Mateo 4:24 - Sinia' Jlamtis 1994

²⁴ Jesús jle' itijwi'ni siujlieja ajnat Siria, ti t'ijieyeje. Tiniamajaja'ni siupapo ti wuj ti inilayiti puwa iyot'iyipi puwa jikie'el ti je ijwienjli, siu'neje papo imose'l iliaki, siu'neje papo jitiej je isis, siu'neje papo je t'ojni'ni, je iyo ka je injwajiete'n.

Mateo 4:24 ပူးပေါင်းရင်းမြစ်များ

Mateo 12:22

Jesús titiunieje siojo i'nio' jitiej je 'es, ti talok jla'yi ti 'ne'lia. 'Yina Jesús ijwiejiet jaka sekyi'i 'esiji ti i'wijne'n jla'yi ti tamti.

Mateo 14:1

Kiwak jlomas ti Herodes siojo ti tijna'yi pet jlaja Galilea ti iyo anechiyasa', t'ijieyet'iyijpe ja Jesús.

Mateo 15:22

Po'ne siujlieja i'nioki ti yiyeyi jlajak ajnat Canaán jleliki ti iyo 'weta'. Ijioyi ja Jesús ti iyo'ate ti 'yakets'ijiap: —¡'Yaka'niona, David jlas, sip'elisin wata'a! ¡Yase' jlaja jitiej je 'es! ¡Wuj ti je 'es!

Mateo 17:15

—¡'Yaka'niona, p'elisi'n wat 'ni yas! Wuj ti je 'es ni jiliaye iyo. Siuti yiyetaja ni iyoyi, ni'ne ti iniuye'eje wata'm, ni'ne nakaye'eje ni i'niat ti iniujwa'm.

Mateo 17:18

Sekyi'i Jesús ijliu'ne kisie'e siupi iliaki, ti iyone'ate: —¡No kisie'e! 'Yina jakayik'i'ne ti 'esie jak jwemik.

Mateo 4:23

Jesús itijw puwa isi'il yiji jlaja Galilea, ti 'yiyasajne'n papo i'nio' yi'i puwa 'najla'wetis ti jikimitis. Ijwi'il siupa inka'niye ti 'es, siupa Sinia' jika anechijiayas, jla'yi ti ijwiejiete'n puwa jiliaye papo i'nio', siu'neje puwa t'ajwes t'a'ti.

Mateo 8:28

Ti Jesús yiyet'iyipi siupi ijioyisi, i'niat ji'wechaja, siojopa ajnat jle' iyo'ate Gadara, times papo i'nio' jitiej je isis ijioyi, ti tajlisi puwa a'no'ol. Wuj ti jwesis papoka. Lajk'i papo ka injweyisi ka inoyisi'ni siupi yi'i.

Mateo 8:33

Siupapo i'nio' i'yena puwak ijnisies jitio', ti i'winayis ti kia'iyo, wuj ti jnots'ijnits'i. Yamat'i'nijpe ti t'osi'ni, ti yiyet'iyispe isiyi, sekyi'i ijwilajamk'i papo i'nio' siupi iyo pa jiwet'ia puwa ijnisies jitio', siu'neje pi iyo papok jitiej je isis.

Mateo 8:6

—'Yaka'niona, 'yakawo ja je inippijiame, je t'onk'i. Wuj ti yejlat'ni siunie jikie iyoyi.

Mateo 9:26

'Naka siu'nie Jesús iyoyi ti ijwiejiet jlajak jlosie, itijwaja'ni jlajak ajnat ti ti'niejenaja pa tiwonaja.

Mateo 9:35

Jesús iniuk'i'ni jawa isi'il siu'neje jawa ji'wetis jilis japo i'nio', ti taka'neyasa'n yi'i jawa t'ajla'wetis jla'am japo i'nio'. Ti iyo ka'niyeja' ti ijwi'il kiwa Sinia' jlamtis, ti niwaka jika anechijiayas. Ijwiejiete wikie'eyi kiwa jiwet'ia iyo japo i'nio', siu'neje kiwa iliatits'i yijits'i jawa t'ajwes japo i'nio'.

Marcos 1:28

Jesús siuti t'ijieyijayi siupi iyo, ta'a ti itijwi'n ape'e jlajak ajnat Galilea.

