Mateo 7:21 - Sinia' Jlamtis 1994

²¹ “Ja ke wikie'eyeyi siunapo iyo'ate, ti sijwelis, 'Yaka'niona, 'Yaka'niona, ka ijnoyisi ni Sinia' jika anechijiayas. Janapokataja jla'am siunapo iyo ni Inia' ti yi' poliyi iyo ka woyi.

Mateo 7:21 ပူးပေါင်းရင်းမြစ်များ

Mateo 12:50

Kajeyepa siunapo iyoyi siunie iyo ni Inia' ti yi' poliyi, nak 'yini, janak 'yijnia, janak tete.

Mateo 16:17

Jesús sekyi'i ti kiak iyoyeyi: —¡Sinia' jikap'ijliuskiye ti 'es siunie yi'a, a'am Simón, Jonás jlas! Kajeyepa ti lajk'ipa ka jikiechaye i'nioye ka in'wenki'na'm naka, ijwienjli jla'am ni Inia' ti yi' poliyi ti i'winki'na'm.

Mateo 18:10

“Ke ine'wajayi ka ne'yi pa siunapo je 'esijiyi kia'lis ti 'yiyasajnas. Ajwela'yase'm ti siunapo jijliujwajnas poli jlele pet je paj ka int'ekiyisiap ni Inia' ti yi' poliyi ti i'ye'n ape'e.

Mateo 18:19

“Kia'iyo ijiatk'i siu'nie jayo'nase ti ja poye napo times ti iyoyi t'ajlaye ti ijniul wita'm ti t'ajle ni Inia' ti yi' poliyi siunie isitia'n, ijiate Inia' janwejna'm ni siunie t'ajle.

Mateo 18:3

sekyi'i iyo'ne 'ate: —Ijiatk'i siu'nie jayo'nase, siuti ja ke awoye asosikis ink'iejyisa', siu'neje ti ja ke anitewijnatayik'i siunapo kia'lis, je pajna'a ka 'oyeyi nak jika anechijiayas ni Sinia'.

Mateo 18:35

Jesús yine ape'e ti iyo'ate: —'Yina kiak janwo'nase ni Inia' ti yi' poliyi, jane'yi pa ti asa'am siuti kiak jawoyeyi ja ke anip'elisina, ti ja ke ijiatayi ka anetiajnata ni jitis iyo napo a'lejwas.

Mateo 19:24

'Yejne'n, jayikiajle'eje siojona jikiayi kosoki po' ka'noyi jana jitiete ni k'itie'en, ja ke 'noyi je kast'ayiji'n ti kia'iyo; 'yina ataj enayijpe 'ate siunie jayo siunie i'nio' jwajla i'wi'in jla'm ijiatayi ti ti'nita ka'noyi nak jika anechijiayas ni Sinia'.

Mateo 25:10

“Yamat'i'nijpe ti iyoyisijyi'n pi t'e' puwa jika katese'l, jlampa 'nesat'ipi paka siupa its'iuyistajan'ni k'iye, paka pa janjwa'yi. 'Yina siupapo jlosie ijwienjli sikio' itij'we ti je isiwalijyi'n papoka'ne ti 'yuyisk'i kajeyepa ti i'winis k'iye. Sekyi'i ti tip'onajaja'm pa 'wuk kiwet, yiyisi' jla'am japak inlakijnieye.

Mateo 25:21

“Iyo'ne 'ate pa anechiyas ti isiujlie, “Ijiate wat ti 'es ti kia'iyoyi, am ti 'yakawo'wa'm ti 'es, jla'yi ti ajosik po'. Siuti kia'iyo ti jilisaniji ni jwajla'a ti ekiaj'la, jayikiaj'la'm siunie ti ijiate ti 'etsaka ti ja'yena. Maj 'oyi ni siunie yi'i jana inlakijnieye, ti awo iliakijnieyeja'”.

Mateo 26:39

Yama wat ts'iji t'akosayi wek seka'a, jitiokiots'i 'yitayi ajnat'e ti inip'elisini pa Sinia', ti iyo'ate: —Inia', ka poye pi jikiecha paka iniwone, sijwajiete siu'nie yat ti pajyi, 'naka 'nak iliaye jawo ti jats'a'al. 'Yina 'esiji ka ama'a'm ti jantaj'la, je 'esiji ka yama ka intalk'i.

Mateo 26:42

Sekyi'i ti yama'aja ti iyo t'ajlayeja', jakayi ti timesieyiji ti yam'ni. Iyo t'ajlayeja' ti iyo'ate: —Inia', siuti kia'iyo ja lajak'iyi paka iniwone ka ijwieji 'na iliaye ti jats'a'al, 'yina kia'iyo lapakawo ka 'esieyijina'a ka ama ti jantaj'la.

