Mateo 7:25 - Sinia' Jlamtis 1994

²⁵ Na'am ni pejla, siu'neje na tewuk ti i'yujlietajk'i pijia'm. Na'am ni jlajwu ti wujwi, 'yina je ya'm isia'm, lapakawo ti t'etaja ape'e janak sisaj.

Mateo 7:25 ပူးပေါင်းရင်းမြစ်များ

Mateo 16:18

Awo'naja 'ate ti a'am ti Pedro'a'm. A'm siojona sisaj ti jayi'na ape'e napo ika kia'lis Inia' jilis. Siunie jijweye iyo pit ni inlaye ja ke inkajli.

Mateo 7:24

“Ka ne'yi pa siunapo ipi'ya niwa yamtis, jla'yi ti iyoyi. Iyo'ate siunie i'nio' ti ji'wuk 'yita ape'e japa sisaj.

Mateo 7:26

Jlampet siunie ti ipi'yayeta niwa yamtis, 'yina ti je its'iuk'i'm siunie awoyi. Nak kia'iyo pet siunie i'nio' ti je 'yijen jlosiki, ti ji'wuk 'yita ape'e ni jolo'.

Mateo 7:27

Na'm ni pejla, na'm ni i'niat ti i'yujlietajk'i pijia'm, siu'neje na jlajwu ti wujwi. 'Yina siojona 'wuk ya'm isia'm, sekyi'i netiajne'n.”

Hechos 14:22

'Yakela papo i'nio' sek ji'wet'e ti iyone'ate: —Je pajna'a ka aleyeyi ti astaj jiwomayi ni Saka'niona, lapakawo ti siunie i'nio' ni iyo ka ijnoyi ni Sinia' jika anechijiayas wuj ti janilayiti, niwa jiwet'iaye ti jajnoyi.

Efesios 3:17

'Yina siuti astankiujnieye poye, 'esiji ka Sijwajieti 'wet poye pet, ka nejyits'i niwa asosikis. Ja 'nakayeyijna'a ti jant'onieyi pijia'm ni inemijnaye ti jiwoyeyi, jla'yi ti jawo ajwetisijlaje naka.

Colosenses 2:7

Woyeyi asjwetisila' ti jla'am, as'wasankiye japoye siuti jleye'yi ape'e. 'Yina nit'onitieyi pijia'm siunie astankiujnieye ti 'es, iyo'ate ti 'nelanjie'e 'neyasanayi. Ke esitie'yi ilia'm siunie jiwoyeyi ti asnikanitieyi jiwenayi'ni.

Santiago 1:12

Sinia' wuj ti ip'ilisi'n siunie to'm ilia'm, jla'yi ti inilayiti siuniwa inkajejlasayejes ti iyo sijliak'aliye. Jak je iyoyi niwaka siunie ti je 'yakajle'n ni i'nio', its'iuyeja pet ji'wet'e, janak ji'wajiet jana in'wasankiye siojona Sinia' ijwijla'm napo i'nio', ti itiliaja kanwejna'm, siunapo 'namaja.

1 Pedro 1:5

'Yina ti je jikakiuye ni Sinia', nak insisieyi, it'imina ti ji'yakana ni asjwajieti, kajeyepa ti iyoye asp'ota 'neje ni jijweye. Janak asjwajieti ti pajk'i ti iwiakajlanit ask'ioye siunie ti je ijiat ka je inkajanit ts'iji siuniwa jlomas tom jlaja.

1 Pedro 1:7

Kajeyepa siunie astankiujnieye ti 'es iyo'ate janak wikinie maja ti 'najli ti tejlitaja, ka ti'wena ka 'esie, ni'ne ka jeye. It'imina ti ijlionayis napo jiwos. 'Yina kiak iyo'nase pet siuniwa inkajejlasaye ti ijio'wase, 'yina jla'm ijiatayi ti laja 'yaka'm ape'e janak wikinie maja ti 'najli. Siuti jatoma ilia'm, nak jant'emina ti asnikanitieyi japoye, siu'neje ti ijnonitieye ja tena'ase'm, ka inikajanittiejna'aja pi Saka'niona Jesús ti Sijwajieti.

1 Jn 2:19

Ti talts'e'm japok i'nio', sekyi'i'ne ti 'yakajayi ti je wikie'eyi ka intal siwa'm. Jlam'ne ka ijiatayi ka intal siwa'm, je kia'iyotaja'ni ka intal'ne saka kiowe'e jakayi.