Mateo 5:18 - Sinia' Jlamtis 1994

¹⁸ Ijiatk'i siu'nie jayo, siuti je netianjli'ijyi ni poli siu'neje 'ni ajnat, kia'iyo ja ke inetia'n nak Moisés jika'neyasajnaye tiwet'ianaja ka janajata jana inkajwukis, siu'neje niwa sajmelaja'n ka netia'n, paj ka ineyeyinie'e siojona jloma ti ja 'nakaj siuniwa iyo ti ijwi'il.

Mateo 5:18 ပူးပေါင်းရင်းမြစ်များ

Mateo 10:15

Ijiatk'i siunie jajwi'lase'm ti janeyi janak jloma ti Sinia' jan'ye'en napo i'nio' ni jitis iyo, siunie jawo ti ja tisiejek'i'yi papok i'nio' yiji japak isi', janka'm ape'e siupi jiwet'ia iyot'iyipi papok i'nio' yiji japa Sodoma siu'neje Gomorra ti tisiejek'i.,

Mateo 10:23

Jane'yipe japa isi' siunapo yiji ti ja ke inena'yi 'ate, ka akinieye'nijpe ti ja'yiltanayi japa isi' kiecha. Jlam je awo ijiatk'i siunie jayoyi ti, siuti ja ke atejwa'yi ka ajoyeyits'i niwak isi'il siunapo Israel jlele yijits'i japakayeyi ti ja'nes ni I'nio' Jlas.

Mateo 10:42

Jane'yi pa jantes, je tiwet'ianaja ka i'niata wek paka inwejna'm ka techajaje', jane'yi pa siu'napo kia'lis ti najmin'ni ijyik'i. Ka wo'ate, “Ap'elisi'n kajeyepa ti je 'wena, 'naka ni yamk'ijin'ni ni Jesús”. Ijiate i'nio ni iyoyi naka, ja jikaja poye.”

Mateo 11:11

Ijiatk'i siunie awoyi ti ajwe'el, Juan lajk'ipa ka wo'ate iyo, ape'e 'ni ajnat, ka ti'wena ka inka'm ape'e iyo pet ti jla'am. Jlam'ne pet jitieyi'i ni Sinia', siunie ti yiji ni jika anechijiayas, ti je 'esijiyi ti lajk'ipa kawo, nak 'yakama'aja pet ape'e.

Mateo 13:17

Ijiatk'i siunie awo ti po' papo Sinia' jijwejlanawos t'ipi, siu'neje papo i'nio' isis t'ipi, ti ijialasista kan'wenis siuniwa ji'wena, 'yina je i'winis: ijialasista ka impe'ya ki iyo ni jipe'yaye, 'yina ka pakayet'iyijpe ka impe'yayis.

Mateo 16:28

Ijiatk'i siu'nie jayo ti jajwi'lase'm, ti asa'am ti nak jleye'yi 'nakayi, japoye siunapo 'wasajne'n, ka je 'naltajana'a jan'we'en na I'nio' Jlas ti jana'am kanwo anechiyasa'.

Mateo 17:20

Jesús iyo'ne 'ate ti isiujlie: —'Nakayi pet ti je ijiate ka astankiujnieye poye. Ijiatk'i siunie jayo'nase ti 'wanjliyi ka kia'iwo ka jwamjla'aja ni atankiujnieye ka poye, ka wo'ate siojona mostaza jlo' jlase', 'wanjlit'itieje ka janakaye tikijnaki ka awone 'ate, “¡Taj'le ni jle'yi, 'ye'n paka jlasi!”, ijiate jank'iu'wa'm. Jalajk'i paka k'iejliyeyi ka into'm aselia'm.

Mateo 18:18

“Ijiatk'i siu'nie jayo'nase, ja k'iejliyeyipe pa jawonayi napo ika kia'lis ti jawonayi 'ate, Je 'esiji naka ka awoyeyi, - Sinia' kiak jawo'ojyi pet ja ke tijliena'ni. Kiak iyojliyi, siuti kiak jawonayi'ate, Jla'm ijiate jla'am 'esiji ka woyeyi, - Sinia' kiak jawo'ojyi, ja lajk'ipa kanwo ja ke int'onieye'yi pet.

Mateo 18:3

sekyi'i iyo'ne 'ate: —Ijiatk'i siu'nie jayo'nase, siuti ja ke awoye asosikis ink'iejyisa', siu'neje ti ja ke anitewijnatayik'i siunapo kia'lis, je pajna'a ka 'oyeyi nak jika anechijiayas ni Sinia'.

