Mateo 5:10 - Sinia' Jlamtis 1994

¹⁰ “Sinia' wuj ti ip'ilisijne'n siunapo iyo ni Sinia' iyo kawo ti i'nio' teje'yi ilia'm k'iejliyi pa tiwonaja ti tiliakik. 'Yina ti napoka pet ti yiji ni jika anechijiayas.

Mateo 5:10 ပူးပေါင်းရင်းမြစ်များ

Mateo 10:23

Jane'yipe japa isi' siunapo yiji ti ja ke inena'yi 'ate, ka akinieye'nijpe ti ja'yiltanayi japa isi' kiecha. Jlam je awo ijiatk'i siunie jayoyi ti, siuti ja ke atejwa'yi ka ajoyeyits'i niwak isi'il siunapo Israel jlele yijits'i japakayeyi ti ja'nes ni I'nio' Jlas.

Mateo 19:14

Jakayi'ne ti Jesús iyone 'ate: —Ena'yate napo kia'lis. Ká atoma'ni k'iye ti iyo ka ijnoyisk'i. 'Yina napok 'yiniye siunapo i'nio' yiji pet nak Sinia' jika anechijiayas, siu'napo kia'lis.

Mateo 25:34

Jantanayinie'e ni anechiyas siunapo jantom jijweyeje, ti janwone'ate, “Joniemit, siunapo Inia' pajk'i ti iwijna'm ni 'es ti ip'ilisi'n. Kima'yi ilia'm ni siunie ti jla'am pajk'i ti iwiakajlanit ask'ioye, tajlap'e ti 'nelanjie'e ilisanayi ni ajnat, naka ni jika anechijiayas.

Mateo 5:3

—Sinia' wuj ti ip'ilisijne'n siunapo itiant'ieje ti najata Sinia' jikap'ijliuskiye ti 'esi, jla'yi ti 'yijene pi iyone ti isitia'n naka. 'Yina napoka yiji pet nak jika anechijiayas.

Marcos 10:14

'Yina siuti Jesús i'winayiji jwesie'ne, sekyi'i iyone'ne 'ate japo t'eyasajnas: —Ena'yate, ká atoma'ni k'iye napo kia'lis kajnoyisk'i. Kajeyepa ti siunapo i'nio' yiji nak Sinia' jika anechijiayas kia'iyo 'napoka siu'napo kia'lis.

Lucas 21:12

“Siuti ja ke inejliyi'ijyi kiu' niwaka siunapo i'nio' janki'mase'm, jantaye aselia'm, ka inekiajliyinie'e napo jlosikis jiwos, ti ja'notiets'i a'laja'm. Ti asa'am ti jlekieyi siunie awo, ja ijnokieyiji napo i'nio' anechiyasas, siu'neje napo anechiyasas wus.

Lucas 22:29

Siuti siwojwa'n anechiyasa ni Inia', kia'awo awojwa'n pet anechiyasisa'ase'm.

Lucas 6:20

Jesús jitiej yikiajlat'iyipi japo t'eyasajnas, sekyi'i iyone'ne 'ate: —Sinia' wuj ti imp'elisina ti asa'am ti imp'elisisa'. Lapakawo ti tijna'yase'm ni jika anechijiayas ni Sinia'.

Lucas 6:22

“Sinia' wuj ti imp'elisina ti asa'am, siunapo i'nio' ti ne'wa'ase'm, siuti ja inokiosats'i kisie'e, siu'neje ti inlakiye, siu'neje ti ja ke iwo asjaye, siunie jiwoyeyi ti jikinieyi ni iyo ni I'nio' Jlas.

Juan 15:20

Ataj wunitiets'i siunie awo'nase'ejyi ti awo'ate, “Jikawo je ika'm ape'e ni i'nio' ni anechiyas.” Siuti jlam sakojwaki'n ta'a, 'wena je woyeyi, kiak jawoyeyi pet. Siuti jlamt'i kiak awo ta'a, ti tik'iukk'i'm ni siunie iyo niwa yamtis, kiak inwoyenie'eje pet ti asa'am, ja tik'iukie'asemna'a siupi ja asamtikie'.

