Mateo 9:13 - Sinia' Jlamtis 1994

¹³ Maye'ni, ni'neyasanayi siunie iyoyi niwak Sinia' jlamtis t'ipi ti iyo'ate: “Kap'ijliuskiye, nak awojonk'iye. Siunie ti jilianajyi'n niwa wakiajas ti jijwejla ka siwunitie, nak je awojonk'iye.” 'Yina siuti ana'am, je napok ka iniame napo isis, 'wenajliyi jla'am ti aname napok siunapo inkeyis jiliajnis.

Mateo 9:13 ပူးပေါင်းရင်းမြစ်များ

Mateo 12:3

Jesús isiujlie japoka ti iyo'ate: —¿Je 'najanayi siupi David iyojonipi? Yit'iyipe japa jloma ti inil'lia'n papo jla'yis.

Mateo 12:5

¿Ka nakayet'i 'neje wek inka'neyasajnaye ka 'yena siunie iyo, ti ijwi'il napoka pa'yijis ti 'wanjliyi ka je inajapijyi'n siojona jloma ti i'nio 'wanjlijyi'n, ka kia'iwo ka titiajlataja jlamis?

Mateo 12:7

Ka insta wat ti je 'najanayi siunie iyoyiyi niwak Sinia' jlamtis ti iyo'ate, “Kap'ijliuskiye, naka awojonk'iye. Je awojonk'iye siunie ti jilianajyin'ni niwa wakiajas, ti jijwela ka sonitie.” Je istieta ka 'najanajyi, ka lajatak'ipa kawonayi siunapo laj jitisa'.

Mateo 19:4

Jesús isiujlie'ne ti iyo'ate: —¿Je jlamtijiena niwak inamtis t'ipi siunie iyot'iyipi siupa ipiujunit ni i'nio' siu'neje jana asejnia?

Mateo 21:42

Jesús kiak iyoye'ijyi 'ate: —¿Jet'i ji'yena'ijyi siuniwa inamtis t'ipi ti iyo'ate: “Siojona sisaj siunapo 'wukiul jiwos iwit'iane, jla'aka p'an siu'nie jloma ti jiateje ti laja po' ti 'yaka'm ape'e niwa ijia. Lapakawo ti je 'wena paka kiak iwone naka ni Saka'niona. Siuti a'wena ni jikijmaye iyone, wuj ti kasteliaja”?

Mateo 3:2

—¡Woye asosik ink'ieye, siunie Sinia' jika anechijiayas je pa tojwa ilia'm!

Mateo 3:8

'Esiji ka anilesanayiji, kajanitie siunie jiwoyeyi ti jininekiajla'.

Mateo 4:17

Pak siupa jloma iyoyeyi kawo jika'niyeja', ti iyo'ate: —¡Woye ajosikis ink'iejyisa', je pa tojwa' ilia'm ni jika anechijiayas ni Inia'!

Marcos 12:26

Jlajmiliet, siunie iyo ti janapits'i pijia'm napo i'nio' napo 'yajle'n, ¿jet'i jlamtijiena'ijyi niwa Sinia' jlamtis yi'i ni Moisés jip'esinik siunie ti ijwi'il siojopa a'la' ti tak'ayi'ni pi jwat ti 'lajna'm? Pakayi ti Sinia' iyone 'ate pa Moisés, “Ya'am ti Abraham jiniak'i'm, Isaac jiniak'i'm, siupa Jacob jiniak'i'm 'neje.”

Marcos 12:33

Ti siuti jayimi'n ni Sinia' ti janiayi wita'm pi awone pa isiowe, janiayi wita'm pa iyo pi ijiusik, siu'neje ti janiayi wita'm ki iyo pa ijwiye, siu'neje ti emi'n ni isiecha ti jayone 'ate awone ti ya'am ti aninemi'n, jla'm ijiate ti 'es, 'yina ti 'yaka'm ape'e siuniwa tilianajan'ni, siu'neje ti tiwunie ti tonitieje pa Sinia'.