Mateo 19:23

Sekyi'i Jesús kiak iyonayiji japok t'eyasajnas: —Ijiate siu'nie jajwi'lase'm, ti siunie i'nio' jwajla i'wi'in ka wo ka'noyi pet ni Sinia' jika anechijiayas, wuj ti ti'nita.

Mateo 19:28

Jesús isiujlie japo ti iyo'ate: —Ijiatk'i siu'nie jayo'nase, ka inetiejenie'e siojona jloma ti Sinia' janekiajle'e ti jawo ink'iejyisa' wikie'eyi niwa wask'i'nelaja, siojona jloma ti ni I'nio' Jlas jane'yiji'n siojona ji'wet ti 'es ti jawo anechiyasa', asa'am kiak jawoyeyi'iji pet. Jawaye'yiji'n niwak in'wetis itijwa'm sikioye times tom'niji ti jawoye anechiyasisa' pet, asa'am ti je liyejyin'ni ijyik'i. Japakayeyi ti siunapo i'nio' ti je pini', siunapo tajla'm napo itijwa'm sikioye times tom'niji Israel jilis, ti jane' askiajwe ti jawoye pet anechiyasisa'.

Mateo 21:21

Jesús isiujlie ti iyo'ate: —Ijiate siu'nie jayo'nase, siuti ja lajk'ipa ka askakiujnieyeja', astankiujnieye japoye, ja akajlajyi siunie awone jana higok. Ja ke 'najataja ka 'najanayi paka awonayi, siu'neje ti jawone'ate jana tikijnaki ti ja amtiye'yi, “¡Taj'le ni jle'yi, ma isia'm yi'i ni i'niat!” Ijiatjliyi ka kiak iwoyeyinie'e.

Mateo 21:31

Papok siupapo times, ¿tepa yi'i siupi je ika'm ape'e pi jinia' ji'lij ti ijliutieje siupi jikijmaye?” Isiujlisie'ne ti iyo'ate: —Siupi iniajnat ti ijioyi. Sekyi'i Jesús iyo'ne 'ate: —Ijiatk'i siu'nie jayoyi, siunapo isi'm ilia'm niwa inkat'ijnieyejes ti i'ye'n ilia'm ti ijioyi'ni jana Roma, siu'neje napo asejnia siunapo 'yuyi'ni napo ijia jwa'yis, napok siunapo jana'n ask'ioye ti ja'noyi ni Sinia' jika anechijiayas.

Mateo 23:36

Ijiatk'i siu'nie awoyi ti 'nak jant'emina napo i'nio' siunapo yiji pet siujlie'e jloma, ti Sinia' jiwak jane'yi ape'e.

Mateo 24:2

'Yina Jesús isiujlie'ne ti iyo'ate: —¿Ji'wena' siu'niwa 'wukiu'ul? Ataj enayijna'a 'ate siunie jayo, ti ja lajak'i japa ka 'wanjliye ape'e niwa ijia siuniwa sisajas, jano'we ti janwasits'i janetiajne'n.

Mateo 24:47

Ijiatk'i siunie jayo ti nak inkawo ti 'es, nak janekiajle ti jan'yenkina siupuwa ti jlam ti jikimet.

Mateo 25:12

Iyo'ne 'ate ti isiujlie, “Je sitiant'ie'ase”.”

Mateo 25:40

Jawoyena'a 'ate ni anechiyas ti jankiujlie, “Ijiatk'i siu'nie jayo'nase, ti jayo'ate: jane'yi pa siunapo i'niayi ijwienjli ti lajk'iyi paka iwoyi, pi ja k'iejliyeyi pa jawonayi ka 'esiek'i, ijiate jijwelt'e ka 'wenaye siunie jiwonayi, ya'am.”

Mateo 25:45

“Janwoyena'a 'ate ni anechiyas ti jankiujlie, “Ijiatk'i siu'nie jayo'nase ti jajwi'lase'm ti ja lajak'iyi paka wonayi ka k'iejliyeyi, siu'napo ti je 'esijiyi, siu'niwa ajwel'ni, ijiate je t'i jijwela' ka 'wenaye, ya'am ti lajk'iyi paka awonak'i ka noyeyek'i'm”.”

Mateo 5:26

Awo'ate, je pajna'a ka ano kisie', paj ka atejwa'ana'a japa aka wikiniet'aj ti jakat'i'n atepe'e.

