Mateo 6:10 - Sinia' Jlamtis 1994

¹⁰ Siunie aka anechijiayas 'esiji ka inesajap. 'Esiji ka tiwoki 'ne ajnat'e siunie iyo niwa amtis, iyo'ate tiwonaja ts'iji poliyi.

Mateo 6:10 ပူးပေါင်းရင်းမြစ်များ

Mateo 12:50

Kajeyepa siunapo iyoyi siunie iyo ni Inia' ti yi' poliyi, nak 'yini, janak 'yijnia, janak tete.

Mateo 16:28

Ijiatk'i siu'nie jayo ti jajwi'lase'm, ti asa'am ti nak jleye'yi 'nakayi, japoye siunapo 'wasajne'n, ka je 'naltajana'a jan'we'en na I'nio' Jlas ti jana'am kanwo anechiyasa'.

Mateo 26:42

Sekyi'i ti yama'aja ti iyo t'ajlayeja', jakayi ti timesieyiji ti yam'ni. Iyo t'ajlayeja' ti iyo'ate: —Inia', siuti kia'iyo ja lajak'iyi paka iniwone ka ijwieji 'na iliaye ti jats'a'al, 'yina kia'iyo lapakawo ka 'esieyijina'a ka ama ti jantaj'la.

Mateo 3:2

—¡Woye asosik ink'ieye, siunie Sinia' jika anechijiayas je pa tojwa ilia'm!

Mateo 4:17

Pak siupa jloma iyoyeyi kawo jika'niyeja', ti iyo'ate: —¡Woye ajosikis ink'iejyisa', je pa tojwa' ilia'm ni jika anechijiayas ni Inia'!

Mateo 7:21

“Ja ke wikie'eyeyi siunapo iyo'ate, ti sijwelis, 'Yaka'niona, 'Yaka'niona, ka ijnoyisi ni Sinia' jika anechijiayas. Janapokataja jla'am siunapo iyo ni Inia' ti yi' poliyi iyo ka woyi.

Marcos 11:10

¡Wunitie siupa sitis t'ipi David jika anechijiayas ti ja'nets'e! ¡Wunitie pa Sinia' ti yi' poliyi!

Marcos 3:35

Kajeyepa ti siunie iyoyi ni siunie Inia' iyo ka woyi, naka ti 'yini, siu'neje ti janak 'yijnia, 'yina janaka 'neje ti tete.

Lucas 19:11

Po' papo i'nio' ipi'ya pa Jesús ti ijwi'il niwaka, jlampa ijlienayisi jlaja Jerusalén, ti ijwilis ka ijiatayiji ka je pajak'iye ti ja'nes siupa Sinia' jika anechijiayas, ti ja'nakaj. Pak it'imina ti yijnapeje wek siunie ti iyo'ate:

Lucas 19:38

Kiak t'ipa iyoyeyisipi: —¡'Esiji ka Sinia' iwejna'm ni 'es ni anechiyas ti 'nes, ti name ni Saka'niona jle'! ¡Inwunitieye tena'a ni Sinia' ts'iji poliyi, jla'yi ti inkamankiye po'!

Lucas 22:42

—Inia', kawoyi, sijwajiete siu'nie pajyi 'ni ja'yaje. 'Yina 'esiji ka intaj'la a'am siunie awoyi, je'e ti ya'am ka intalk'i.

Juan 4:34

'Yina Jesús isiujlie'ne japo t'eyasajnas ti iyo'ate: —Siunie yak, naka ti awo siunie ijliuyijk'i'm ka itime ni jikijmaye ni i'nio' sijliu'.

Juan 6:40

Siunie iyo ni Inia', i'niope na jan'yejne'n ni Sinia' Jlas, nak in'wenape jana ji'wasankiye ti laj jlaja, siunapo je 'yakakiu. Sek jane'yi ka yamape pet ka iniujwank'i kisie'e ti jantajli niwa a'no'ol siojona jloma yi' jlaja.

