Mateo 5:32 - Sinia' Jlamtis 1994

³² Ya'am awo'ate, Siuti janakaye jana je inilesanijiyi jitieyi'i ni ayinie, janak jla'm ijiate kanleyi. 'Yina siuti ja lajak'i pa ka intajlata, jlam ti it'imina ti yija'm naka ijnoski'la. Jlampet siunie yiyi janak asejnia ti tiliki'ni, kia'iyojliyi pet, yija'm naka ijnoski'la.

Mateo 5:32 ပူးပေါင်းရင်းမြစ်များ

Mateo 5:28

Jajwi'lase'm, siunie ti i'yejne'n jana i'nioki ti itiliaja ka 'noyi'ni, ijiate nak pajk'i ta'a ti yiji ni jlosik ti 'yu'ni, ti iliaki niwa inamtis.

Lucas 16:18

“Siuti po' ni i'nio' ti ili'ni jana jik'iemjla, sekyi'i yiyi jana jikiecha, yija'm siunie jimawo, ti iliaki ni iyo siunie ilisaniji ti tijwa'yits'iji'n. Kia'iyojliyi ti po' siunie yiyi siojona asejnia ti pajk'i ti takalajan'ni, kia'iyo yija'm siunie jimawo, ti iliaki siunie iyo ti ilisaniji ti tijwa'yits'iji'n.”

Lucas 9:30

Jlam jnots'inijits'i'ni japo t'eyasajnas ti i'winayisi siupapo i'nio' times ti ijwienjli takasitisiap'eje'n pa Jesús ti takamtijnienisi. Papokajimpe papo Moisés siu'neje pa Elías,

Lucas 9:35

Japaka'ne siojopa tojma'm siupa jla'lap siupa tamti, ti iyo'ate: —'Nak siu'nie yas, ti ya'am ti aki'me. K'iuyeyi.

Romanos 7:3

Jak je iyoyiji pet siojona ti 'yuyi'ni pi jikiecha jik'iemjla ka kiak je tiwonaja 'ate 'ojietaki. Jlampet siojona ti 'ya'al pi jik'iemjla, ijiate siojona asejnia iliyi ti yi kiajwe pak inka'neyasajnaye, jak je iyoyiji 'wanjliyi ka injwa'yi kiujwe 'yina 'esiji, kajeyepa ti je naka ka 'no'ni.

1 Corintios 7:4

Siojona asejnia je kimet ni t'ajwes, siunie ayinie nak jikimet. 'Yina siunie ayinie kia'iyojliyi, je kimet siunie t'ajwes, asejnia janaka ti jikimet.