Mateo 6:16

Siuti jininel'liajanitie ti jiwoyeyi ni asts'ajlaye, ká aniwonaye 'ate napoka napo sintijyis ti initoniti'n. Inikajanit ti je inkase'n, iniwone 'ate siunapo ti jijliak'ali po', ti iyojonk'iye ka ti'wena ti ininel'lianiti'n. Ijiate siunie jajwi'lase'm, nak it'imina ti 'yakajli, siunie ti tonitieje ni iyoyisi.

Mateo 6:2

“Siuti janoyeje napo p'ijliusis ti jawo 'wajieta', ká ane'ni ka ajwele ape'e napo i'nio', ká aniwone 'ate napok i'nio' ti sintijyis ti initoniti'n. Jak je iyoyi ti yiyeta 'najla'wetise, 'ni'ne ti yijits'i niwa jika'wulis jana isi', ti iyoyeta 'wajieta' napo p'ijliusis, yinayi jitieyi'i napo i'nio', ti jla'm iyo ka ti'wena ka tonitieje siunie iyoyisi. Ijiate siunie jayoyi jlam je awo, nak it'imina'aja ti ikajli naka, ti siunapo i'nio' ti ijiunitis.

Mateo 8:10

Jesús kawojlijinipi ti ipi'yayejampe, iyone'ne 'ate siupapo i'nio' yamk'i: —Ijiatk'i siunie jayo ti jajwi'lase'm, ti je a'we'en paka Israel jleleye ka kia'iwo 'ate siu'nie, ti ijiate ti jitienkiujnieye po'.

Marcos 10:15

Siu'nie jayoyi ijiatk'i, ti siunie i'nio' kiak ja ke iniwone 'ate iyo ni kia'le ti janki'm ilia'm ni jika anechijiayas ni Sinia', 'yina naka ja ke 'noyi.

Marcos 10:29

Jesús iyo'ne 'ate ti isiujlie: —Ijiatk'i siunie jayoyi, ti siuti japoye siunie ti janajmin'ni ijyik'i, ti naka jla'am ni Sinia' jika'niye ti 'es ti iyoyi, 'yina ti iliyi jiwek seka'a japa ji'wuk, siupapo ji'niayi ijwienjliyi, siojopa jlet jinia' kia'iyojliyi, ni'ne ka jilisa' papo, jika ajnat, awo'ate siuti je t'ekijli'ijyi ape'e 'ni ajnat 'yina jlajma ijiatayijijna'a pet ti janjwos niwa ji'wukila, janjwos napo ji'niayi ijwienjliyi, janjwos napo jiniewota, jika ajnatis kiak iwojliyinie'e, jilis janjwos, 'yina jla'm janajataja pet siunie ja tiwonaja ti ja titieye ilia'm. Ma ja jejliye pet ti siunie jloma jana'am siojona ji'wasankiye ti t'o'n jantaj ni i'nio'.

Marcos 11:23

Ijiatk'i siu'nie jayo, ti siuti japoye pa kanwone 'ate ka jloye siujlieja tikijnaki, “¡Nitajla'n, nitateja'm ni i'niat!”, 'yina ijiate, siuti kiak jawo janjwankitk'i ni jitienkiujnieye ti siupa iyo kawone, je 'es'ne ka je ijiatayi ka intankiu'n.

Marcos 12:43

Jesús tanat'iyi'nijpe japo t'eyasajnas, sekyi'i ti iyonayi 'ate: —'Yenak'i siojokia ask'ilieki, p'ijliusie. Ijiatk'i siunie awo ti siojokia jika wikiniet'aj jlase' ti itietek'i isia'm siojona tena'a'ni, 'yina 'yaka'm ape'e siojopa itietek'i isia'm siojopo i'nio' ti ijiate jla'am ti jwajla'a i'wi'in.

Marcos 13:30

Ijiatk'i siu'nie awo, ti siuti 'wanjlijli'yiji siu'napo i'nio' yiji 'nak jloma kiak jawo ni siuniwa ja'wina, ti kia'iyo janejyi pit niwak jlomas.

Marcos 14:18

Jlampa ti'yekiunieje'n iyone'ne 'ate japo t'eyasajnas ti ijwijla'm: —Jlam je awo siu'nie jayoyi, ti siuti asa'am ijwienjli ni siu'nie akijwane 'nak ja siwe'en.