Marcos 2:17

Jesús ipi'yayi sekyi'i iyo'ne 'ate: —Siunapo lajk'i pa ka inlate, je isitia'n ni inkakiewo, 'yina jlampet siunapo je isis napok jla'm ijiate ti isitia'n. Je napok ka iniame siunapo isis, 'wenajliyi siunapo je isis napok aname.

Lucas 10:26

Jesús isiujlie ti iyo'ate: —¿Ten siunie ijwi'il ni Moisés jika'neyasajnaye? ¿Tepi iyo naka ti jlamtijie'n?

Lucas 19:10

Siunie I'nio' Jlas napok name, siunapo netiajne'n, ti iyo ka injwajiete'n.

Lucas 24:47

Sekyi'i ji'lij iwijna'm pet napo jika kia'lis ka wo jika'niyejayi napo ijia ka wone'ate, “Woye asosikis ink'iejyisa', 'nakayeyijna'a ti Sinia' jamp'elisina', ka je intajlat'ase'm ni aske'.” 'Yina iyo jla'am niwa Sinia' jlamtis ka tiniajnata napo Jerusalén jlele ka tiwok jika'niyeja' yiji 'niwaka, 'yina paj ka ineyeyinie'e siunapo i'nio' yijits'i wikie'eyi niwa ajnatis.

Lucas 5:31

Jesús isiujlie papo ti iyo'ate: —Siunapo yi' ape'e niwa jlo'witis, napok 'yu'we ti isitia'n ni inkakiewo wuj. Jlampet siunapo isis, ti lajk'ipa ka inlate, napok je isitia'n, kajeyepa.

Lucas 5:32

Je napok ka iniame siunapo isis, jla'm ijiate siunapo inke' jiliajnis napok aname, ja'nakayeyi ti jawo jlosikis ink'iejyisa'.

Juan 10:34

Jesús isiujlie ti iyo'ate: —Sinia' iyo'ate ti yi'i niwa inlesajnat'ipi, “Asa'am diosists'ase'm.”

Hechos 11:18

Siupapo Sinia' jilis ti ipi'yaye ja Pedro ti kia'iyo, its'iuyet'iyisk'ipe 'ate, iyunitisie pa Sinia' ti iyo'ate: —¡Ijiatp'aneje ti Sinia' iyo pet ka iwo jlosikis ink'iejyisa', ka poye jana ji'wasankiye ti laj jlaja, napo je Judíojos!

Hechos 2:38

Pedro isiujlie papo ti iyo'ate: —Woye asosikis ink'iejyisa', janwopi pa ka ijiatayi, pak tiniejienajape, ti janetijnapeje ni Sijwajieti Jesús jle', ja 'nakayeyijna'a ka Sinia' inetiajnat niwa askeyis iyo. Sekjane'yi ka wena'asemna'a jana Sinia' jikimet ti 'es.

Hechos 20:21

Je sikip'e ti ajwejla'm napo Judíojos siu'neje napo je Judíojos, ti awone 'ate, “Woye asosikis ink'iejyisa', tankiunieyi pa Sinia' jlas Jesús.”

Hechos 3:19

“Ji'yu, 'napo i'lijwas, woye asosikis ink'iejyisa'. Ataj ekiajlayi pi Sinia', 'nakayeyijna'a ka inetiajnat niwa askeyis, janjloyena'ase ni askamankiye ti 'es.

Hechos 5:31

'Yina ti jla'am pa Sinia' ti isi'me, ti iyojwa'n anechiyasa' ti wuj, yijne'n jijweyeje, jla'yi ti iyojwa'n Injwajietiwoye, Israel jlele ja 'esieye siuti janwoyis jlosikis ink'iejyisa', sekjane'yi ka Sinia' inetiajnatana'a k'iye niwa jikeyis iyo.

2 Pedro 3:9

Ká ajwela ka jla'm iwo pi Saka'niona siupi iyo ti ijwi'il, siunie jitienkiujnieye iyone pa yi'i papo i'nio'. 'Wenajliyi ti its'iu'wasap ka k'iejliyeyi wat paka awoyeyi, 'yina ti je iyojonk'iye ka netia'n paka jane'yi pa, 'wenajlitieje ka wikie'eyeyi ka napilisi pa Sinia'.