Marcos 3:35

Kajeyepa ti siunie iyoyi ni siunie Inia' iyo ka woyi, naka ti 'yini, siu'neje ti janak 'yijnia, 'yina janaka 'neje ti tete.

Marcos 9:47

Jlampet ti janakaye atate ti jant'emina ti ja ajia'm ni ake', lajni. 'Yina ja ejloye wek ti janjwanjli jana atate, lapakawo ti ja ajia'm ni jika anechijiayas pa Sinia'. Jlampet siuti kiak jawo jajnol wita'm niwa atate, nak je i'manit, siuti ja intataje ni ji'wet pet naka inlaye ti t'o'n,

Lucas 11:28

Jesús isiujlie ti iyo'ate: —¡Jla'm ijiatayi ti 'yaka'm ape'e siunie Sinia' iyone ti ip'ilisi'n siunapo its'iuye niwa jlamtis jla'yi ti iyoyi!

Lucas 13:25

Paj ka inamana'a ni jikimet jana 'wuk, sekjane'yi ka imp'onajamna'a ni 'wuk kiwet. Asa'am ti ja in'wanjliye kisie'e, ja anayek'ina'a wita'm, jawoyena'a 'ate, “'Yaka'niona, 'ajlinit its'ioye.” Ka woyena'a pet 'ate ti jankiuj'liase'm, “Je sitiant'ie'ase. ¿Tepi jitiajlajyi?”

Lucas 18:25

'Yejne'n, siojona jikiayi kosoki po' je istieyiji ka 'noyi na k'itie'en jitiete jlase'. 'Yina jlamt'i ijiatayiji ni i'nio' inkaje' ti istie' kan'yakajna'm ni Sinia' jika anechijiayas.

Lucas 6:46

“¿Yot'iyi'ni ti jiwonak'i 'ate, “'Yaka'niona, 'Yaka'niona”, ti je k'iuyek'i'm siunie ti ajlotieja'ase'm?

Juan 14:7

Siuti ja intant'iejak'i, kiak jawo ja intant'iejayi'iji ni Inia'. Ijiatjliyi 'naka 'ni siu'nie intant'iejayi, jla'yi ti ji'wena'.

Juan 15:23

'Yina je 'wena pet siunapo ne'wak'i'm, napok ne'waja'm ni Inia'.

Juan 3:5

Jesús iyo'ate ti isiujlie: —Ijiate, ijiatk'i siunie awo ti jayo'ate, lajk'ipa ka 'najane paka inwone ka 'noyi ni jika anechijiayas pi Sinia' ijiatjliyi jla'am ni i'nio' ti k'iejli yijijyi'n ni i'niat jla'yi jana Sinia' jikimet.

Juan 5:17

Jesús iyone'ne 'ate japoka: —Jlam kia'iyo, siunie Inia' talk'i'ni ti isijme'n, 'yina kiak awo pet akijme'n.

Juan 6:40

Siunie iyo ni Inia', i'niope na jan'yejne'n ni Sinia' Jlas, nak in'wenape jana ji'wasankiye ti laj jlaja, siunapo je 'yakakiu. Sek jane'yi ka yamape pet ka iniujwank'i kisie'e ti jantajli niwa a'no'ol siojona jloma yi' jlaja.

Juan 7:17

Siuti ja poye siunie janwo ni Inia' yi poliyi iyotaja ka inwo, sek jantaj'le ni i'nio' ti ja 'najane pa janwone, siuti ja ijiatayi ti jantalk'i, ni'ne ka intal Siniayi.

Hechos 14:22

'Yakela papo i'nio' sek ji'wet'e ti iyone'ate: —Je pajna'a ka aleyeyi ti astaj jiwomayi ni Saka'niona, lapakawo ti siunie i'nio' ni iyo ka ijnoyi ni Sinia' jika anechijiayas wuj ti janilayiti, niwa jiwet'iaye ti jajnoyi.

Romanos 12:2

Ke inteliaja siuniwa wask'i'nelaja a'wena siu'nie jloma, 'wanjliyi ka wo'ate pa, “jla'm ijiate siu'nie ti 'es.” 'Yina wo ink'ieye ni astankiujnieye 'nakayi ti ja'wena' jawo siunie jiwoyeyi, sek jane'yi ka intant'iejayijijna'a siunie Sinia' iyo kawo. Ka iyot'iate, ka intant'iejayiji siunie 'es Sinia' itiliaja, jla'yi ti tijnajyi.