Marcos 14:25

Siunie jayo jla'am je awo, ti ja'najatajayiji ti a'yaje siu'nie ts'ejnietio' t'e', 'yina ijiatjliyi ka netiejenie'e siojona jika jloma ni Sinia' jika anechijiayas jiwekie'ajana'a ka ijyijlita'm ni at'es ti ink'ie'.

Marcos 14:30

Jesús isiujlie ti iyone 'ate: —Ijiatk'i siunie jayo'na, ti siu'nie ajnaj ka majletiejejna'aja ka nekiajle'e ka ajwentas inap siupa ja timesieyiji, janajapejayi ti ja ajwel ka je intant'iek'i.

Marcos 14:9

Ijiatk'i siu'nie jayo, ti ajnat pi jane'yi ti ja tiwoki inka'niyeja' siuniwa Sinia' jlamtis ti isis, sekjane'yi ka tijwelajape pet siujlie'e iyo jla'a asejnia, ja titienkiuniejak'ipe.

Marcos 3:28

Ijiatk'i siu'nie jajwi'lase'm ti jayo 'ate, Inia' janetiajnat wikie'eyi siunie jitis iyoyi siunie iyoyi ni jike', siu'neje niwa jlamtis jiniliaja ti iyoyi,

Marcos 6:11

Jane'yi siojopa ajnat jijnieyeyi, siuti ja ke inki'm aselia'm siu'neje ni jikinieyiji'n ti ja ke inwo ka ink'iuyisie, sekjane'yi ka tajlayeyijpe, sekjane'yi ka ajnat alanayejyits'ipe niwa asati' ja'nakayeyi ti jan'wena siunie jiwonayi, jitiej inenayisijna'a 'ate ti jitis po'.

Marcos 8:12

Jesús jiyel iyom'ne sekyi'i iyo'ne 'ate: —¿Yot'it'iyi'ni siu'napo i'nio' yiji pet siuniwa jlomas ti jwesiejenk'iye ka ti'wenkinaja'm paka k'iejliyeyi paka tiwonaja? Ya'am awo'ate, ja lajak'i paka ti'wenkinaja'm.

Marcos 9:1

Jesús iyoyejempe'eje 'ate: —Ijiatk'i siunie jayo ti jajwi'lase'm, ti siuti asa'am ti jleye'ne ti ajwel 'nakayi japoye napo ja'wasanaja'n ka netieje janak siojona jloma ti jane met ni Sinia' jika anechijiayas siu'neje ni jijweye ti je jlase'.

Marcos 9:41

Ijiatk'i siu'nie jayoyi, ti siuti po' ni janwe'nase'm ja ke tiwet'ianaja ka i'niata wek paka a'yayejyi, lapakawo ti janakaye jla'am ti ini'nopijietak'i, ijiate nak japoye pet ni jatena jikiojyi.

Lucas 11:51

Yi'i pa Abel t'ipi, sek jantajlap'e paj ka ineyeyinie'e pa Zacarías t'ipi, ti tiliana ti tenaja kiajwe japa 'najla'wet, yi'i japa altar jik'ioyi ti t'otata. Ijiatk'i siunie ti ajwe'lase'm, ti Sinia' nak jantajlata napo i'nio' ijyiwitajam'ni pet siu'nie jloma, ti titijwajat'i'yipe papok i'nio' t'ipi.

Lucas 12:37

Wuj wata'a ti tipejnik'i siunapo inkawos ti je imiak'iji'n ti 'nesata ni anechiyas. Ijiatk'i siunie ajwe'lase'm, 'yejne'n, je jwel ka anechiyas je intane, jan'yase ka intaye ape'e japa inak totieja ape'e, je jwel ka je jlama jla'am ti jansajiamk'i k'iye pi jlak puwa jika teti'l siuti jan'yekiujni'n.

Lucas 13:35

'Yejne'n, siunie a'wet ja lajak'i papo ine'yi. Ajwe'lase'm ta'a ti ja ke si'wena, ijiatjliyijna'a ka inetieje janak jloma ti jawo'ate, “¡'Esiji ka Sinia' iwejna'm siu'nie 'es siunie i'nio' ti Saka'niona ji'lij iwijna'm!”

Lucas 16:17

“Nak je istieyiji ni poli jla'yi na ajnat kanleyi ka ti'wena, jlam'ne siunie Moisés jika'neyasajnaye siojona jikajwukis ijwienjli ja nak istieyiji'ni ka je inek'i.