Juan 7:17

Siuti ja poye siunie janwo ni Inia' yi poliyi iyotaja ka inwo, sek jantaj'le ni i'nio' ti ja 'najane pa janwone, siuti ja ijiatayi ti jantalk'i, ni'ne ka intal Siniayi.

Hechos 13:22

'Nak nojwaja'm puwa jika najkapis yiji ti iyota anechiyasa', ti Sinia' ijialayi pa jijweye ti iyo anechiyasa'. Siupa jikijmaye iyotaja pa Saúl, yikiajle pa David, Isaí jlas ti iyojwa'n anechiyasa'. Paka siupa ti Sinia' iyo'ate ti ijwil'ni, “A'we'en na David, Isaí jlas, wuj ti ts'ajka'a, 'yina ti iyoyi wikie'eyi siuniwa awo ka iyoyi.”

Hechos 21:14

'Yina a'wena ti je akajla ja Pablo, sekyi'i awok'ne 'ate: —'Esiji ka jlama jla'am pa Sinia' siupa iyo kawo.

Hechos 22:14

Iyo'ate ti yinayi'iji ape'e, “Sitise'l t'ipi Jinia' jla'am ijniejiet'a'm ti iyo ka intant'ieje siunie iyo kanwoyi, ka a'we'en ti ijiate jla'am ti 'es, jla'yi ka ape'yayi ti jlame ti tamti.

Romanos 12:2

Ke inteliaja siuniwa wask'i'nelaja a'wena siu'nie jloma, 'wanjliyi ka wo'ate pa, “jla'm ijiate siu'nie ti 'es.” 'Yina wo ink'ieye ni astankiujnieye 'nakayi ti ja'wena' jawo siunie jiwoyeyi, sek jane'yi ka intant'iejayijijna'a siunie Sinia' iyo kawo. Ka iyot'iate, ka intant'iejayiji siunie 'es Sinia' itiliaja, jla'yi ti tijnajyi.

Efesios 6:6

Ká ajwankita siunie ti ijnonitieyi ti jik'iuyeyi, 'yina jwane'e siunie jiniwonayi ti Sijwajieti jikawosts'ase'm, ti jiwoyeyi siunie Sinia' iyo.

Colosenses 1:13

Sinia' jla'am ti kasjwajiete siunie jijweye nak ajnatiok, sekyi'i ti kasjlasatayi pi jlas ti jleminik ni jika anechijiayas.

Colosenses 1:9

Ta'a ti awoki naka ti ajieye'ase'ni, je aleki ti 'ajlanaja'ni ti ajwelaja ni Sinia', 'nakayi ti jan'we'nase'm wikie'eyi siuniwa asosik iyo ka 'najane, siu'neje niwa iyo ka intant'ieje, sekjane'yi ka intant'iejayijijna'a siunie Sinia' iyo.

1 Tesalonicenses 4:3

Siunie Sinia' iyotajank'iye, naka ti iyotaja ka anilesanayiji, ka wujwa ka insisie. Je 'es ka poye paka iwoyi ni siunie ti wuj ti je 'es, naka ti 'yu'ni ni i'nio'.

1 Tesalonicenses 5:18

Ja k'iejliyeyipe pa, 'esiji ka awoyeyi asnikanitieyejayi pi Sinia', 'yina niwak iyojonk'iye ka awoyeyi ti asa'am ti je jikakiuye pi Sijwajieti Jesús.

Hebreos 1:14

'Yina, ¿tent'i napoka injlojwajnas poli jlele, tepit'i iyo siupa jikijmaye? Awo'ate napoka siunapo Sinia' jikawos ti ijliuyi napo i'nio' ti ja jikimita siojona injwajieti ka noyeje.