Romanos 2:13

Jlampet siunapo ipi'yayeta siunie inka'neyasajnaye ijwi'il, 'yina je its'iuyisie, napoka pet napo ti 'yaka ti jitis po'. 'Yina jlampet siunapo ti jla'am je ipi'ya jiwek 'yina ti iyoyi siunie 'yijijie'ne, napokaye pet napo ti Sinia' initiajnat pi jitis iyoyi.

Efesios 6:6

Ká ajwankita siunie ti ijnonitieyi ti jik'iuyeyi, 'yina jwane'e siunie jiniwonayi ti Sijwajieti jikawosts'ase'm, ti jiwoyeyi siunie Sinia' iyo.

Colosenses 4:12

Askiecha Epafras, Sijwajieti jikawo pet, itijwi'lase. 'Yina jla'am ti ini'net'i astepe'e ti 'najlanayi'ni pa Sinia', ka je aleyeyi ka k'iuyeyi siunie Sinia' iyo ka woyi.

1 Tesalonicenses 4:3

Siunie Sinia' iyotajank'iye, naka ti iyotaja ka anilesanayiji, ka wujwa ka insisie. Je 'es ka poye paka iwoyi ni siunie ti wuj ti je 'es, naka ti 'yu'ni ni i'nio'.

1 Tesalonicenses 5:18

Ja k'iejliyeyipe pa, 'esiji ka awoyeyi asnikanitieyejayi pi Sinia', 'yina niwak iyojonk'iye ka awoyeyi ti asa'am ti je jikakiuye pi Sijwajieti Jesús.

Tito 1:16

Ijwil ka intant'ieje pi Sinia', jlam'ne siunie jikijmaye iyo 'yakajanit ti jla'm iyo ti ijwil ka intant'ieje. Ikama ape'e ni jike' iyo, ti teje'yi ilia'm niwa Sinia' jlamtis. Je paj ka inkajli ka woyi paka 'esiek'i.

Hebreos 4:6

Siupapo i'nio' iniant'iyisipe ti ipi'yayisieta niwak Sinia' jlamtis ti isis, 'yina siuti takakiunisi it'imina'ne ti je i'yakanisi janak ajnat ti inop'it ji'wet. 'Yina po' pet siunapo ijia Sinia' 'yajlinit k'iye ti ijioyi janak ajnat.

Santiago 1:22

Kimayi niwa Sinia' jlamtis, kijmanayi'n ti iyo ka woyeyi. Je 'es ka jla'm ape'yaye jiwek, 'yina siuti kiak jiwoyeyi je jlewitayiji siunie ijiate ti 'es ka woyeyi.

1 Pedro 2:15

'Yina nak Sinia' iyotajank'iye kawoyeyi ni 'es, ja 'nakayeyi siunapo i'nio' ti lajk'iyi pakawo, ti je 'yijejne'n, ja ke 'najanayisijpe siuniwa ji'lija jiniliaja ni janojwatits'i ka injwelis kanta'yi aselia'm.

1 Pedro 4:2

'nakaye'eje pet siunie iyoyi ni Sinia' iyone, je pa jlama ka iwoyi siuniwa itiliaja pet ka woyi 'ne ajnat'e.

Apocalipsis 2:27

Iyo pet 'ate ni awo ti Inia' iwink'i'm siunie ika anechijiayas. Ijia jika anechiyasa' 'yina ja ke lajak'i siunie ja jijweyeja' ti je jlase', jawonayijna'a 'ate siuniwa ta'aski ti isat tiwok jijwala' ti tajakiamk'i. 'Yina jawijna'm 'neje siojona kates jloma jla'yiki.

Apocalipsis 22:14

Sinia' jikap'ijliuskiye yiyi siunapo ti itime ti iliji'n niwa ji'wuye, 'nakayi ja ke tenaja'm ka intojw siuniwa jla' janak a'la' ti in'wasankiye, ja 'esiena'a k'iye ka 'noyi siuniwa jika 'wuk kiwitawa jana isi'.

Apocalipsis 3:5

'Yina 'wena ja ke iwo napoka siunapo ti t'ank'i pijia'm ti itietek'i isia'm siupa teje'yi ilia'm, siuniwa ji'wuye kiak jawo ja lemiye, ja ke 'yojmatk'i 'neje siuniwa jleyis ti yi'i nak imp'esinik, siunie t'etaja'a'ni ni jle' napoka ti ji'wasankiye laj jlaja po'. Jak je iyoyiji ts'iji jitieyi'i ni Inia', jitieyi'i 'neje niwa jijliujwajnas poli jlele, ka iyoyena'a 'ate, 'Nak sikiecha 'neje.