Mateo 5:7 - Sinia' Jlamtis 1994

⁷ “Sinia' wuj ti ip'ilisijne'n siunapo ip'ilisijne'n pet napo ijia. 'Yina kia'iyo pit Sinia' jamp'elisijne'n.

Mateo 5:7 ပူးပေါင်းရင်းမြစ်များ

Marcos 11:25

Jak je iyoyi siuti jawoyi ni asts'ajlaye, 'yina 'esiji ka inkiwali'yi pa k'iejliyi pi askiecha iyo'na, ti naka ti jitiajlatayi ti jiwoye jitisa', 'nakayi ti siunie Asna' ti yi' poliyi kiak jawo jankiwali'yi siupa astes iyo ti yiyi ilia'm.

Lucas 6:35

“'Esiji ka i'namajayi siunapo teje'yi aselia'm, ataj ka awomats'i ka ajwela ka k'iuyet ji'wet'e paka k'iejliyeyi, ka awoye lajaye. 'Nakayeyijna'a ti ja ke jlasiye siojona as'wajietiye, jla'yi ti Sinia' ti wuj jilisa'ase'm jlam ti jikap'ijliuskiye yi'ne siunapo i'nio' je 'esijiyi, siu'neje napo jwesis.

Romanos 11:30

Ti pajk'i asa'am ti je Judíojosts'ase'm je k'iuyeyi ni Sinia'. 'Nakayi ti kia'iyo ti je its'iuyisie pet pa Sinia', nak 'nesieyi pet ti Sinia' imp'elisina'.

1 Corintios 7:25

Jlampet siunapo ijwienjlik'iji'n, nak Saka'niona je ijwilk'i'm siupa ka ijiatayi ka 'esie ka iniwonisi. 'Yina ajwejla'm siunie ti ya'am ti itienkiujnieye, lapakawo ti jitiej iyomk'i'm napo i'nio' siunie iyo ti wuj ti ap'elisi'n, it'imina ti anoyeje, 'yina ti kia'awo pet ts'esi ni jikap'ijliuskiye ti iwink'i'm ni Sinia'.

2 Corintios 4:1

Tempi it'imina ti jla'm ani'netiejli, kajeyepa ti kasts'ajane pa awonaja ni jikap'ijliuskiye iyo ni Sinia' ti yikialts'e siunie sikijmaye iyo.

Efesios 4:32

Woye'ate siunapo jlosikis po', nip'elisina'. Ká atayetieyi ti k'iejliyi pi iyo'nase, iyo'ate pet pa Sinia' ti wuj ti imp'elisina, ti kia'iyo ti je iyoyi astesa' siunie jiwoyeyi, 'yina ti paka jla'am pa Sijwajieti ti insisieyi.

Colosenses 3:12

Sinia' 'nama'ase, je nakata siu'neje ti int'ayejits'i, 'nakayi ti ja asama siunapo jika kia'lis pet. Jak je iyoyiji ti jawoye as'wuye siunie askap'ijliuskiye ti ijiate ti tajla'm ni asosik ti 'es, ti ja ena'yi napo as'lejwas. Siupa isitia'n, ti japoye wenajia'm. Ká anitonitie, ke injwesisa', kamaja'.

1 Timoteo 1:13

Ijiate wuj ti je alesanataja pi Sinia', 'wena awo ti i'lijp'an je 'esijpe, ti ata'yi ilia'm kajeyepa ti sijwesieja'm. 'Yina ti jakayi ti lajk'iyi pa ka iyoyi ti je sitiant'ieje pi Sinia', wuj ti sip'elisi'n.

1 Timoteo 1:16

'Yina ti Sinia' wuj ti sip'elisi'n, it'imina ki iyo ti Sijwajieti wuj ti inilayiti pet its'ioye ti je k'iejliyi paka inenk'i'm 'nakayi ti jan'we'en napo siunapo iyojon pet k'iye ka neki siunie iyoyi, jla'yi ti iyojonk'iye pet kan'we'n jana ji'wasankiye ti laj jlaja, 'yiniye ka iniane k'iye napoka.

Hebreos 4:16

Naka'ne, siunie ti je 'esiji ka kaskip'e ni Sinia', 'yina ja ijioki siunie jikap'ijliuskiye 'wet, 'nakayi ti ja kasp'elisijne'n, siu'neje ti jasitiana kanoyits'e'm.

Hebreos 6:10

Kajeyepa ti siunie Sinia' je ka je ijnajyi, ja ke inkiwaliyi'i siunie jiwoyeyi, siu'neje ni asts'amankiye ti jlena'yi. 'Yina pajk'i ti jinikajanitieyi siunie asemijnaye ti jiniuyeyeje siunapo jika kia'lis, jikiniejliyi ti kiak jiwoyeyi.

Santiago 2:13

Kajeyepa ka netieje siojona jloma ti Sinia' jan'ye'en ni jitis iyo, i'nio' ni je ip'ilisi'n napo ijia kiak janwoyeyinie'e pit Sinia' ja ke imp'elisi'n. Jlampet siunie ti wuj ti takap'ijliuski, janakaye pet ti jwajla'a awo ti jant'an pijia'm.

Santiago 3:17

Jlampet siunapo ti ijiate ti tal Siniayi siunie iyo ti 'yije'en, napokaye pet ti kia'iyo ti siunie inia'an ti yiyi ti 'najleje'n ni jlosik; je ti'wena ka iwoyi jijliak'aliye puwa wask'i'nelaja, 'wenajliyi ti 'yakama; siupi ijia iyo kawoyi its'iuye. Takap'ijliuskijyi'n; je ti'wena paka jikeye ka je 'esie iyom wita'm papo 'namaja, jla'yi ti je yinjlajap naka nik'emijieye; isis napo i'nio'.

1 Pedro 2:10

Siukiwa jlomas ti pajk'i tiwet'ianaja ka woye 'ate jiwoyeyi 'nakayi, ti Sinia' jika kia'lits'ase'm. Kia'iyojliyi siu'nie jiwoyeyi, ti jlam ti wuj ti imp'elisina', jlam'ne kiak je woyeyi ka imp'elisina' ti pajk'i.