Lucas 18:17

I'nio' ni ja ke iniwone 'ate ni kia'le siuti isi'm ilia'm ni Sinia' jika anechijiayas, ja ke 'noyi.

Lucas 18:29

Jesús isiujlie'ne ti iyo'ate: —I'nio' ni jlam sek iliyi'i wek japa ji'wuk, siojopa jik'iemjla, siu'neje napo ji'niayi ijwienjliyi, jinia' jlet kia'iyojliyi, siunapo jilis, ti ijiate ti iniuyeje ni Sinia' jika anechijiayas, jajwi'lase'm ti ja ke piniye siuniwa jan'we'en 'ne ajnat'e, 'yina janeyi pet siojona jloma jana'am, siojona ji'wasankiye ti laj jlaja, ja poye.

Lucas 23:43

Jesús isiujlie ti iyo'ate: —Ijiatk'i siu'nie jayo'naja ti siu'nie jloma je ijiat ka je a'ijiap ka yitana'a ji'wete siupa 'es pa Inia'.

Lucas 4:24

Jesús jla'm iyojli 'ate: —Ijiatk'i siunie ti awo'ate, tiwet'ianaja ka injwanjli wata'a napo injwejlanawos ka 'esie ka ti'yenaja ilia'm ti yi'i ni jika ajnat.

Juan 1:51

Jesús yine'ne ape'e ti iyo'ate: —Ijiate siunie ajwe'el ti awo'ate, ti ja'wena ni poli ti ja 'ajlaja'm. Ja'wena napo Sinia' jijliujwajnas poli jlele ti janekiajlin'ni ape'e ni I'nio' Jlas, 'wena napo janekiajlin'ni kiajwe.

Juan 10:1

Jesús paj ti iyoye'eje 'ate: —Ijiate, ijiatk'i siunie jayo ti awo'ate, siunie ti je iniuyi ni jika 'wuk kiwet jana sontas ji'wuk, ti i'yujli wek paka'a, 'yina nak kajlajnata jla'yi ti kalankijieta.

Juan 10:7

Jesús yikiajlayi'iji ti iyone'ate japo i'nio': —Ijiate, ijiatk'i siunie ti jayo'ate, ya'am siunie 'wuk kiwet siunie iniuyi'ni niwa sontas.

Juan 12:24

'Yejne'n, ka jla'm iyo wata'a, siunie ipiatatiok t'ejes 'wanjle'e siojona jlo', ti ja ke t'otie isia'm, tepa jawo ka jla' poye, 'yaka je netiajne'n ajnat kiajwe ka intal. Jlam pet ti tiwomajata kia'iyoyeyi pet, jla' poye ts'ijiye ti wakajlata.

Juan 13:16

¿Tepi yi'i pi i'nio' t'a'n ape'e pa jika anechiyas ti jla'am ti inkawo, siu'neje ni i'nio' tijliuk ka injwe'el ka t'a'n ape'e siupi ijliu'?

Juan 13:38

Jesús isiujlie ti iyo'ate: —¿Mi ijiate siunie jijwe'el, ti inwakal ka alaye ine'yi itipe'e? Ijiate siunie jayo ti jajwi'il, ka majletiejejna'a ka nap ni ajwenta, ja najapajayiji ti janikakiu'ni, ti jajwe'el ja ke intant'iejk'i.

Juan 14:12

Ijiatk'i siunie jajwi'il ti siunie i'nio' ja ke sakakiu, jikijmaye jawo'ate iyo ni isijmaye, siupi jawo puwa jan'wenki'n. Ja jlam ijiatayi jla'am siupi jikijmaye jawo, lapajawo ti jayik, jajioyi ni yi'i ni Inia'.

Juan 16:20

Ijiate siunie jayo ti jajwi'lase'm, ti japoye siojona jloma ti ja apajyi'n. Asajlas japoye, jla'yi ti janetia'n siunie asnikanitieyi iyo. Ja jlam'neja pet siunapo i'nio' yi'i 'ni ajnat ja wujwa ti ja inkasaja'n. Ja ejloye wekie'e, 'wanjliyi ka kia'awoyeyi ti ja ke inkasajyi'n. 'Yina lapawo ti siuniwa asjlak'ali iyo jank'iuye'e pet siunie asnikanitieyi.

Juan 16:23

Janak siojona jloma ti ja ke ekiajlayi'ne ka si'yasayiji'n paka k'iejliyeyi. “Ijiatk'i siunie awo ti awo'ate, siunie Inia' siuti ja 'ajlayi pi k'iejliyeyi, janwe'nase'm siuti jasetina.

