Mateo 6:30 - Sinia' Jlamtis 1994

³⁰ Jlam'ne pa Sinia', jla'am ti kiak iyone niwak a'la' jlokie ti isis siu'niwa jlomas, jlam'ne ti jlomayeta titietajayik'i jana inka'we, sekyi'i jwat itiujwa'a. 'Yina ya'am awo'ate, ¿Yot'iyi'ni ka je in'yenase'm ti asa'am ijiate ti jilists'ase'm? Janwe'nase'm ni ja 'oyets'i. ¿Yot'iyi'ni ti je ijiate ka ataj womayi?

Mateo 6:30 ပူးပေါင်းရင်းမြစ်များ

Mateo 14:31

Jesús ta'a ti isimk'i, sekyi'i ti kiak iyonayi 'ate: —¡Je ijiate pakawo ka ijiatayiji ka atankiu'n! ¿Yot'iyi'ni ti laj atankiujnieyeja'?

Mateo 16:8

'Yina ti Jesús 'yijene pi iyone siunie jitienkiujnieye iyonisi, sekyi'i iyo'ne 'ate: —¿Yot'iyi'ni ti jiwo asjlak'aliye ti lajk'i puwa woyejes ka atonie'? ¡Jet'i ijiat ka atankiunie!

Mateo 17:17

Jesús ipi'ya wek ti kia'iyo, sekyi'i ti kia'iyoyeyi: —¡I'nio' jiniliaja, ti laj jitienkiujnieyeja'! ¿Tepat'e ja nojwaja'm puwa jlomas ti jayi'asap? ¿Tepat'e ja nojwaja'm puwa jlomas ti janilayit'iase? ¡Namayi'ne pa jwemik!

Mateo 8:26

Iyo'ne pet 'ate ti isiujlie: —¿Yot'iyi'ni ti ijnots'inajyits'i? ¡Ijiateje napo yi 'ne 'nakayi jla'am ti laj astankiujnieyeja'! Sekyi'i ti iniyet'ipi pijia'm, tamtiyet'i'yijpe pa jlajwu siu'neje pa i'niat, sekyi'i ti 'yakamaja t'ipi, 'yakama ti 'yakama.

Marcos 4:40

Sekyi'i ti iyonayi 'ate japo t'eyasajnas: —¿Yot'iyi'ni ti je injweyeyits'iyi? ¿Lajt'e astankiujnieyeja'?

Marcos 9:19

Sekyi'i Jesús iyo'ne 'ate ti ipi'yaye ti kia'iyo: —¡Ijiate wat 'napo yi'ne, kakiujnietasat'itie'ase'm! ¿Jot'i ja k'ieyeyik'i'ni ka yi'asap? ¿Jot'i ja k'ieyeyik'i'ni ka inilayit'i aselia'm? ¡Maj! Mayeyi pa jwemik. Namayi'ne.

Lucas 12:28

Jlajmiliet ti Sinia' kiak iyone ti ilisa'n niwa a'la' jlokie yi' ojwe 'nakayi, je 'esiji ti tijwosajatak isia'm jana inka'we, sekyi'i ti nojwayik'iji'n ti jwat yi'i. Ti asa'am jla'm ijiate ti ja wujwa ti jan'ye'nase'm, janwe'nase'm siunie ja'wuyejyi. ¿Yot'iyi'ni ti je ijiat ka astaj womayiji?

Lucas 9:41

Jesús iyo'ne 'ate ti isiujlie ti ipi'yayet'ipi ti kia'iyo: —¡Ijiatt'iyiji 'napo yi'ne ti laja astankiujnieyeja', jla'yi ti je insisie! ¿Jot'e ka k'ieyeyik'i'ni ka je itiaj'lasap, ka inilayit'iase? Namkiame kiu'ne pa as.

Juan 20:27

Sekyi'i iyone'ne 'ate ja Tomás: —'Yejne'n niwa isioye, ajwuki 'otk'i. Jonie ni akio', kiejts'e siu'nie yi'i ni t'eta'a. ¡Lek'i siunie jiwo ti kakiujnieta'a'm, wo atankiujnieyeja'!

Hebreos 3:12

I'lijwas, joskiyeyi ma ja ke poyena'a pa ka ileyi pa Sinia' siuti kiak jawoyeyi, askiojwa'l 'wena jawonayi ilia'm, siu'neje ti ja ke ak'iuye naka Sinia' ti je paj ka inetia'n.

1 Pedro 1:24

Iyo niwa inamtis t'ipi: “Siunie i'nio' iyo'ate ni jop, jlampet ki iyo ti jwajla'a i'wi'in naka pet ni jlokie ni jop. Siuti 'ya'al ni jop, iniuyeje'n pet ni jlokie,