Mateo 7:19 - Sinia' Jlamtis 1994

¹⁹ Yi'i japa a'la' ti kia'iyo, ti jla' je isis, tijwajaki sekyi'i ti titietajayi jwata'm.

Mateo 7:19 ပူးပေါင်းရင်းမြစ်များ

Mateo 3:10

Pajk'i ti wakal ni siunie ala' ti ja tikienaja niwa a'la' ti ja tijwajak'i isia'm, ti ja tenajak'i niwa jijwetis. A'la'pe jana ja ke 'esie, ti ja ke iwo jlaye, janak tijwajakiejepi, ka titietajayajampe ni jwat.

Mateo 7:18

Siojona a'la' ti 'es, je ti'wena ka je inses niwa jla' ti poyeta. Kia'iyojliyi siojona a'la' jana je 'es pet, je ti'wena ka inses niwa jla' ti poyeta.

Lucas 3:9

'Yina siunie ala' wakal, ti tejeye niwa jijwetisi'l, ti ja tijwajakits'i. Ja ke 'esiepe kawo jlaye jana a'la', janak ja tijwanaja'a niwa jijwetisi'l ti ja tijwajaki, sekjane'yi ka titietajayijamna'a ni jwat.

Tito 3:14

Jlampet papo si'lijwas 'esiji ka ini'neyasane siunie 'es jikijmaye. 'Esiji ka pajlata ape'e, siupi k'iejliyi pi isitia'n, ni jikiecha ti je i'win pet paka k'iejliyeyi. Siuti kiak janiwonisi wuj ti 'es kajeyepa ti napoka ti ijia jitiej jawoma.

Hebreos 6:8

Jlampet siuti niwakata jlel po' ti talk'i na ajnat niwak laj lajaye pet, kajeyepa yi kiajwe ni Sinia' jiwak, ja jlajayi ti ja tiwunieja'm.

Judas 1:12

Jak je iyoyiji siuti jinikijwana ti jiwoyeta aslakijnieyeja' ape'e ni Saka'niona jlemijnaye ni siunie yi'asap, 'yina je iyo jlosikie'ase, jak je iyoyiji wuj ti i'najwejlanatak'i wita'm asam ti jikijwanayi. Iyo'ate siunapo sontas jiwos ti je 'yakojniejne'n ni siuniwa jiliajwas, 'yina ti'yekiujni'n jla'am jiwekie'e. Iyo'ate siuniwa polis ti i'niat je yijits'i, jak je iyoyiji siunie jlajwu ti yejwuti itiete'ni. Iyo'neje 'ate siuniwa a'la' ti je iyo jlaye' ti yiyetaja siunie ti jota iwo jlaye'. Timesiji'ni ti 'yajlits'i siu'neje ti jitiskiu'l tiniayejek'i ti tilienak'i pijia'm.