Hechos 5:40

sekyi'i ti tanajat'iyipi japo injlojwajnas ti ja tak'ajaki'n. Sekyi'i tiwonaja'ne 'ate: —Leyeyina'a ti jletina pa Jesús, jla'yi ti jit'iyasanajyi'n napo i'nio'. Titimaja ti tilienajat'ijyits'ipe,

Hechos 8:1

Saulo jitienkiujnieye iyone'ate, “'Esiji ti 'ya'al.” Po' papo i'nio' ti ijiatt'iyijipe ti iyoyi puwa Sinia' jlamtis, papoka'ne siupapo itijisk'iye jla'yi ti yapits'i ape'e pa Esteban. Pakayi siupa ti wuj ti inilayiti papo Sinia' jilis yiji jlaja Jerusalén, ti tisiejek'i'yi. Wikie'eyi papoka ti netiank'iji'n ape'e siupuwa ajnatis Judea siu'neje japa Samaria. Japokata japo injlojwajnas sek 'wanjle'e yi'i jlaja Jerusalén.

2 Corintios 4:17

'Naka siunie sijliak'ali iyo, je 'esieta jayi, jak je iyoyiji ta'a ti yam'niji. 'Yina lapakawo ti iwints'e'm siunie siwunitieye pet ti laj jlaja, jla'yi ti 'yaka'm ape'e naka.

Filipenses 1:28

Ká aninenayi 'ate siunie ti ja ke injweyeyi napo astajiejwas. Siunie ti kiak jawoyeyi, nak 'yakajanit ti jano'we ti jajnoyi siunie je 'es jiliayeja', 'yina jlampet ti asa'am jajwayejyi'n. Naka pet ti tajle pi Sinia' siunie iyo'nase.

2 Timoteo 2:12

Siuti kia'iyo anokieje siunie iyo ti inilayiti, kiak jawo je ijiat ka je iwiekiap yi'i pi ji'wet ti iyo anechiyasa'. Jlampet ti jayok'iate, “Je sitiant'ieje”, kiak iwoyeyinie'e pet 'ate, “Je sitiant'ieje napoka”.

2 Timoteo 3:11

Mejla'a ka je 'najane ki iwit'ia iyo ti ape Antioquíaja, siu'neje ti a Icóniojo, siu'neje ti a Lístraja. Wuj ti a'tisk'iji'n siukiwa iyonk'iji japo i'nio', 'yina Saka'niona sijwajiete jakayi.

Santiago 1:12

Sinia' wuj ti ip'ilisi'n siunie to'm ilia'm, jla'yi ti inilayiti siuniwa inkajejlasayejes ti iyo sijliak'aliye. Jak je iyoyi niwaka siunie ti je 'yakajle'n ni i'nio', its'iuyeja pet ji'wet'e, janak ji'wajiet jana in'wasankiye siojona Sinia' ijwijla'm napo i'nio', ti itiliaja kanwejna'm, siunapo 'namaja.

Santiago 5:11

Siunapo i'nio' ti to'm ilia'm ni siunie iyo ti inilayiti, napok ti a'wenajata, awokie 'ate wujwat ti 'es. Jla'yi ti 'najanayi siupi iyot'iyipi pa Job ti kia'iyo ijiate ti jla'am ti 'yakajli ti wuj ti inilayiti siupi iyo pi yiyi, kajeyepa ti je ini'manit. Jla'yi ti 'najanayi siupi iyo pit pa Saka'niona, ti jlam wuj ti 'es ti iniuyeje ts'iji jlaje ti its'iuye 'wet'e siupi jiwet'ia iyo. Tepa jawo ka kiak je iwo ti jlam kia'iyo pi Saka'niona ti je paj ka je imp'elisijne'n napo i'nio'.

1 Jn 3:12

'Esiji ka je iyok'iate pi Caín ti ilia'an pi ji'yini, 'yina ti jla'am ti tajle pi imosik. ¿Tempi itiajlata? Lajk'ipa ka intajlata ti i'wi'in siupi iniwone pi ji'yini, i'yejne'n ti wuj ti 'es siupi iyo. Jlampet ti jla'am wuj ti je 'es siupi jikijmaye iyo.

Apocalipsis 2:10

Ke ijnots'ina siunie jawo ni janilayiti ka netie'anie'e, 'ye'en siunie imosik jajnotie kiajwe jana insat jiwe pa ja inojwajia'm ti asa'm, sek jane'yi ti ja'nakaja siuti ja ijiatayi ti astankiujnieye japoye ti ja ke akakiuye ni Sinia'. Times niwa sikioye jantej'we niwa janojwaja'm ni jlomasa' ti kiak jawoyeyi ti ja ayejyi ni asjlak'ali. 'Yina ká aleyi, ataj ká ala'ne, 'wanjliyi ka ajyi siunie alayeja', 'yina ajwe'la'm ti jawi'na'm siojona a'wasankiye ti t'o'n jawoyena'a 'ate siunie i'nio' t'an pijia'm ti tiliaki'n siojona tena'a jana jletik ti 'yakajli.