Mateo 5:22 - Sinia' Jlamtis 1994

²² Awo'ate ti ajwe'el naka ti jwesieje ni jikiecha, jitis po'. Siunie i'nio' ti jlam jla'am ti iliaki'ni ni jikiecha, nak ja tokiji napo pa'yijis ijnosikis jiwos siunapo jlame ti yiji jana Jerusalén. Siunie iliaki ni jikiecha, ti iyo 'ne'liaja', nak ijiate ti 'yu'we ka tenaja siunie ijio'we'ni pet napoka ti iyoyi naka, siunie inlaye 'wet ti laj jlaja naka na jwat.

Mateo 5:22 ပူးပေါင်းရင်းမြစ်များ

Mateo 10:17

Joskiyeyijna'a napo Judíojos, asa'am ti jiniamajyin'ni ijyik'i, napoka ti ja inekiajlayi napo jika pa'yijis jlosikis jiwos, ti jank'ajajyi'n yi'i niwa t'ajla'wetis. Siu'neje ti ja ijnoyeyiji napo i'nio' anechiyasas, siu'neje napo anechiyasis wus, siu'neje napo jika kia'lis napo je Judíojos. Jla'yi ti jampe'yaye ti ja sijwela, sekjane'yi ti akatatayi ti ja amtiye'yi.

Mateo 10:28

Ke ijnots'inayi napoka siunapo ti 'yijene pi iyone ka inetiajnat ni 'assie'n, 'yina siunie asak'al nak je 'yijene paka wone ka inetiajnat. Jla'm ijiatayi jla'am siunie ti 'yijene pi iyone ti initiajnat ni 'asie'n, siu'neje ni asak'al, nak jla'm ijiate jla'am ka ajoskiye. Jla'yi ka intateje nak siunie inlaye 'wet ti laj jlaja.

Mateo 12:24

Siojopo Fariséojos ti ipi'yaye japo i'nio' ti kia'iyo, sekyi'i iyoyis'ne pet 'ate: —Beelzebú, siupa jika anechiyas pet napo imose'l, pak iyo jijweyeja' ti iniujwank'i kisie'e.

Mateo 17:5

Jet'i ilitiejepe ti tamti'ni ja Pedro, jlam nesi'liet'iyijpe siojopa poli ti wuj ti 'es, japak ip'ionayi siupi yiyits'i. Sek toma'a pak ina'lap ti iyo'ate: —'Nak yas ti wuj ti emi'n, wuj ti ts'ajka'a. K'iuyeyi.

Mateo 18:21

Pedro ijioyi'ni ja Jesús, sekyi'i iyo'ne 'ate ti i'yase'n: —'Yaka'niona, ¿tepa jawo pet siunie isiecha ti po' ni iyonk'i? ¿Ent'a ja yiyi jana ijwienjli sikio' itij'we times tom'niji ti jap'ilisin'ni, sek jane'yi ka iliyeyi?

Mateo 18:35

Jesús yine ape'e ti iyo'ate: —'Yina kiak janwo'nase ni Inia' ti yi' poliyi, jane'yi pa ti asa'am siuti kiak jawoyeyi ja ke anip'elisina, ti ja ke ijiatayi ka anetiajnata ni jitis iyo napo a'lejwas.

Mateo 23:15

“¡Aswet'ia japoye asa'am ti Fariséojosts'ase'm, asam'neje ti jiwosts'ase'm pet nak Moisés jika'neyasajnaye! ¡Ijnoski'lanajyi'n! Jikinieye'ni ti jlekiajla'ni ape'e ni ajnat, jla'yi ti jlekiajla'ni ape'e ni i'niat jlajlik'i, ti jiwoyejyi'n napo i'nio'. ¡'Yina asamk'e'm ti ji'wena ni ijwienjli sekyi'i ti nakaye ti jit'iyasanayi ni aske' siunie jiwoyeyi, jak je iyoyi ti jikajlayeta nakaye ti jit'iminayi'iji ti 'yakamata ape'e ni jitis iyo, jlam'ne ka asama ti 'yu'wase'm ka intatajayi naka ni siunie inlaye 'wet ti laj jlaja!

Mateo 23:33

“¡Injlajasts'ase'm, kajeyepa ti jitiajlayi niwak injlajas! ¿Jijwelat'e ka ajwayejinie'e siojona jloma ti jiliaye janejyi ni i'nio', ka Sinia' i'yenta ti jansa'a, ti jankiene ni jwat ti je paj ka 'no'me?

Mateo 25:41

“Ka kiak iwonayijinie'e ni anechiyas siunapo to'm ji'lieme, “¡Tonitiejyi'n, asa'm ti pajk'i ti jleyejyi ni inlaye! ¡Joyeyi nak jwat ti je paj ka 'no'me, tejeye ni imosik ti ja jikieye siu'neje napo jijliujwajnas pet, ti tiwakajlanitie k'iye!