Juan 21:18

Ijiatk'i siunie jajwi'la'm, am ti jwemik'ia'm ti jiwo ka ak paka ajojwi, jiwoye a'wuye. 'Yina siuti ja kijila'm ja 'akajnie k'iye ni akio', 'yina ja 'wenayeyi siupi ja'nojienk'ipi ja a'wuye, jajnokijipi ja ijnokiji, siupi je am ka awo ka ajojwi.

Juan 3:11

Ijiate, ijiatk'i siunie ti kasts'ajane ajwela, siunie a'wena ajwela. 'Yina kaskakiu ti ajwelata'ase'm.

Juan 3:3

Jesús iyo'ate ti isiujlie: —Ijiate, ijiatk'i siunie jayo, lajk'ipa kan'we'en pi k'iejliyi pi Sinia' jika anechijiayas ijiatjliyi jla'am ni i'nio' ti yikiajle'e ti k'iejli yiji'n, nak jantant'ieje.

Juan 3:5

Jesús iyo'ate ti isiujlie: —Ijiate, ijiatk'i siunie awo ti jayo'ate, lajk'ipa ka 'najane paka inwone ka 'noyi ni jika anechijiayas pi Sinia' ijiatjliyi jla'am ni i'nio' ti k'iejli yijijyi'n ni i'niat jla'yi jana Sinia' jikimet.

Juan 5:19

Jesús iyone'ne 'ate japoka: —Ijiate, ijiatk'i siunie jayo ti jajwi'lase'm, ti Sinia' Jlas je 'yakajli paka k'iejliyeyi pa kanlesane ka jlama. Ijiatjliyi jla'am siupi i'winaja ti iyo pi Jinia', pakayeyi wekie'e ti iyo. Wikie'eyi siuniwa Jinia' iyo, kia'iyojliyi pet ti ilisane.

Juan 6:26

Jesús isiujlie ti iyo'ate: —Ijiate, ijiatk'i siunie jayo ti jayo'ate, ti nakata jla'am ti i'neliajayi siukia ti ji'yekiuniejyi'n ti nep'isiejyi'n, jlam'ne ka nakaye siunie ka 'najanayi paka awonayi ni iyo ti a'wenki'nase'm.

Juan 6:32

Jesús isiujlie ti iyo'ate: —Ijiate, ijiatk'i siunie jayo ti jayo'ate, Moisés je jla'am 'ninta ka jlama ka inwe'nase'm siojona woye ti tal poliyi, 'wenajliyi jla'am ni Inia' ti iwi'nase'm janak woye ti ijiatk'i ti tal poliyi.

Juan 6:47

Jlam je awo ti awo'ate, siunie i'nio' ti jitienkiujnieye po', nak itiej jana ji'wasankiye ti laj jlaja.

Juan 6:53

Jesús iyone'ne 'ate papoka: —Ijiate, ijiatk'i siunie jayo, siuti ja ke atowa ni t'ajwes jla'yi ti ja ke a'yayejyi ni ji'woyis ni I'nio' Jlas, ja laja ji'wasankiyeja' siojona laj jlaja.

Juan 8:34

Jesús iyone'ne 'ate japoka: —Ijiate, ijiatk'i siunie jayo, ti siunie i'nio' iyoyi ni jloski'la, nak siunie jikipinik ni inke'.

Juan 8:51

'Yina awo'ate, jla'am je awo siunie ti awo'ate, i'nio' ni janwo niwa yamtis ja ke inetia'n.

Juan 8:58

Jesús isiujlie'ne pet ti iyo'ate: —Ijiate, ijiatk'i siunie awo, ti ya'am pajk'i ta'a ti sipo', ti siupi Abraham lajlik'ijipa.

1 Pedro 1:25

ja ke iwoyena'a jla'am 'ate niwa Sinia' jlamtis, ja ke paja jlam ka netia'n.” Siuniwa inamtis ajwe'el, niwaka inka'niye ti ijwi'il ni Injwajieti ti tijwela'ase'm pet.

Apocalipsis 20:11

Jakayi'ne ti a'we'en siujlieja ji'wet ni anechiyas lemi, siujlieja ti jlamt'iyiji, siu'neje ja yi'iji'n. Sekyi'i siunie ajnat siu'neje na poli jlam sek netiana'a jitieyi'i, 'yina ka kia'iwo ka ti'wena paka inejyi wata'a.