jijwajyi ni alaye iyo, kama ka ak.

Lucas 17:19

Sekyi'i kiak iyoni'ni pak i'nio', ti iyone'ate: —Neppijia'm, maj. Lapakawo ti atankiujnieye po', nak it'imina ti 'nes.

Lucas 18:42

Jesús kiak t'ipa iyonayipi ti iyo'ate: —¡'Wejne'n! Atankiujnieye po', nak it'imina ti jijwa'.

Lucas 7:50

Jesús iyone'ate japa asejnia: —Atankiujnieye ti 'es ni it'imina ti i'nes. Maj, kama ti ja ak.

Lucas 8:48

Yiyik'i ti Jesús kiak t'ipa iyonayipi: —Yase', i'nes, lapakawo ti atankiujnieye po'. Maj, kama ti ja ak.

Juan 4:53

Jak siojo jinia' ja kia'le jitiej wujwayi ti jakiak siojokia inetinki yitine ja Jesús ti iyo'ate, “'Wasa'n pi as.” Sekyi'i'ne ti je 'yakakiuye ja Jesús, kia'iyojliyi japo ji'wet jlele, wikie'eyi ti je 'yakakiuyis.

Hechos 14:9

ti its'iuye'ni ja Pablo ti iyo jlamtikie'. Pablo jitiej yikiajli'ne, itiant'ieje ta'a pa i'nio' ti jitienkiujnieye po' ka ini'manit.

Hechos 16:18

Je ijwienjliyiji ka kiak je iwo'ni, ti nam'ni sek'i, paj ti Pablo 'netajayi. Sekyi'i ti tejeye ilia'm, iyone'ne 'ate siupa imosik pa yiji: —Etijnape pa Saka'niona Jesús jle' ti Sijwajieti, ¡tajli siujlie'e asejnia! Ka pajayi wata'a ti iniuye kisie'e siupa yiji, jlajaka asejnia.

Hebreos 4:2

Kajeyepa ti kiak awoki ti tiwok saka'niyejats'i ti tijwelats'e niwak Sinia' jlamtis ti isis, iyot'iyipi papok i'nio' ti tijwelaja. 'Yina siupi its'iuyistiejesi je isisiji'n, kajeyepa ti je iniwome siupapo ti ijiate ti jitienkiujnieye po' ti iyoyi.