Mateo 26:59

'Yina siojopo pa'yijis jika anechiyasas, siu'neje japo ijnosikis jiwos, wikie'eyi ijyijlitayisi ti i'yasis'ni pi k'iejliyi pi ijiutkinisi ape'e, ti iyoyisink'iye ka poye pa ka intajlatisie, ka inlanisie.

Mateo 3:17

Sekyi'i ti pesiejat'iyipi pak ina'lap ti tom poliyi ti iyo'ate: —'Nak siu'nie yas ti yiminik, wuj ti ts'ajka'a.

Mateo 5:34

Jayo'ate ti jajwi'lase'm, Ke etijnape ni k'iejliyi siuti jiwoyeyi niwa amtis. Ke etijnape ni poli, 'yina ti nak Sinia' ji'wet ti anechiyas,

Mateo 5:44

Siuti ti ya'am jajwi'lase'm ti jayo'ate, 'Esiji ka emijne'n napo teje'yi aselia'm, 'ajlanajyi'n pet siupapo ti wuj ti inlakiye siunie iyo'nase ti teje'yi aselia'm.

Marcos 14:55

Siojopo pa'yijis jika anechiyasas, siu'neje japo ijnosikis jiwos, sekyi'i ijyijlitayisi ti iyoyistiejejyi'n siupa ka 'nakaj ka ijiatayiji siupa ka jitis iwo, 'nakayi ti ja 'esiek'iye ka tiliana, 'yina je i'winis paka jitisa' ka intajlatisie.

Marcos 15:1

Siukia ti k'iejli mot, initotiek'i wita'm japo pa'yijis jika anechiyasas, siu'neje japo kijilas ti kia'iyo jleyis po', japoka 'neje siojopo taka'neyasane pet ni Moisés jika'neyasajnaye, siu'neje japo ijnosikis jiwos. Siuti yikiajlayisi ja Pilato kan'ye'en siupa jitis iyo. 'Yina jikioyi tilie'nitie ti tikinieje.

Lucas 12:5

'Yejne'n, jajwi'lase'm siunie jla'm ijiate ti ja ajoskiyeyi. Joskiyeyi jla'am siunie 'yijene pi iyone ti jajna'la jana a'wasankiye jla'yi ti jijweye po' ka intateje siunie inlaye 'wet ti laj jlaja, naka ti jlama ijiatayi ka joskiyeyi.

Lucas 22:66

Jlampa jloma 'yakajaja'n, initotk'i'ne wita'm siupapo kijilas jle' po', siu'neje papo pa'yijis jika anechiyasas, siu'neje papo taka'neyasane pet pa Moisés jika'neyasajnaye. Jesús tikiniejeje'ni papo Judíojos jlosikis jiwos, sekyi'i ti i'yasat'iyisimpe ti iyonisi 'ate:

Juan 11:47

Sekyi'i'ne siojopo Fariséojos initotiek'i wita'm, siu'neje japo pa'yijis jika anechiyasas, siu'neje japo ijnosikis jiwos. Initotis'ne wita'm, ti iyoyits'i 'ate: —¿Tepat'e jayonaja? 'Nak siu'nie, je jlase' siuniwa a'wena ti iyo ti i'winki'n.

Juan 15:25

'Yina jlam je iyo ni siunie iyonisk'i, lapakawo ti yiyeyi siojona jloma ti siupuwa iyo niwa inamtis t'ipi ti iyo'ate, “Jlam'ne lajatak'i pa ka intajlatisk'i'm ti ne'wajask'i'm.”

Juan 7:20

Iyo'ne 'ate japo i'nio' ti isiujlie: —¡Ataj je 'es! ¿Tempa iyotaja ka inla'an?

Juan 8:48

Siojopo Judíojos ipi'yayis jiwek ja Jesús ti kia'iyo, sekyi'i iyonayisi 'ate: —Ijiate siunie awona'a ti ajwela ti am Samaria jlele'a'am, ti imosik yi' awa'm.

Hechos 17:18

Siunapo i'nio' 'yijejne'n jle' iyo'ate Epicúreos siu'neje papo Estóicos sek inita'a ti ijioyisi ja Pablo. Tom ts'iji pa iyo'ate, ti iliakiyis: —¿Tempi'ne pi ijwil'ni siunie amtijieta? Iyo'ate papo ijia: —Ijwilt'e ape'e napo i'nio' siupa dios 'wenayi. Ji'lij kia'iyonisi, kajeyepa ti Pablo ti iyoyetaja jlamtikie', ijwil pa Jesús, jla'yi ki iyo ni a'no', ti janapits'i pijia'm siunapo 'yajle'n ti yiji.