Marcos 1:32

Ti k'iejli ajnalis wujk'i'ni, wikie'eyi siupapo je isis, siu'neje papo jitiej je isis, tikiniejeje ja Jesús,

Marcos 2:3

Sekyi'i 'nes'ni'ne siupapo ijniujlits'i i'nio' ti nojwits'i siupa je t'onk'i ti isimis kiajwe.

Marcos 2:4

'Yina ti je i'yakanisia'm papo i'nio' ti je pini', i'yujlisi'ne ape'e japa 'wuk sekyi'i ti 'yajlinitieyisi ape'e 'yakama'a siupi yi'i ja Jesús.

Marcos 2:9

¿Tepat'e yi'i siupa je istieyiji, nakat'e siunie ti jayo'ate, “Neppijia'm, kim kiajwe ni ajotik, maj askiujni'n”, ni'ne ka nakaye ni siunie ti iyo'ate, “Netia'n ni ake'”?

Lucas 2:2

Pakat'iyijpe ti siupa i'nio' jle' iyo'ate Cirenio yi'i ti iyo anechiyasa' yi'i jlaja Siria, ti 'nelanjie'e iyoyeyi papo i'nio' ti tetitinak'i.

Lucas 4:14

Jesús Sinia' jikimet ti 'es jijweye tipoyiji, ti yapiliet'ipi Galiléaja. Wikie'eyi papo i'nio' yijits'i puwa ajnatis 'yijene pi iyone.

Lucas 4:38

Jesús, ti iniuyet'ipi kisie'e ti tajle japa 'najla'wet, ijio'ne Simón ji'wete. Siojopa jikant'e ja Simón inlaye yi'i, Jesús tikiniejeje'ni ka inoyeje japaka.

Lucas 5:15

Ijiatat'iyijpe ti tonitie pa Jesús, itijwaja'ni japa ajnat. Je pini' papo i'nio' ijioyi'ni kank'iuyi ti yamtiyi puwa Sinia' jlamtis, siu'neje ka injwajiete siupa jiliaye iyo.

Lucas 5:24

'Yejne'n, jlajma 'winki'nase'm 'nakayeyijna'a ka 'najanayi paka awonayi pet ti siunie I'nio' Jlas jijweye po' ape'e siu'nie ajnat, ka inetiajnat ni jike' ni i'nio'. Pakayi'ne ti iyone'ne 'ate siupa i'nio' je t'onk'i: —Am ti ajloye'a'm ti awo'ate, neppijia'm. Kim kiajwe ni ajotik. Maj ka api.

Lucas 7:17

Paj ti itijwaja'ni siujlieja ajnat Judea, siu'neje puwa isi'il iniujwape'n siupa iyot'iyipi pa Jesús.

Juan 10:21

'Yina po' japo ijia iyo'ate: —Jejie'e kia'iyo pa ti ijiate ti jitiej je 'es puwaka jlamtisie, jla'yi ti ka kia'iwo paka injwajiet paka talokie.

Hechos 10:38

Ajwe'el ja Jesús Nazaret jlele, jla'am ti Sinia' jikimet ti 'es tipoyiji jla'yi pi jijweye. Ti t'iskiunieje'n ape'e 'ni ajnat, ti iyo ni 'es, ijwiejiete papo i'nio' siupa imosik iyone, wuj ti inilayiti siupa jiwet'ia iyo, lapakawo ti Sinia' jlam ti yijap, it'imina ti 'yakajli ti iyo niwaka.

Hechos 15:23

Itiunkinisi siu'nie jip'esinik ti iyo'ate: “Asampey i'lijwas, asam ti je Judíojosts'ase'm, ti as'wet pet jana Antioquía; asam'neje as'wet jana Siria, siu'neje napo ti jleyejyi jana Cilicia. Wuj ti atejwila'ase. Sam ti injlojwajnasts'e'm. Sam'neje ti kijilasts'e'm pet.

Hechos 15:41

Iniuyis 'niji yi'i jlaja Siria, ijiuti ape'e jlaja Cilicia, wuj ti iniuyeje japo i'nio' Sinia' jilis.

Hechos 28:9

'Yijenisi pet pi iyonisi siojopo sek ji'wet'e, sekyi'i ti yamayisiji siojopo kia'iyo je isis, 'yina Pablo ijwiejiete'n jakayi.

Hechos 8:7

'Loj siupapo imose'l yijits'i tijwajyi siupa jiwet'ia iyo, tajwiyek'i wita'm ti iniuyetak'i kisie'e. Kia'iyojliyi siupapo inlaye siupa je t'onk'i ti yi'i, siu'neje papo je t'ojni'n.