Mateo 7:22 - Sinia' Jlamtis 1994

²² Siojona jloma ka inetiejenie'e, ka ti'yenajta napo i'nio', ja ke piniye napo i'nio' jawo'ate, 'Yaka'niona, 'Yaka'niona, sampe ti akinieje ni e', ti awokieyi samtikie' siunie Sinia' ijwilts'e'm ka yoki. Etinajpe it'iminape ti anojwatak'i kisie'e jawa imose'l yijits'i japo i'nio'. Nakape'eje ti it'imina ti akajlaje ti alesanaja, niwak siuniwa ti yisi'lietk'i napo i'nio'.

Mateo 7:22 ပူးပေါင်းရင်းမြစ်များ

Mateo 10:15

Ijiatk'i siunie jajwi'lase'm ti janeyi janak jloma ti Sinia' jan'ye'en napo i'nio' ni jitis iyo, siunie jawo ti ja tisiejek'i'yi papok i'nio' yiji japak isi', janka'm ape'e siupi jiwet'ia iyot'iyipi papok i'nio' yiji japa Sodoma siu'neje Gomorra ti tisiejek'i.,

Mateo 24:36

“Jlampet siojona inetitinki janejyi siojona kilie' kie', siu'neje jana jloma ti ja'nesi, nak lajk'ipa ka 'najane paka inwone. Tiwet'ianaja ka napokataja pet napo Sinia' jijliujwajnas ti yi' poliyi ka 'najane paka iwone, siunie Jlas kia'iyojliyi, ijwienjli jla'am ti 'yijene pi iyone, ni Inia'.

Mateo 25:11

“Paj ti jiwekie'ajat'ipi pet ti 'nes'ni papok jlosie kajlojoties, ti iyoyisijyi'n pa jika kates t'e', iyoyet'iyispe 'ate ti i'winis ti tip'onaja'm pa 'wuk kiwet, “¡'Yaka'niona, 'yaka'niona, 'ajlinit sik'ioye!”

Mateo 7:21

“Ja ke wikie'eyeyi siunapo iyo'ate, ti sijwelis, 'Yaka'niona, 'Yaka'niona, ka ijnoyisi ni Sinia' jika anechijiayas. Janapokataja jla'am siunapo iyo ni Inia' ti yi' poliyi iyo ka woyi.

Lucas 10:12

“Ajwe'lase'm, siuka netiejenie'e janak jloma, jana jiliayeja' japak isi' ti ja tisiejek'i janka'm ape'e siupa tiwonat'iyipi japak isi' Sodoma ti tisiejek'i.”

Juan 11:51

Caifás je jla'am ka jlamtisa', siukia iyo ti tamti, 'yina ti jla'am ti pa'yijis jika anechiyas, it'imina ti Sinia' jlam ti yamtijie'n ti ijwi'il ja Jesús ti janiwe'n ape'e napo i'nio' siunapo Judíojos.

1 Tesalonicenses 5:4

Siuti asa'am, 'napo i'lijwas, mejla'a ka ayejyi nak ajnatiok, 'wanjliyi siuti kiak jawo ti janeyi janak jloma ti ja'nesi pi Saka'niona ja ke inesi'lieta ka iwo'ate ni kajlajnata.

2 Timoteo 1:12

Naka'ne ti it'imink'i siu'nie iyo 'ni iwit'ia ti wuj ti anilayiti. 'Yina je ts'ajwejle, kajeyepa ti ts'ajane pa awone siunie I'nio' ti itiej awomaja. Jlam ti janoyijk'i'm ti ja wujwa ti jan'yenik'i'm siunie ti yikialk'i, jlomas ti jan'yena paj ka ineyeyinie'e janak jloma ti yi' jlaja.

2 Timoteo 1:18

Kiak jiwo 'najane pi jiwone ti jla'am wuj ti iniuyits'e'm, ti awak Éfesojo. 'Esiji ka wujwape ka Saka'niona inoyeje, kamp'elisi'n pet, ka netieje janak jloma ti jana'am.

2 Timoteo 4:8

'Nakayi ti tiwakajlanitie ta'a its'ioye siojona akajli, siojona ti Saka'niona, ti jla'am ti tijna'yi siunie ti jan'ye'en napo i'nio', ti ijiate jla'am ti 'es, ti ja'yakajli ti anilesaniji, ts'iji ka netiejenie'e siojona jloma yi' jlaja. Ja ke yamkataja ti janwenk'i'm, kia'iyo janwejna'm wikie'eyi siunapo ti yimi'n, jla'yi ti je iliyi ti inijijwijyink'iye.