Hechos 22:30

'Yina ja tokis jika anechiyas ti iyotaja ka 'najane paka wone siupa jitis iyoyiyi ja Pablo. Jak je iyoyiji jloma kiecha jakia ti tilienajayits'i kiwa t'aka ti wikijnies, sekyi'i ti takajlunieyi japo ijnosikis jiwos, siu'neje japo pa'yijis jika anechiyasas, ti iyoyeyi ka initotk'i wita'm. Sekyi'i titiona'ne kisie'e ja Pablo, ti titionaja japo ijnosikis jiwos.

Hechos 23:1

Pablo jitiej itieteje'ni japo ti iyo'ate: —I'lijwas, atalk'i'ni jiwekie'e, atajlap'e ti 'nelanjie'e, awakieyi 'niji ti akama jiwek itieyi'i pa Sinia'. Kajeyepa ti lajk'i wekie'e pa ka iyo ka je 'esie ka itiej wujwayi'ni ka ts'ajwejle.

Hechos 24:20

Ni'ne siunapo 'nak yi'i kanjwelis ka poyet'ipi paka iyot'iyipi, ka k'iejliyeyi paka iyone japo jlosikis jiwos, 'neye ti si'yasajta'ni.

Hechos 4:15

Tijliukk'i'ne kiuwat kisie'e. Kiakt'ipa iyoyeyisipi ti jitiej ijiutisie, jlam ininekiajliyisi,

Hechos 5:21

Ijiatjliyi, 'yina k'iejli mot ti yamat'i'nijpe ti ijioyisi japa Sinia' ji'wuk, ijyijlitayisi ti taka'neyasajne'n. Jlampa ijiutiet'ik'ipe wita'm papo jla'yis pa pa'yijis jika anechiyas ti wuj, siu'neje papo jlosikis jiwos, siu'neje papo Judíojos ti kijilas, ijliuyet'iyispe papo tokis ka neki japo injlojwajnas ti yi' insat jiweje.

Hechos 5:27

'Nesat'iyisijpe, sekyi'i ijioyisiji'ni papo jlosikis jiwos, pa'yijis jika anechiyas siupa jlamt'iyijpe iyone'ne 'ate:

Hechos 6:12

'Yina siuti kia'iyo, ijwisin'ne papo i'nio', siu'neje papo kijilas t'ipi, jla'yi papo taka'neyasane pa Moisés jika'neyasajnaye. T'ekiyet'iyisijpe pa Esteban, isimits'i'ne ti 'yutits'i a'laja'm. Sekyi'i ti yamayisi ti itiunisi papo jlosikis jiwos, siupapo jlamt'iyijipe.

Hechos 6:15

Wikie'eyi siupapo ijnosikis jiwos, ti i'yenis'ni pa Esteban, i'winis pa jloniye iyo, ti iyo'ate pa injlojwanik poli jlele jloniye.

Hechos 7:37

Jla'am pa Moisés siupa ti iyont'iyijpe 'ate papo Israel jika kia'lis, “Sinia' jantajlat aswa'm siupa jijwejlanik jiwo ti jawo'ate awoyi.”

Romanos 12:10

'Esiji ka ani'namajapi asa'am ti injwanjliyek'i. Wo lajaye ni akiecha, 'ajnat wat ape'e siunie iyo'naja ti iyo ajaye, wikie'eyi napo a'lejwas.

1 Corintios 6:10

siu'neje napo kajlajnatas, siu'neje napo i'nio' ijialas kan'we'en niwa wask'i'nelaja, siu'neje napo 'yatas, siu'neje napo ti ji'lij je i'yenk'i ti ipichin'ni napo ijia, siu'neje napo ti iliaki napo ijia, ti 'yakajmat ape'e siupi yijni pi k'iejliyi ti iwi'in - wikie'eyi napoka je 'yu'we kanejyi siunie Sinia' jika anechijiayas.

1 Corintios 6:6

¡Ijiate wat ti je 'es ti kia'iyo! Kajeyepa ti je najata wek ti po' pa iyoyi jitisa' pi jikiecha, jlam'ne pajk'i ta'a ti ijioyi napoka ti je Sinia' jilis kan'ye'en.

1 Tesalonicenses 4:6

Wuj ti je 'esk'i naka ka kiak iwone pi jikiecha, naka siunie ajwe'el, siu'neje ni ka ink'emijiete pi jikiecha paka k'iejliyeyi. Saka'niona jla'am ti jawo lajaye niwaka wask'i'nelaja kia'iyo, iyo siunie ti pajk'i ti ajwe'lase'm ka je inkiwaliyeyi'i.

