Mateo 6:22 - Sinia' Jlamtis 1994

²² “Siuniwa sitiete 'yiniye ka janakaye, ts'ajwes jika kates. Jak je iyoyi siuti isis niwa atate, 'yina wikie'eyi pet ni 'ajwes siunie jla'al janak kates yiji.

Mateo 6:22 ပူးပေါင်းရင်းမြစ်များ

2 Corintios 11:3

Sikiwit'ase'm kawoye 'ate iyot'iyipi japa Eva ti siupa injla jitiok ik'emijiete siupa jloski'la, ka leyeyi siupa asemijnaye ti ijiat ti jlena'yi, siu'neje ni Sijwajieti ka je 'esie ni astankiujnieye.

Colosenses 3:22

Jlampet ti asa'am ti inkawosts'ase'm, 'esiji ka je akama'yi ape'e siunie iyo ka woyeyi napo aska anechiyasas yi' ajnat'e ti ijliu'wase'm. 'Yina je nakata siunie ti in'yena, siunie ti jik'iuyeyi ka akanitie'ni, 'yina 'esiji ka a'nalkitak'i siunie astankiujnieye ti 'es, siu'neje ti ja ajoskiyeyi ni Saka'niona, nak it'imina ti jik'iuyeyi napo aska anechiyasas.

Efesios 6:5

Asampet ti inkawosts'ase'm, 'esiji ka k'iuyeyi napo aska anechiyasas siunapo yi'ne ajnat'e, siuti po' pa ijliuye'ase'm ka woyeyi 'yina k'iuyeyi. Ká awone 'ate ti i'nio' jiniliakta pa ti jikijmape'n, je 'es ti ja ke ijnots'ina, jwane'e pet ni asosik ti 'es ti janilesaniji k'iye. Ataj ja enayi 'ate ka jlama pi Sijwajieti ka noyeyeje.

Hechos 2:46

Kiajatak'i'ni puwa jlomas initotk'i'ni wita'm kiajwe japa Sinia' ji'wuk yi'i japa Jerusalén. Ni'ne ti yinisi 'wet'e siuti ti'yekiujni'n inikijwanisie. 'Yina siuti kiak iniwonisi sekyi'i jijweye poye, pakata jla'am ti 'yuyits'i pa 'es ti iyoyisi.

Mateo 5:15

Siu'neje ti po' ni i'nio' ti jwat yi'ne jana jika kates kamp'o'n ape'e, ti 'wenajliyi siunie jawone ti janen pijia'm, 'nakayijna'a ka jlal ja'naja'n ape'e siupapo ji'wetijwas.