Mateo 6:23 - Sinia' Jlamtis 1994

²³ Jlampet ti je isis, kia'iyo wikie'eyi pet ni 'ajwes ti ajnatiok yiji. ¡Siuti kia'iyo janak kates ti yi' awa'm laj jlala, je jlase' pet ni ajnatiok yi' awa'm!

Mateo 6:23 ပူးပေါင်းရင်းမြစ်များ

Mateo 20:15

'yina ya'am isimet. Siojona 'yaka wikiniet'aj, siupi jayone isimet, ¿yot'iyi'ni ti jlolsinayik'i'm naka siunie awo ti 'es?”

Mateo 6:22

“Siuniwa sitiete 'yiniye ka janakaye, ts'ajwes jika kates. Jak je iyoyi siuti isis niwa atate, 'yina wikie'eyi pet ni 'ajwes siunie jla'al janak kates yiji.

Marcos 7:22

Siunie 'nelijieye, siunie ti itiliaja pa k'iejliyi ti jikiecha jikimet, siunie iyoyi ni i'nio' ti je 'es, ink'eminkiye, siu'neje ni ti inisayi niwa jiniliaja wask'i'nelaja, siu'neje na ti yiyiji'ni pa jikiecha, siunie ti initonit.

Lucas 11:34

Siuniwa 'ajwes jika kates niwaka atate. Ka inses niwa atate kiak janwo'ojyi pet niwa 'ajwes, siunie jla'al janejyi. Jlampet ti ja ke inses, kiak jawo pet ni 'ajwes, siunie ajnaj janejyi.

Lucas 8:10

Iyo'ate pa Jesús ti isiujlie japo t'eyasajnas: —Siuti asa'am siunie iyo'nase ni Sinia', tijna'yase'm pet ti iwi'nase'm ka intant'iejayi siuniwa wask'i'nela'aja yiji ni jika anechijiayas ti je 'yaka ape'e. Jlampet siunapo 'wenayi, napok akimits'ik'iye pet siuniwa ti jlam a'yejnap jiwekie'e ti amtiyeta, 'nakayeyijna'a 'wanjliyi kan'yenis'ni, 'yina jitiej ja ke iname, 'wanjliyi kampe'yayis, 'yina ja ke intant'iejesk'i.

Romanos 1:22

Kajeyepa ti ijiut 'nijiye siunie Sinia' ti je paj ka inetia'n, siu'neje ni jiwunitieye, niwakataja jla'am siuniwa jitiej iyoma ti iyo jika diosisa', siunie i'nio' ti ji'niayi je itio'yi, ni'ne ti niwaka ajwejnas, siu'neje niwa pini 'lan jlele pet, siu'neje niwa pini' t'ot yilisi'n ajnatk'i jipelis. Jak je iyoyiji 'wanjliyi ka inijwelis ka 'najanis jwajla'aja, 'yina napoka napo ti 'ne'lias.

1 Corintios 2:14

Jlampet siunapo i'nio' janaka jana Sinia' jikimet ti je yiji, kajeyepa ti je isimits'i ilia'm, je itiant'iejesi. Sekyi'i iyoyets'i 'ate, “Je 'es. Laj lajaye.” Je itijnisisk'i siunie iyoyi, jak je iyoyiji ti ijwi'il kan'yenis, je 'yijenisi paka inwonisi ka injwelis ka inka'yejnajne'n.

Efesios 4:18

itiusina ape'e ni jlosik iyo. 'Yina siojona ji'wasankiye ti Sinia' iwijna'm napo jilis je tijna'yi, kajeyepa ti je itiant'iejesi pa Sinia' jla'yi ti t'o'n ni jlosik.

Efesios 5:8

Ti pajk'i ajnatiok jlele'ase'm, 'nakayi ti jleyejiap ni Saka'niona, kates jla'al jlele'ase'm. It'imina ti kiak awo'nase, 'esiji ka anilesanayiji ti asam napoka ti kates jla'al jlele'ase'm; woyeyi siunie jikijmaye iyo pit napoka ti yiji jana kates jla'al.

1 Jn 2:11

I'nio' ni ne'waja'm ni jikiecha, nak je tajli ni ajnatiok, jlam yikiajlaja'ni. Je 'yijenayi pi jantajyi, 'yaka ajnatiok iyojwa'n talokie'.