Tito 3:2

Ká ayeyiji'ni ni askiecha, kamaja. P'elisi'n napo as'lejwas; siuti jawayejiap papo, nikajanitieyi siunie jiwoyeyi ti je nitonitie.”

Hebreos 12:25

'Yina jak je iyoyiji ti awo'ate, joskiyeyi. Kima'yi ilia'm siunie ti po' ni ijwi'il niwaka. Siupapo i'nio' t'ipi ti je iyoyis lajaye siupa jla'lap pa Sinia' ti to'm ape'e japak tikijnaki t'ipi Sinaí, jiwet'ia po' papok i'nio' t'ipi. 'Yina sajma ijiatayiji siupa ja siwet'ia jawo siuti kiak jayoki ja ke iyok lajaye siunie jla'lap pi tamti ti tom poliyi.

Hebreos 5:9

Jak je iyoyiji siuti yiyek'iyi siunie iyo ti lajak'i pa ka inetia'n, 'yina nak 'esieyi pet wikie'eyi napo i'nio', ti iyoyi ji'niayija' ti ijioyi ni jijwajieti ti laj jlaja, siunapo ti iyoyi niwa jlamtis.

Santiago 2:20

Ajosik tajanit, intant'ieje ti siunie intankiujnieye ja ke int'opiyiji naka inkijmaye ti 'es ka woyi ni i'nio, ijiate jla'am ti laj lajaye.

Santiago 3:6

Siunie sikiwet iyo'ate ni jwat. Ji'wet pet ni je 'es ti yi siwa'm ti 'yijene pi iyone ka inkajyi'n paka i'nioye. Lapakawo ti naka jla'am ni ji'wet pet ni imosik ti ijliane'e'ni wikie'eyi niwa jlomas. Jak je iyoyiji ti jijweye po' ni i'nio', iyoyi ji'wasankiyeja' ti jlomas ti yat'e.

1 Pedro 2:23

Siupapo i'nio' ti iliakiyis pa Sijwajieti, je iyo ka intayiti ka inlaki pet papo i'nio'. Kia'iyojliyi ti tajakiam'ni, je yits'e ka wo'ate, “Je ijiatena'a pet ka je itieyiti”, 'wenajliyi ti its'iuye pa Sinia' ka jlama jla'am ka'ye'en siunie iyo ti jla'am ti je 'yakajme'n siunie jawoyi.

1 Pedro 3:9

Siuti po' ni je 'es ni iyo'nase napo as'lejwas, 'esiji ka je atayitieyi. 'Yina ja 'wenajliyi pet ti ja ekiajlayi ilia'm ni 'es, siunie akap'ijliuskiyeyi ti ja ena'yi, 'yina naka ti Sinia' tana'ase. Siuti kiak janiwonayi, je jwel ka kiak je iwo'nase pit ni Sinia' ka imp'elisinajyi'n.

1 Jn 2:9

Po'o ni i'nio' ijwi'il ka nejyi na jla'al janak 'esi', jlam'ne ki iyo ti ne'waja'm ni jikiecha. Nak 'yaka ti ti'wena ti je tajli nak ajnatiok.

1 Jn 3:10

Je istie' pet siunapo Sinia' jilis, kia'iyojliyi siunapo jilis pet ni imosik. Siuti po'o ni i'nio' je iyo nak 'es, ni'ne ka nakaye siunie je 'namaja ni jikiecha, je tajle pi Sinia'.

1 Jn 5:16

Jane'yi pi i'nio' siuti jan'we'en ni jikiecha ti iyo ni jike' ka jeye wata'a ka nejia'm siojona 'najlati, 'esiji ka'najlan'ni. Sekjane'yi ka Sinia' in'manitiena'a ni jikiecha siuti jakeye wata'a. Po'o siunie inke' ti yame siojona 'najlati ni i'nio' ni iyoyi, it'imina ti awo'ate je jikie' ni 'najlaye ape'e ni i'nio' ni iyoyi.

Judas 1:9

Siupa injlojwanik poli jlele Miguel, ti jlamata pet ti ijia jika anechiyas, 'yina t'otale je t'oni ka kiak ji'lij iwone, siupa ti iniewiti pa imosik ape'e pa t'ajwes masa pa Moisés. 'Yina Miguel je yits'e ka kiak iwone 'ate pa imosik, “¡Ates po'!”, 'wenajliyi ti iyone 'ate, “¡'Esiji ka Saka'niona jlama jla'am ka insela'm!”

Apocalipsis 20:14

'Yina siunie 'najlati jinia' sekyi'i ti titetajayi siunie jwat ti isa ape'e, 'ate iyo ni tewuk iliyi, janaka 'najlati ti tomik'i siojopa inia'an.