Hebreos 10:36

Siuti jinilayitieyi siuniwa ijio'wase'ni, 'yina wuj ti jisitiana siunie ast'oni 'nakayi ti jawoyeyi siunie Sinia' iyo kawo, siu'neje ti jataja' siunie ijwi'lase'm.

Hebreos 10:7

Tempi it'imina ti ana'am, ni Inia', ti awo ka iyoyi ni siunie jijliuyijk'i'm, iyo niwa inlesajna' ti yiji ni imp'esinik ti takapajlatak'i, ti sijwe'el.”

1 Pedro 2:15

'Yina nak Sinia' iyotajank'iye kawoyeyi ni 'es, ja 'nakayeyi siunapo i'nio' ti lajk'iyi pakawo, ti je 'yijejne'n, ja ke 'najanayisijpe siuniwa ji'lija jiniliaja ni janojwatits'i ka injwelis kanta'yi aselia'm.

1 Pedro 4:2

'nakaye'eje pet siunie iyoyi ni Sinia' iyone, je pa jlama ka iwoyi siuniwa itiliaja pet ka woyi 'ne ajnat'e.

Apocalipsis 11:15

Sekyi'i siojo injlojwanik poli jlele ti tomayi jlaja, jlampa ijwienjliye 'ni sikio' itij'we times tom'niji japo yam'niji, ti ti'wosojyi'n, 'yina pesiejayi papo tom'niji poliyi, jla'lap ijiok'i'ni ti iyoyits'i 'ate: “¡Siunie ajnat wikie'eyi siuniwa isie pet ape'e 'nakayi yi kiajwe pet ni jijweye ni Saka'niona, siu'neje ni Injwajieti ti jijliujwanik. 'Yina napoka ti anechiyasas jajnok'i'ni ti kiak jawo!”

Apocalipsis 12:10

Jakap'anik'i ti ape'yayeyi ni i'nio' ti tojma'm ni poli, jla'lap ijiok'i'ni, ti iyo'ate: “¡'Nes jana injwajieti ti tajle ni Sinia', siu'neje ni jit'iuni, siu'neje ni jika anechijiayas, siu'neje ni jiniwunitieye naka jijliujwanik ti Injwajieti! Kajeyepa ti totie kisie'e siunie ti iyo'ni jitisa' napo si'niayi ijwienjliyi, siunie ti jlomas, ajnajas ti takasitin'ni jitieyi'i ni Sinia' ti iyojwan'ni jitisa' napo i'nio'.

Apocalipsis 19:6

Sekyi'i ape'yaye'eje pa jla'lap iyo napo i'nio' ti 'lojta, iyot'i 'neje 'ate ni i'niat pa jla'lap ti taj'l ape'e jana tikijnaki ti itiyajak'i isia'm, iyot'i 'neje 'ate 'ni isiumtijnits'i ti 'loj, ti iyo'ate: “¡Aleluya! ¡Saka'niona, ti Sinia' 'neje, ti lajk'ipa ka ijnojliji, yi'i ti iyo anechiyasa'!

Apocalipsis 20:4

A'wen'neje siuniwa ji'wetis napo anechiyasas, 'yina siunapo yiyisijyi'n napoka ti Sinia' yikiajle ni jijweye kan'ye'en napo i'nio' siunie iyo. Sekyi'i a'wen'neje niwa jisiak'alis siunapo jlete'l tilienat'i'yijimpe ti titiajlataja naka ti je iliyi ti yame ki iyo niwa Jesús jlamtis, siu'neje niwa Sinia' jika'niye, siu'neje ti je iyunitis jaka pinitiok ka jitiej iwomisie, siu'neje ja jipe'el ti tewitanajak'i, siu'neje ka lajk'ipa ka inejyi siunie ti tiwok jijwukisa' ni jitiokiots'i, siu'neje ni jikio'. A'we'en ti 'wasanaja'neje mil niwa najkapis yiji ti iyoyis pet anechiyasisa', ti ijwienjli yiyisi'i ni Sijwajieti ti kia'iyo.